Nefel

[ ÇARŞEM, 2024-12-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Ez ê dengê xwe bidim berendamên serbixwe

CIZÎRA BOTAN, 8/6 2011 — Ji ber ko ez kurd im, ez ê dengê xwe bidim berendamên serbixwe. Ez qet û qet eslê xwe winda nakim. Ez ê dengê xwe bidim wan kesayetîyên ko yegane armanca wan xizmeta gelê wan e. Ewên ko dê bibin dengê gelê kurd, dê bêmafî û zulma ko li erdnîgarîya kurd tête kirin bibin Meclisê. Dê ji dil û can bo pirsgirêka kurdî bixebitin.

Ez ê dengê xwe bidim berendamên serbixwe; lewra partîya desthilatdar ev sê sal in, bi “açilim-maçiliman” me hêdî dike. Ez dixwazim pê bidim zanîn ko êdî em ne zarokên wî ne. Êdî wê nekare me bixapîne

Ez ê dengê xwe bidim berendamên serbixwe; lewra ez dibînim ko gelê min di vê hilbijartina pêşîya me de hûr-gir, jin-mêr, oldar-neoldar, çepgir-rastgir li ser niqteyekê, li ser yekbûna netewî biryar girtîye. Armanc ew e ko hejmareke zêde xemxwarê gelê xwe bişîne Meclisê. Armanca ew e ko bi raya giştî ya dinyayê bide zanîn ko gelê kurd bûye yek. Armanc ew e ko êdî neyê xapandin.

Ji ber vê çendê ne şev şeva wan e, ne roj roja wan e. Mîna wî Qeysê ko li pey Leylaya xwe ketî, bi qêrîn û hawar dixebitin. Demê gel bi hestên kurdayetîyê ber bi qadên hilbijartinan ve diherike, birastî ew dîmen hêjayî dîtinê ye; dîmeneke lehiya biharê tê ber çavê min. Ji ber vê çendê ez jî dixwazim bibim dilopek û têkevim nav lehîya wî çemî û bi wan re bimim yek û bi hev ra ber bi heftbehrana azadiyê ve bimeşin.

Ez ê dengê xwe bidim berendamên serbixwe; lewra di zîhnîyeta serwer ya “yek ziman, yek al, yek dewlet, yek weten” de çi guherîn çênebûye. Ji xwe dema dirûşmeya wan ya “zarok jî bin, jin jî bin, kî bin bila ew bin, hêzên me yên ewleyîyê dê tişta ko pêwist be bike” tê bîra min, ez xwe bi Xwedê diparêzim ko bibim hevalbendê wê zîhnîyetê.

Ez ê dengê xwe bidim berendamên serbixwe, lewra êdî tu hêvîyên ko ez ji partîya desthilatdar bikim nema ne. Lewra her roja ko diçe, her bûyera ko rû dide wê perdeya reş ya li ser rûçikê wê radike, rastiyê derdixe holê. Êdî ez tê gihame ko partîya desthilatdar dixwaze bi fikra umetparêzîyê netewaya kurd bihelîne û bi vî hawî doza wê ya rewa û pîroz ji holê rake.

Ez ê dengê xwe bidim berendamên serbixwe; lewra êdî baweriya min bi biratiyeke yekalî ya sexte û xapandinê nayê. Em ji Qur’ana pîroz dizanin ko biratî çî ye. Lê em wê biratiyê nabînin.

Ez ê dengê xwe bidim berendamên serbixwe, lewra ez der heqê zimanê xwe de gelik û gelik hestîyar im. Herweha haya min jê heye ko partîya desthilatdar çendîn caran îfade kiriye ko ew naxwazin zimanê kurdî bibe zimanê perwerdeyê, naxwazin zarokên vî gelî bi wî zimanê ko Yezdanê Dilovan ji wan re daye bixwînin û binivîsin, hestên xwe bi zimanê dayikê ji hev re par ve bikin.

Egera wan ya vê çendê jî amade ye: “Perwerdeya bi zimanê kurdî dê bibe sedem ko welat perçe bibe.” Te ya rast bivê ew bixwe jî dizanin ko perwerdeya bi zimanê kurdî nabe sedema perçebûna welêt. Lê mebesta wan ne ew e. Mebesta wan ewe ko zimanê kurdî di dibistanan de neyête xwendin. Ji xwe dema neyête xwendin, nesla pêşiya me dê bi kurdî nezane. Dema zimanê meçû, jixwe neteweya me jî pê re diçe.

Ez ê dengê xwe bidim berendamên serbixwe; lewra ji aliyê îtîqadî ve hin nêrînên me yên cuda hebin jî, nirxên me yên hevbeş zêdetir in.

Ez ji hemû kurd-hez û kurdî-hezan lavan dikim ko berê xwe ji vê yekbûna kurdî nedin alî. Lewra firset hatiye; dibe ko careke din ev firset neyê. Lewra temenê me ne mîna yê Nuh e û em sed salî dî najîn?. Werin em li Mewlana Cizîrî guhdarî kin, ka ew derbarê windakirina firsetê de çi dibêje:

Tali’ ko têt û furset muhlet li nik heram e
Min ‘umrê Nûh-i nîne wer saqiyo bi lez xweş!

-----------------------------------

Nivîskar: ABDULKADIR BÎNGOL abdulkadirbingol@gmail.com
Weşandin: 2011-06-08
Xwendin: 7269