Nefel

[ ÇARŞEM, 2024-12-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

buy generic naltrexone online
buy naltrexone no prescription avonotakaronetwork.co.nz
vivitrol
naltrexone psoriasis vivitrol drug
Gelo "bênamûsî" çawa dibe beyankirina fikrê?

STENBOL, 25/12 2005 — Her mirovekê/a, xwedî xîret, xwedî malbat û xwedî exlaq bivênevê hindek cewherên wî/ê yên moralî hene ko bi ti hawayî naxwaze ew cewher bên binpê kirin ko hemî mirov ji aliyê moralî ve di vê kategoriyê de ne. Xîret û heysiyeta mirovan li ser her tiştî û îmkan û hebûnên madî re ye.

Ez ji bo her kurdekî û her mirovekî dibêjim; ferzî mîsal ez ji we re hindek gotinên wiha bibêjim; haşa bibêjim ko,"Ez naxwazim her tiştê ko min li ser casûsî û xiyanet û cehşîtî û dizî û bênamûsiya malbata we gotî û nivîsî dubare bikim..." gelo dê reaksiyona we çi be? Gelo dê hon bibêjin ev jî dîtinek e, fikrek e?

Gotina xirab çi dibe bila bibe ya xwediyê xwe ye. Ev gotinên ko di nava neynokê de ne, gotinên "lehengê fikrî" yên Kemal Seyît Qadir in ko eve çend roj e çapameniya kurdî ya “serbixwe” û ji xeynî wê jî kes û dorberên alîgir û “bêalî” jî li ser radiwestin.

Berî her tiştî, kî kurd li kû derê dibe bila bibe, çi kêmasî û bêrêyiyên serwerî û rêvebiriya Kurdistanê dibîne bila bibîne, divê bêtirs û bêvedan li ber çavan raêxe, bedel jî çi dibe bila ew be. Ev wezîfeya her kurdekê xwedî bîr û bawerî ye ko, ger hebin, bi ti hawayî çavên xwe ji kêmasî û bêrêyiyên rêvebiriya Kurdistanê re negire.

Têgeha (konsepta) “sucên fikrî” divê bi ti hawayî kurd rewa nebînin û çavên xwe jê re negirin. Ger hinek li gorî xwe bifikirin ko hikûmetên Kurdistanê dîktator in, kevneperest in, gendelî tê de heye, divê bêvedan bibêjin; ger belgeyên hinekan hebe ko rêberê mezin Barzanî û malbata wî ajanên hindek hêzan û dewletan in bila bi belgeyên xwe izbat bikin û bibêjin. Divê ti mirovên xwedî niyeteka paqij ji wan mijaran re ne girtî bin...

Lê wekî kes, wekî dorber, wekî grub, wekî rêxistin an jî wekî dewlet û partî, em kî û çi dibin bila em ew bin, ti statû û sifetên me wî mafî nade me ko em xîret û şerefa mirovan binpê bikin!

Helbet ez baş dizanim ko gelek kurd bi yasaya ko hêj ji dema Sedamî ve maye û ew yasa li ser vî kabirayî hatiye bi cih anîn nerihet in; lewra ko kurd ji hemî nav û nîşanên Sedamî aciz in; ev tişteka normal e. Mayîna vê yasayê jî dibe ko “xemnexwariyeka” Parlamentoya Kurdistanê be, lê divê em baş bizanin ko ti eleqedera vî kabirayê hatî girtin bi ravekirina fikrê ve tune ye. Gotinên ko goya ev kabira ji ber “fikrên” xwe hatiye girtin bêmehne û bêspartek in. Heqareta ko tu rabî li xîreta însanan bikî li gor ti pîvanên medenî û xeyrîmedenî ne ravekirina fikrê ye.

Ya dîtir divê em bizanin ko mehkemeya ev ceza dayîye di asteya mihelî de ye, li mehkemeyên di merheleyên bilindtir de, dê cezayek an jî cezanekirineka çawa ji vî “lehengê fikrî” re derbikeve em nizanin. A dîtir hinek kes bêyî ko bizanin felsefe û teknîka guhorandina cezayên sûcên krîmînel çawa ye, çawa çê dibe û li hemî dinyayê bi çi hawayî tê bi cih anîn, raste rast berê şûrê xwe didin hikûmeta Kurdistanê, serok û revebiriya wê gunehbar dikin û dikin pêgira rejîma Sedamî!...

Gelo hîç qibaheteka vî “dizê” ko “lehengê fikrî” ye tune?

-----------------------------------

Nivîskar: MIHEMED EVDILA
Weşandin: 2005-12-25
Xwendin: 6176