Nefel

[ ÇARŞEM, 2024-12-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

fjrigjwwe9r1TabArticles:ArticleHeadline
can you drink on sertraline 50mg
sertraline 50mg side effects
Divêt kurd li mala dijminê xwe şerê dijminê xwe bikin

SELAHEDÎN, 4/8 2005 — Di stratejiyên kevin yên parastina welatan de hêzên çekdar yên welatekî li ser tixûbê welatê xwe radiwestiyan û zêrevanî li tixûbên xwe dikirin û nedihiştin hêzên çekdar yên welatekê dijmin bêne nêv axa welatî û zererê lê bikin.

Dinya hat guhortin û stratejiya parastina welatan li hemberî xeterên derve jî hat guhortin. Ji ber hindê jî dewleteka wekî Emerîkayê welatê xwe li hemberî xeterên derve û terorîzmê ne tenê li New York û Washingtonê lê belê li Bexdayê û Rojhilata-nêvê jî diparêze û berî ko agir bigihî Emerîkayê wî agirî di cihê xwe de, li mala neyarên xwe vedikuje û ditefîne yan jî li mala neyarê xwe şerê neyarê xwe dike.

Stratejiya me kurdan jî divêt li başûrê Kurdistanê ne tenê ew be ko em tixûbên Kurdistanê bi hêzên pêşmergeyên zêrevan û hêzên asayîşê ji terorîstan û xeterên ji aliyê Iraqê û ereban ve tên biparêzin. Divêt em bi qanûneka bingehî ya ji bo miletê kurd saxlem li Bexdayê berjewendiyên Kurdistanê garantî bikin û nehêlin ereb cihê xwe li Bexdayê saxlem bikin û paşê bên û şerê me li mala me li Kurdistanê bikin.

Van rojan di nêvbera hêzên siyasî yên Iraqê û Kurdistanê de şerekê pir germ li ser amadekirina qanûna bingehî ya daîmî ya Iraqa nû heye û gelek ereb, nemaze erebên sinî, her naxwazin Iraq demokratîze bibe û naxwazin Iraq û Kurdistan bi federalîzmeka dilxwaz bi hev re bijîn. Got got heye ko emerîkî jî zorê li kurdan dikin û dibêjin bila kurd ji daxwazên xwe hinekê bêne xwarê.

Piştî hilbijartina serokê Kurdistanê Mesûd Barzanî bo serokatiya Kurdistanê min duhî ew dît û pîrozbahî lê kir. Min bîrûrayên xwe li ser hinek meseleyên Kurdistanê jê re got û guhê xwe dayê.

Gelo emerîkî li hemberî kurdan pişta ereban digirin. Serokê Kurdistanê Mesûd Barzanî dibêje “rewş aloz e” û ne belî ye ka emerîkî pişta kê û çi digirin. Lê belê, serokê Kurdistanê Mesûd Barzanî dibêje, kurd û şîî di meseleya awayê federalîzmê de pir nêzîkî hev difikirin û şîî jî wekî kurdan dixwazin desthilata wan li başûrê Iraqê xurt be û desthilata merkezê lawaz be.

Erebên sinî bela ne. Erê ew zêde beşdarî hilbijartinên meha yekê ya îsal nebûn û di desthilata siyasî ya îro de zêde tesîra wan nîne lê belê ew niho poşman in û dê bi xurtî beşdarî hilbijartinên bên bibin û ew dikarin di dengdanê de tesîrê li qebûlkirin yan neqebûlkirina qanûna bingehî ya nû bikin.

Baş e heger kurdan û ereban li hev nekir û dinyayê jî pişta ereban girt û daxwazên kurdan qebûl nekir hingê em dê çi bikin. Serokê Kurdistanê Mesûd Barzanî dibêje “em dê şerî bikin”. Pêşmergeyê kurd Mesûd Barzanî hertim ji bo parastina Kurdistanê amade ye ko şerî bike lê belê di heman demê de serokê Kurdistanê Mesûd Barzanî kar dike ko li Bexdayê li mala ereban bedena ereban bigire û nehêle ko ereb şerê xwe bînin Kurdistanê.

