Nefel

[ ÇARŞEM, 2024-12-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Tirk destdirêjiyê li hebûna me dikin

STOCKHOLM, 28/2 2008 — Di dunyayeke bêşeref de, alîkirina ala şerefmendîyê ne hêsan e. Kurdistanî îro bi vê wateyê radibin. Em di demekê de dijîn ko hemî mafên mirovatî, çînayetî û ta bi yên heywanan jî bi danezanan di zagonên miletan de hatine pejirandin û ji bo binecihkirina van mafan bi dehan dezgehên netewî hatine damezrandin.

Lê kurd li ser xaka xwe hêj nebûne xwedîyê xwe û tu mafan. Mafê me î jiyînê, ko mîna mafê herî pêşin û pîrozwer tê diyîn, tacîz dibe û dunyayek li hember vê helwestê bêdeng dimîne, dipejirîne.

Kî bêdeng bimîne jî, divê kurd bêdeng nemînin. Bi her şêweyî divê nerazîbûna xwe, hêrsa xwe, hevkarîya xwe li gel birayên xwe nîşan bidin. Bi dagirkirina başûrê Kurdistanê dewleta tirkan destdirêjîyê li hebûna me dike. Her kurd bêminaqeşe divê li hember vê raweste. Ew şêrên li ser çiyayên Kurdistanê şêrên kurd in û divê zanibin ko ne bi tenê ne.

Êdî wext e ko ev ji me re eyan û zelal bibe: Ji bo em kurd in dewleta tirkan êrîşan tîne ser me, me dikuje û dixwaze tune bike. Ew çi navî lê dikin bila bikin, dunyayê çawa dixapînin bila bixapînin, doh jî wusan dikirin û îro jî vê stratêjîyê dimeşînin. Kî pê bixape divê kurd nema bi viya bixapin. Yên ko li serên çiyan şer dikin, şehît dikevin birayê me ne, xuşkên me ne, kurdên me ne. Lihemberderketina vî şerê dujminatiyê wezîfa her kurdî ye.

Ronakbîrê kurd yê nemir Nûrî Dersimî wusa digot:

— Em miletek in ko naxwazin bimrin. Kurdan ji bo jiyînê biryara xwe daye û dê bijîn.

-----------------------------------

Nivîskar: M. ALÎ KUT
Weşandin: 2008-02-28
Xwendin: 6149