Nefel

[ ÇARŞEM, 2024-12-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Ez li Stockholmê pênc hezar mûman ji bo Helebçeyê pêşkêş dikim

STOCHOLM, 12/3 2008 — Şazdehê adara 1988-ê di jiayan kurdan de rojeka dîrokî û reş e. Roja 16-ê adara 1988-ê Guernica an jî Hiroşîmaya kurdan û Kurdistanê ye.

Di tarîxa mirovatiyê de 16-ê adara 1988-ê xirabtirîn roj e. Li cîhanê navê Helebçeyê ji hemî bajarên dî yên Kurdistanê pirtir têt nas kirin.

Şazdehê adara îsal 20-saliya kimyabarankirina Helebçeyê ye.

Belê, berî 20 salan li Helebçeyê bi kêmî 5 000 kurdan jiyana xwe ji dest da. Roja ko ew bûyer bû cîhan zêde li ser ranewestiya. Cîhan wê demê dosta Iraqê bû. Lê belê piştî herba Iraqê ya yekê di didoyê tebaxa 1990-ê de navê Helebçeyê li cîhanê belav bû. Ji bo şerê li dijî Sedam Hisênî qetlîama Helebçeyê lazim bû. Babê George Bush, di axaftina xwe de behsa Helebçeyê kir.

Bîst sal derbas bûn û bûyera Helebçeyê di nava enfalan de bûyereka naskirî ye. Gelo hikûmeta Kurdistana federal ya Iraqê heta niho ji bo Helebçeyê çi kir? Berpirsiyariya xwe anî cih yan ne?

Bersiv hem erê ye û hem jî na ye.

Erê ye, ji ber ko wê ji bo şehîdên Helebçeyê mûzeyeka ciwan û qebristaneka sembolîk çêkir. Nexê ye, ji ber ko ji bo niştecihên bajarê Helebçeyê tiştek nehat kirin. Ji bo xizmên şehîdan Bexdayê tezmînat neda kesî. Ekonomiya Helebçeyê bi pêş ve neçû. Hema hema bibêje cihekê karî yan fabrîkeyek jî li Helebçeyê nîne.

Helebçe îro yek ji wan minriqeyên herî paşdemayî yên Kurdistanê ye. Di van salên dawiyê de ez du caran çûm Helebçeyê. Min perîşaniyeka mezin li wêderê dît. Gazindên xelkê Helebçeyê pir in. Divêt sîstema elektrîk û avê baştir bibe.

Di propagandaya kurdan de zêde behsa Helebçeyê têt kirin lê belê ji bo xelkê wî bajarî kêm tişt tên kirin. Divêt ev ne wiha be. Heştî milyon çavên kurdan li ser Helebçeyê ne. Serokên kurdan divêt vê bizanin. Eve 18 sal e ko Helebçe di bin kontrola kurdan de ye. Bila ti kes nebêje ko wextê wan nebûye û divêt ew şaşîtiyên xwe qebûl bikin.

Roja 16-ê adara 2008-ê ji bo bibîranîna Helebçeyê kurd li Kurdistanê û li derve çi dikin? Lobiya kurdan ji bo ko 16-ê adarê li cîhanê bibe roja jenosîda kurdan çi dike?

Bersiva pirsiyara dawiyê hêsanî ye: Lobiya kurdan ji bo vî karî qels e û karekê baş nake.

Ji bo 16-ê adarê îsal li derveyî Kurdistanê gelek aktîvîte tên kirin. Ez li meydana Sergels Torgê roja 16-ê adarê seet 14.00-ê pênc hezar mûman pêşkêş dikim. Serokên partiyên swêdî, bo nimûne seroka sosyaldemokratan Mona Sahlin, serokê partiya çepan Lars Ohly û hin kesên dî beşdarî vê seremoniya 5 000 mûman dibin.

Divêt em Helebçeyê ji bîr nekin.

-----------------------------------

Nivîskar: KURDO BAKSÎ
Weşandin: 2008-03-12
Xwendin: 13986