Nefel

[ ŞEMÎ, 2024-11-23 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

ZIMAN

Bi CD-roma »Kurdî 1«-ê zimanê xwe xurt bike

STOCKHOLM, 22/9 2000 — Ev CD-rom ji bo zarokên kurd yên 9–12-salî ye û armanca wê ew e ko kurdiya wan xurt bike û bihêle ko ew ji kurdiyê hez bikin. Ev CD-rom ji du beşên sereke pêk têt:

a) 14 ders ji bo zarokan
b) Serkanî (referens) ji bo mamosta û dêûbaban

Çarde (14) ders di CD-romê de hene. Her dersek ji çend parçeyan pêk têt. Di her dersekê de nimûneyên xwefêrkirinê, test û diyalog hene.

Bersivdana testan xuya dike ka mirov çi dizane û ka mirovî çend poan standine. Her bersiveka rast 10 poanan dide mirovî û her bersiveka xelet 5 poanan ji mirovî distîne.

Gava ko mirov testekê yan nimûneyekê bi temamî xelas dike hêka wê bi nîşaneka kesk têt nîşan kirin û heger mirovî ew nîvçe hêla be hêka wê bi nîşaneka sor têt nîşan kirin. Bi vî awayî mirov dizane ka mirovî kîjan nimûne û test xelas kirine û kîjan nîvçe hêla ne.

Hêmanên gramerê di dersan de veşartî ne û zarok, yanî xwendekar, bêyî ko lê bifikire fêrî gramerê dibe.

Beşa serkaniyan (referensan) pirtir ji bo mamosta û dêûbaban e û di wê derê de gramer, rastnivîsandin, alfabe, tekstên xwendinê û hinek beşên dî hene. Beşa gramerê li gor sewiyeya zarokên 9–12-salî hatiye amade kirin û heger ew bixwazin ew dikarin teoriya gramerê û rastnivîsandinê ji wê derê bixwînin û fêr bibin.

Peydakirina CD-roma »Kurdî 1«

Tu dikarî CD-roma »Kurdî 1« ji van cihan peyda bikî:

Nûbihar

Büyük Reşitpaşa Cad. No: 22/29
Vezneciler – İstanbul – Turkiye
Tel: 00-90-212-519 00 09
E-mail: info@nubihar.com

Medya Kitabevi

Istiklal Caddesi
Alhamra Apartmanı, Giriş katı
Galatasaray – İstanbul – Turkiye
Tel: 00-90-212-245 66 02

Diljen Publishing

Vetterslundsgatan 240
724 62 VÄSTERÅS – SWEDEN
Tel: 00-46-70-171 15 08
E-mail: diljen@hotmail.com

Sara distribution

Dalagatan 42
SE-113 24 Stockholm – Sweden
Tel: 00-46-8-33 12 29
Mobîl: 00-46-70-791 36 06
E-Mail: info@saradistribution.com

Bicihkirin

Windows (95, 98, 2000, XP, Vista) fonksiyona Autostart bi kar tîne. Windowsê bixebitîne û CD-yê bêxe CD-romplayerê û program dê xwe bi xwe vebe.

Heger ko program xwe bi xwe venebe, hingê tu dikarî bi hêsanî di CD-yê de li programê bigerî û wê peyda bikî.

1. Windowsê bixebitîne.
2. CD-yê bêxe CD-romplayerê.
3. Li ser îkona »This computer« du caran bitikîne.
4. Li ser îkona CD-ya ko navê »kurdî« ye du caran bitikîne.
5. Li ser programa ko navê wê »kurdî« ye du caran bitikîne û ew dê vebe.

Têketin

Wextê ko mirov cara pêşiyê CD-romê bi kar tîne divêt mirov navê xwe binivîsîne. Paşê mirov li gor wî navî dikare kontrol bike ka mirovî kîjan ders çêkirine û ka kîjan ders mane.

Gelek xwendekar dikarin eynî CD-romê bi kar bînin û mamostayê/a wan dikare paşê li gor navên wan lê binêre ka kîjan xwendekarî/ê kîjan ders xwendine û kîjan ders nexwendine.

Ji bo her xwendekarekî/ê faylek bi navê wî/wê di HD-ya kompûterê de têt parastin. Mamosta dikare yekser li wan faylan binêre û heger ew bixwaze dikare yên kevin jê bavêje.

Rênîşandan

Rêzên rênîşandanê bi şeş zimanan li jorê her dersekê hene. Ji wan rêzan diyar dibe ka li wî cihê ko mirov lê ye divêt mirov çi bike. Heger xwendekarek baş kurdiyê nezane ew dikare bi arîkariya zimanên dî (ingilîzî, fransizî, elmanî, swêdî û tirkî) fêr bibe ka li wê derê çi jê têt xwestin.

Ferhengok

Di beşa serkaniyan de ferhengokek heye û tê de 1 288 bêje hene. Hemî bêjeyên ko di dersan de derbas dibin di wê ferhengokê de hatine wergerandin bo ingilîzî, fransizî, elmanî, swêdî û tirkiyê. Heger xwendekarek maneya bêjeyekê bi kurdî nezane ew dikare ji ferhengokê fêr bibe.

Dengqeydkirin

Di gelek dersan û hinek beşên serkaniyan de xwendekar dikarin bi mîkrofonê dengê xwe qeyd bikin û guhê xwe bidin dengê xwe. Bi vî awayî xwendekar dikarin bizanin ka ew fêrî çi bûne û zimanê xwe çawa bi lêv dikin.

Ji bo dengqeydkirinê mîkrofonê bêxe kompûterê û li ser bişkojika »record« bitikîne û baxive! Paşê li ser bişkojika »stop« bitikîne û raweste û paşê jî li ser bişkojika »play« bitikîne da tu dengê xwe bibihîsî!

Ji ber ko faylên dengî gelek cihî di kompûterê de digirin qeydkirina dengî tixûbkirî ye û her carekê tu dikarî 15 saniyeyan qeyd bikî.

Têbînî:

Qeydkirina dengan di Windows NT de dibe ko nexebite û herwiha karta dengî PCI 128 jî nikare dengan serast qeyd bike.

-----------------------------------

Nivîskar: Nefel-Nûçe
Weşandin: 2000-09-22
Xwendin: 50919