Nefel

[ ÇARŞEM, 2024-12-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Peymana Sevrê ji bîr nekin

SWÊD, 6/8 2010 — Sêşema bêt, dehê vê mehê, 90-saliya peymana dîrokî ya kurdan e. Peymana Sevrê gelekê giring e lê belê mixabin gelek kurd naveroka wê peymanê nas nakin.

Peymana Sevrê 10-ê tebaxê sala 1920-ê li Parisê hat îmza kirin û bi kurtî digot heger kurd piştî salekê referandumekê ji bo serxwebûna xwe amade bikin dikarin arîkariyê ji Neteweyên Yekbûyî bixwazin.

Ev peyman ji aliyê Dewletên Yekgirtî yên Emerîkayê, Brîtanya, Fransa, Îtalya û imperetoriya osmaniyan ve hat îmza kirin. Dewleta tirkan dibêje kurd nînin û zimanê kurdî bi awayekê resmî nas nake lê belê di dema peymana Sevrê de ji cihanê re digot mafê kurdan yê azadiyê heye.

Piştî ko Mustafa Kemal Ataturk hat ser hikûm vêca peymana Lozanê hat îmza kirin û hemî mafên kurdan jê hatin standin çikî Ataturk digot kurd misilman in û brayên tirkan in.

Naveroka peymana Sevrê gelekê balkêş e ji ber di wê peymanê de kurd vekirî dibêjin ko ew naxwazin di dewleta tirkan de bijîn û cihan jî qebûl dike ko kurd azad bin.

Û îro piştî 90 salan em dibînin ko kurd nizanin ka çi dixwazin. Siyasetmedarên kurd di helwêstên xwe de ne zelal in û daxwazên wan ji yên peymana Sevrê gelekê kêmtir in. Ka kîjan serokê kurdan dibêje em li Tirkiye, Îran, Iraq yan Sûriyeyê referandumekê li ser qedera kurdan bikin.

Gelo çima observatorekî 40 milyon kurdan li Neteweyên Yekbûyî nîne lê belê dewleteka ko nifûsa wê 15 000 e li cem Neteweyên Yekbûyî xwedîdeng e. Kîjan rêxistina kurdan îro behsa Kurdistaneka serbixwe û azad dike.

Mixabin ko ti kes behsa ti tiştî nake û rewşa kurdên li Tirkiyeyê ya herî xirab e. Daxwazên kurdên bakur ne diyar e û dewleta tirkan heroj bi hîle û pîleyan kurdan û cihanê dixapîne.

Tirk îdia dikin ko zimanê kurdî serbest e lê belê di qanûna esasî de cihî nade azadbûna zimanê kurdî. Televizyona kurdî heye lê belê sibe dikare bêt girtin. Hêjî pirtûkên kurdî û yên li ser kurdan tên qedexe kirin.

Vêca çima rewşa kurdan wiha ye? Miletê kurd canê xwe û malê xwe ji bo Kurdistanê feda dike lê belê siyasetmedarên kurd nizanin çi dikin. Xeletiya herî mezin ya kurdan ew e ko ajandeyeka wna nîne.

Dewleta tirk bi xwe ajandayê destnîşan dike. Rojekê ji kurdan re dibêje ”terorîst”, rojekê behsa ”paket ademokratîk” an jî ”paketa kurdî” dike û rojekê jî dibêje li Tirkiyeyê tenê tirk hene. Roj, meh û sal wiha derbas dibin.

Divêt kurd çi bikin? Ne zor e. Divêt kurd naveroka peymana Sevrê baş bixwînin û daxwazên bab û kalên xwe bi cih bînin. Çênabe ko kurd bi daxwazên biçûk xwe bixapînin.

-----------------------------------

Nivîskar: KURDO BAKSÎ kurdo.b@hotmail.com
Weşandin: 2010-08-06
Xwendin: 14024