Nefel

[ ÇARŞEM, 2024-12-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Em dijminê azadiyê ne

STENBOL, 8/6 2011 — Afirîndêrê mezin an jî hon dixwazin bêjin afirîndêriya mezin bi têgihiştin, fêm, zeka û aqilê ko di bedena her mirovî de cida cida pêk aniye, di heman demê de bingehekê kûr yê firtone û çavsoriyên mezin jî raçandiye. Ji ber ko derbirîn û birêvebirina aqil û zekayê di her mirovî de cida ye.

Gelek xerîb e ko li kîjan cihê dinê dibe û li gorî kîjan “trendên pêşketinê” dibe bila bibe, dema ko ji tenahiya dil parastineka pakrewa ya bîreweriyeka pakbilind derdikeve pêş, di heman demê de nêrînên fetlok, wekî tîrên bikuj yên ko ji bîrên kîn û nefretê xwe hildidin, wesa li ser serûguhên mirovan re fir didin û cewekê şêlo û qirêj çêdikin.

Ev cew wijdanê li mirovan kor dike, di cihê wijdanê de şert û mercên “konjonkturel” çêdibin, ji hertiştê nemirovane re jî aqilek tê dîtin. Di konjonkturê de, em dikarin hemî tîranî û despotîzma xwe di bin kirasê yê ko em jê hez nakin de vedişêrin. Di cihê wijdaneka zelal de, dilreşiyeka tîrûtarî ya ko ji gurên hovên xezebê xwînrêştir, tîrêjên roja dilê me tarî dike.

Em wan dîtinên ko qet yêk tenê jî ne aîdê wijdana me û dîtinên me ne, bi zimanekê tewşomewşo yê ko ji sedaqeta heqîqetê bi dûr e diaxivin. Tiştek wekî vî zimanê tewşomewşo me ewqes bi zû bide dest tune ye.

Di eslê xwe de tişteke ko em jê hez jî dikin tune ye. Ji ber ko hezkirin guhdariya dengê dil e, derbirîna wijdanê ye; vegera li heqîqeta xwenasiya xwe bi xwe ye. Em ji hertiştî zêdetir dijminê azadiyê ne.

Azadî bi wijdaneka zelal pêk tê. Bi wijdaneka zelal ra ber dide, şax vedide dibe jiyan. Nîrek, zorkeriyek bikare pêşiyê li wijdaneka zelal bigire tune. Lê tîrên tariyê wijdan li me tarî kirine. Em dijminê azadiyê ne. Zilma zorkeran tenê bo me hêcata fetisandina azadiyê ye. Em ji dijminê xwe zêdetir ji azadiyê ditirsin. Em bi heq in jî, ji ber ko ti tişt wekî azadiyê, bi zû wan kelehên sexteyên ko me bi derewan ava kirine, li binguhê erdê nade.

-----------------------------------

Nivîskar: MIHEMED EVDILA mihemedsanri@gmail.com
Weşandin: 2011-06-08
Xwendin: 8294