Nefel

[ ÇARŞEM, 2024-12-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

vibramycin
vibramycin onderdewatertoren.nl
Rûyekê kirêt

STENBOL, 27/9 2005 —Rûyekê wehşî û kirêt û çavnizim di bin nîrê dagirkeriyê de qîç dike li piş her dilopek xwîn û êş. Xanî dibêje; “Qelbê dexelî bi dil neyar î!/ Pir çîl û çep û xirap û xwar î”. Li ber nîrê dagirkeriyê stuxwar û xizmetkar î. Halê te yê kirêt û daketî mirovan ji fitrata xwe dide şermê. Serde jî reqsa soyteriyan rûreşiya li ser rûyê dinê zêde dike.

Li her cihê ko dilopek xwîn tê xwar û êşek tê dawîran deh soyterî li wî cihî reqsê dikin.

Nîrekî dijminê hemî mirovahiyê û rûyek daketî bêşerm û êşên qêrînên wan di berbanga sibehê re di valayiyê de dixeniqin! Mirovên bêserî û dizên zemanan.

Êş bang dike wijdana însanan.

Wijdan bi fîgan û feryad lê bê hikum şewqa xwe dide êş û kedera mirovên reben ko di planên bêbext û davikên poştan de di valayiyê de dimirin. Hikmet ji hikmete te re hazretê Xanî, tu we re bêbextiya vî zemanî bibinê, tu dê ji ibretan sed selawatan li ser ruhê Bekoyê ewan bixwînî!

Ti caran gotin hinde xira ne bûbûn, wateya her tiştî hinde berevajî ne bûbû. Pêşiyê gotin îxfal kirin…

Lewra ji kurên zigord û dagirkeran we ye ko her tim dê şevreş berdewam bin. Haya wan ji şahstêrê nîne. Şahstêra ji zeviyên êş û kederê bilind dibe dê wan di wê şevreşe de bifetsîne. Bekoyê Ewan jî dê wî rûyê kirêt di nav zeviyên xwe de qebul neke.

Ew gewdeyê ji qibahet û tawanan mezin, ew destên sturên bixwîn, ew rûyê qirêj, ew dilê qet xemek û diloviyaneke însanî neketiyê. Zeviyên ko te evîn û hêviyên kur û keçên mirovan di tê de qurçifandîn û xeyalên wan dizîn, dê li te bên xezebê. Efendiyê dagirker, riyeka tu pê ve birevî tune ye; tu nabînî hevalbendê te bi stuxwar û rezîl di kîjan kunmişkê de asê bû?

“Peyva kurdî sînoran dibezîne” şîareke ji peyama zeviyên azad. Hegel dibêje; leza birqînî û şewqa rastiyê ji ya birûskê zêdedir e. Çi derfet û pergal di destê te de neman ji bo parastina dinyaya derewan; lewera tu hewar hewar bang dikî û dibêjî xwîn! Radest bibe, tu bi hemî tawanên xwe li ser kêtreyên xwe yên kirêt hatî girtin. Amentuya terora reş betal e!

Ruhê wan jin, zarok, kal, ciwanên ko tê bi kiryarên xwe yên kirêt nefes jê standîn û hêdî cerake dî bişirin bi rûyê wan nakeve, dê bibin ruhstînê te. Gotin dê li weta û xîreta xwe xwedî derkevin…

Dê cihê “Nehletiyên li ser rûyê erdê” li dinê nemîne.

Ser hemiyê re wezîrek, hemî kirêtiya dagirkerî li ser rûyê wî, bi awirên bûman, xwe diintîne û dibêje "Hemî hewldana me ji bo pêşîlêgirtina dewleteka kurd e". Ne kene qiran yê guriyan li xwe tînin!..

-----------------------------------

Nivîskar: MIHEMED EVDILA
Weşandin: 2005-09-27
Xwendin: 6507