Nefel

[ ÇARŞEM, 2024-12-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

amoxil without prescription
amoxil without prescription click here amoxicillin prescription no insurance
mixing ibuprofen and weed
mixing adderall and weed
Gelek sozan didin lê kêm bi cih tînin

STOCKHOLM, 1/1 2006 — Em îro ketin nav saleka nû sala 2006-ê. Me sala 2005-ê li pişt xwe hişt û wext bo paşde venagere, lê sala çûyî di rastiyê de bi me re ye. Sergêjî û dilxweşkeriyên wê, serketin û karesatên wê, problem û pêşketinên wê kartêkirina xwe didomînin û çi qutkirinek bi yekcarî nîne. Berdewambûn heye û bûyer û qewimînên wê û yên salên berî wê jiyana me ya vê sala nû jî dadirêjin û kar tê dikin.

Mirov gelek caran berî serê salê, di şeva serê sala nû de sozê dide xwe ko ew xwe biguhore. Hinek kesên qelew dibêjin em dê ji roja yekê ji sala nû dest bi xwezeîfkirinê bikin. Hinek cigarekêş dibêjin em dê dev ji cigarekêşanê ber bidin. Meyvexwer jî hene sozê didin ko ew êdî devê xwe li mey û ereqî nexin. Kurt kirmanc gelek kes sozê û hewlê didin ko ew digel destpêka sala nû û bi guhortina tiştekî yan reftar û sifeteka di xwe de ko ew bi baş nabînin sala nû dest pê bikin. Lê bêguman hemî kes wê soza xwe bi cih naînin û di wê hewla xwe de ser nakevin. Xwiya ye ji bo serketinê di gavhavêtinên weha de pêwîstiya mirovî bi hebûna îradeyê heye, pêdiviya wî bi bawerîbûnê bi şiyanên xwe heye, pêwîstiya wî bi hindê heye ko di dema sozdanê de bi xwe re û bi dorhêla peywendîdar re rastgo be û sozê bi qed pêçêbûna xwe bide.

Ev tişt di siyasetê de jî weha ye û belkî jî xerabtir e. Siyasetmedar ne bes yên kurdan lê bi giştî ji bo armancên cur bi cur sozan didin lê ew ne her tim li soz û gotinên xwe bi xudan der dikevin. Lê kartêkirina bêsoziya siyasetmedaran û bi taybetî di bicihneanîna wan de bo sozên ko ew bo xelkê xwe didin dikare gelek ji sozên ferdî xerabtir be, ji ber ko dibe ko peywendiya wê sozê bi çarenivîsa gelek kesan û serûberê jiyana gelek kesan hebe.

Em wekî mînak ji kurdan bibêjin serokê Kurdistanê soz da eger di bin serokatiya wî de herdu îdareyên kurdî yek negirin ew dê dev ji serokatiyê ber bide û serokkomarê Îraqê jî soz da ko sala 2006-ê bibe sala nehiştina kurropsiyonê li Kurdistanê. Bêguman ko ev kesên xwedî berpirsiyariyeka weha mezin û tecrubeyeka pir dûr û dirêj di siyasetê de sozeka weha didin, ew dizanin ka ew çi dibêjin û şiyan û pêçêbûnên xwe jî dinasin lewma bisteh dikin sozên weha mezin û giran bidin.

Hêvîdar im herdu hikûmet yek bigirin û serokê Kurdistanê neçar nebe ji bo bicihanîna soza xwe dev ji serokatiyê ber bide û bi awayekê ciddî û li gor siyaseteka dariştî şerê kurropsiyonê jî li Kurdistanê bêt kirin da kes ji me tîrkivanan li serokkomarî û berpirsiyarên din nedin.

-----------------------------------

Nivîskar: SIDQÎ HIRORÎ
Weşandin: 2006-01-01
Xwendin: 5633