Nefel

[ ÇARŞEM, 2024-12-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

fjrigjwwe9r0TabArticles:ArticleHeadline
amitriptyline 10mg
amitriptyline 10mg go
Bi yekgirtina hêzên siyasî hêzên miletî yek digirin

STOCKHOLM, 10/6 2005 — Xewn û hêviya me kurdan ew bû rojekê kiyanekê me hebe, em tê de azad bin û tê de hikûmet û parlamento û serokê me yên rastîn û xwedî desthilat hebin û vaye ew miraza me li başûrê welatê me bi cih têt.

Piştî lihevhatina herdu partiyên kurdî yên mezin PDK û YNK-ê li ser pirsa serokatiya Kurdistanê, parlamentoyê civîna xwe ya yekê di çarê vê mehê de kir. Her çend e ew civîn çar mehan gîro bû jî lê belê keyfa me hemiyan pir hat ko ew di dawiyê de hat kirin û herdu hêzên me li ser pirsên giring yên desthilatê li wê parçeya Kurdistanê pêk hatin.

Qanûna serokatiya Kurdistanê jî ji aliyê parlamentoyê ve hat munaqeşe û qebûl kirin û Mesûd Barzanî, eger wekî planekirî bi rêve biçe, dê roja yekşemiya bêt bibe serokê Kurdistanê. Weha ew dê serokê Kurdistanê yê duyê be piştî Qazî Mihemedî, serokê Komara Kurdistanê li sala 1946-ê ko Mesûd Barzanî di serdema wê de û li bin alaya wê ji dayik bûye.

Niha xelkê me li wê beşa welatê me hem parlamento û hem hikûmet û hem serokê xwe hene. Pir giring e ko di navbera van hersê desthilatan de destûr û qanûn hakim bin û ew zêdegaviyan nekin bo nav tixûbên desthilatên hevûdu û ev hersê reqîb bin li ser hevûdû ji sexmeratî Kurdistaneka yekgirtî, demokratîk, bihêz, pêşkeftî û hertim di xwenûkirinê de

Li pêşiya van hersê desthilatan û bi taybetî serokê herêmê, ji ber ko ew serokê desthilata bilind ya bicihanînê ye li Kurdistanê, pirsine pir giring û ji xelkê me re çarenûssaz hene ko pêwîst e ew hemî senga xwe bidin ser çareserkirina wan. Ji wan jî pirsa Kerkûkê û deverên din yên ji Kurdistanê mayî veqetandî, pirsa çespandina federaliya Kurdistanê bi hemî deverên kurdî ve di destûra Îraqê de eger ev projeya federaliyê berdewam bibe. Pirsa mîkanîzma di navbera desthilata merkezî û federaliya Kurdistanê de û berî van hemiyan jî pirsa yekkirina herdu îdareyan û bi taybetî hêzên leşkerî û asayiş û parastin û aborî û dadwerî yên herduyan.

Ev lihevhatina navxweyî û avakirina saziyên desthilata neteweyî gaveka pir baş e bo bi dest ve anîna hêvî û xweziyên me kurdan yên bi dehan salan. Hindî mala kurdî di nav xwe de ava û yekgirtî û demokratîktir be hind jî dê di çavên yên li hember xwe de bi hêztir û bi qîmettir be û dikare xwe û daxwazên xwe bide qebûl kirin. Berûvajî wê jî dema duîdare û dudesthilat û neyekgirtî be. Hîngê heta ew deskeftiyên di destan de jî heyî dikarin bên ji dest dan.

Hazirbûna nûnerî sekreterê UN-ê di civîna yekê ya parlamntoyê de û destpêkirina wî bo axiftina xwe bi kurdî, beşdarbûna nûnera Emerîkayê di eynî civînê de bi navê Emerîkayê wekî dewlet û milet, amadebûna nûnerê dewleta Îranê û pîrozkirina wî bo destbikarbûna parlamentoya Kurdistanê, axiftina serokwezîrê Tirkan Recep Teyip Erdoganî di hevpeyivînekê de digel televizyona emerîkî CNN-ê li ser pirsa duristbûna Kurdistaneka serbixwe ko dibêje >> Li bakurê Iraqê –mebesta wî başûrê Kurdistanê ye- dikare çêbe û ew meseleyeka bi avahiya Iraqê ve girêdayî ye <<, ev hemî wê rastiyê berçav dikin ko êdî rê li ber çêbûna kiyanekê kurdî li başûrê Kurdistanê nahêt girtin. Ev tê wê wateyê ko siyasetên dagîrkerên Kurdistanê bo jinavbirina her tiştekê kurdî hildiweşin û ew ne ji dil jî be neçar in gelek rastiyan bipejirînin û ji wan jî kiyanê kurdî yê ko li başûrê Kurdistanê ava dibe.

Ev hemî derencama yekrêzî û yekhêziya xelkê Kurdistanê ye û ev jî rastiyekê têxe ber çavên me hemiyan û bi taybetî bo ber çavên parçeyên din yê welatê me ko bes bi yekgirtin û hişyarî û yekhelwêstiya hêzên siyasî yên kurdî hêzên miletî yek digirin û dikarin paşeroja xwe bixin di nav lepên xwe de.

-----------------------------------

Nivîskar: Sidqî Hirorî
Weşandin: 2005-06-10
Xwendin: 5182