Ji ber hindê jî serokê Kurdistanê Mesûd Barzanî dema ko pêwist be ji emerîkiyan re dibêje “no” û emerîkî jî dizanin maneya “no” çi ye. Duhî ambasadorê Emerîkayê yê Iraqê Zalmay Xelîlzad hat Selahedînê û digel serokê Kurdistanê Mesûd Barzanî li ser qanûna bingehî ya daîmî ya Iraqa nû axivî. Zalmay Xelîlzad serokê Kurdistanê ji dema şerê hilweşandina desthilata Sedam Hisênî nas dike û dizane ka Mesûd Barzanî çawa ji tirkan re got “no” û ti kesê nekarî wî ji “no-ya” wî bîne xwarê.

Di van deh rojên bên de kurd dê li Bexdayê şerekê destûrî yê xurt digel ereban bikin û statûya siyasî û qanûnî ya Kurdistanê dê bi nivîsandina qanûna bingehî ya daîmî ya Iraqa nû diyar bibe. Yan em dê li Bexdayê bedena neyarên xwe bigirin û nehêlin ew şerê xwe bînin mala me yan jî neyarên me dê bixwazin hemî rêyan li ber me bigirin û desthilateka dîktatoryen ya wekî ya Sedam Hisênî ji nû ve li Bexdayê ava bikin.

***

Kurdistan yek welat e û kurd jî yek netewe ye. Tixûbên di nêvbera herçar parçeyên Kurdistanê de li ser kaxezê heta demekê dî bimînin jî di realîteyê de ti qîmetê wan tixûban nîne ji ber ticareta kurdan bi hev re xurt dibe, ji ber danûstandinên kurdan bi hev re zêdetir dibin, ji ber her karekê ko li parçeyeka Kurdistanê dibe yekser tesîrê li parçeya dî dike û ji ber kurd hêdî wekî milet ji dijminên xwe ji tirkan, ereban û farisan natirsin.

Serokê Kurdistanê Mesûd Barzanî dibêje “dem dema siyaseta mezin e” û dizane ko îro kurdan li başûrê Kurdistanê desthilateka siyasî û qanûnî heye û sentera hemî Kurdistanê ev der e û parçeyên dî di bin desthilata dagirkerên Kurdistanê de ye.

Dewleta tirkan û medya û eskerên wan ev demek e îdia dikin ko Partiya Karkerên Kurdistanê bi gerîlayên xwe ve li başûrê Kurdistanê dimîne û ji wê derê êrişan dibe ser eskerên tirkan û tirk vê jî wekî sebebekê destdirêjiyê li ser başûr nîşan didin û serokwezîr û berpirsên eskerî yên tirkan dibêjin heger pêwist be ew dê midaxeleyeka eskerî bikin.

Abdullah Ocalan di destê kîjan welatî de be PKK ji bo wî welatî kar dike û serokê Kurdistanê di heqê PKK-ê de dibêje: “Pêwistiya me bi bikaranîna PKK-ê li hemberî Tirkiyeyê nîne û em naxwazin ne bi qencî û ne bi xirabî behsa PKK-ê bikin. Bila PKK belaya xwe li me nede bes e.”

Hinek kesên nebîrewer û bêmesûliyet di hinek dezgehên ragihandinê de zêde nûçe li ser şerê ko goya di nêvbera eskerên tirkan û apociyan de têt kirin belav kirin û li bakurê Kurdistanê qenaeteka wisa li ba hinek kesan çêbû ko kurdên başûr pozîtîv li vê lehîstoka apociyan û eskeran dinêrin. Rastiya meseleyê ne wisa ye û rê li ber wan kesên bêmesûliyet jî hat girtin.

-----------------------------------

Nivîskar: ARIF ZÊREVAN
Weşandin: 2005-08-04
Xwendin: 6557