Nefel

[ ÇARŞEM, 2024-12-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Serokê Kurdistanê Mesûd Barzanî û general Myers ji heman sengerê berê xwe didin hedefê

STENBOL, 7/4 2007 — Her rojek diçe mijara Kekûkê û çaresekirina wê ya dawiyê hêj nêziktir dibe; ev jî niqteyeka tayinker e li ser çarenivîsa miletê kurd. Lewma ev rewşa dînamîk, hêj zêdetir dewleta tirk diêxe nav hewldanên bêencam. Di mijara Kerkûkê de, di asteya herî jêr û di ya herî bilind de, kîj desthelatdarê tirk devê xwe vedike dibêje “Em li dijî prosesa referanduma Kerkûkê ne û ev referandum dê bibe sedemê felaketa mezin”.

Desthilatdarên tirk ne bigotinê lê bi kiryarê jî çi aşkere û çi veşartî çi ji destê wan têt li himberî serweriya miletê kurd dikin û dixwazin prosesa normalîzekirina Kerkûkê têk bidin. Di lîmanên xwe de dest didanin ser aparat û amûrên bo karên herî însanî yên ko bo Kurdistanê hatine şandin. Di her firseteka, siyasî, dîplomasî, aborî û însanî de asetngên herî bi dûrî aqil ji kurdan re derdixin.

Gelek aşkere ye ko ji bo Kerkûk nekeve destê kurdan, tirk midaxaleya eskerî ji bo xwe wekî riyeka herî “efektîf” dibînin û hertim kurdan bi midaxaleya eskerî tehdît dikin, ji bo vê jî hindek çekdarên PKK-yê jî dikin hêcet. Lê tirk her çend çekdarê PKK-yê bikin hêcet jî bi aşkere dibêjin armanca wan ya esasî ew e ko nehêlin Kerkûk bikeve destê kurdan de û dewleteka kurdî ya serbixwe çê be.

Di serî de ji herkesê zêdetir serokê Kurdistanê Mesûd Barzanî di ferqa vê siyaseta “sinsî” ya dewleta tirk de ye. Lewra Serok Barzanî bi awayekê tevayî û stratejîk li doza neteweya kurd dinêre û her roj li himberî çavên dost û dijminên kurd rave dike û dibêj misoger e ko miletê kurd jî wekî her miletên di yên cîhanê bigihîn mafê xwe yê rewa û dewletaka vî miletî ya serbixwe hebe.

Duhî serok Barzanî di dîdareka xwe ya digel kanalê televizyonê yê bi navê El-Erebiye de diyar kir ko tirsek ya kurdan ji arteşa tirkan nîne û bi kurtasî wiha got: “Ger Tirkiye bela xwe ji Kerkûk veneke û bixwaze destê xwe bêxe nav Kerkûkê, wê çaxê em jî dê destê xwe bavêjin Diyarbekirê û bajarên dî û em amadene ko bi her awayî pêşiyê li programa tirkan ya di heqê Kerkûkê de bigrin.” Serok Barzanî her diyar kir ko artêşa Tirkiyê ne jî artêşa rejîma Sedamî xurtir e ko ti caran kurdan serî li himberî arteşa Sedamî netewandi bû. Her wî diyar kir ko ew dîplomasiya ko tirk derbareyê kurdan de dimeşîne dîplomasiyeka binîvala ye.

Li himberî hewldanên êrişkarî yên Tirkiyeyê kurd ne bi tenê, Emerîka jî li himberî êrişkariyên tirkan yên li ser Kurdistanê ne. Duhî dema ko serok Barzanî diyar kirî ko ew amadene bi her awayî bersîva tirkan bidin, di heman demê, her cardî duhî sererkanê leşkeriyê kevin yê Emerîka general Richard Myers di radyoya Dengê Emerîka pişka tirkî de got:”Ger Tirkiye midaxaleyî Kurdistanê bike, wekî hon dizanin di salên borî de bûyerên nexweş çêbûn [mebesta Myers ji telîsên ko kirine serê leşkerên tirkan], tirsa min ew e ko dê cardî heman bûyar rû bidin” . Yanî general Myers gelek aşkere ji tirkan re dibêje ger we bivê hon careka dî telîsan bikin serê xwe fermo rê li ber we vekirî ye.

Hedef û ref gelek aşkere û zelal in; di Rojhelata-nêvê de dewleteka kurdî bivê-nevê ye; mafê kurdan yê rewa ye û pêwistiya stabilîzasyona Rojhilata-nêvê û hêza serekî ya dinyayê jî ji dewleteka kurdî heye. Lewma serokê Kurdistanê û general Myers ji heman sengerê berê xwe didin hedefê. Tenê riyek ji tirkan re heye; an dê digel vê prosesa dînamîk hevkariyê bikin û bi vê hevkariyê ew jî dê bikevin di nav refên dinyaya medenî demokratîk de û dê hingê her tirkek jî “bextewar” bibe an jî dê limberî vê prosesa dînamîk bi aqilekê hovane helwest bigrin û di encamê de dê rejîma tirkîst-kemalîst jî wekî hemî rêjimên dîktatorî û sedamî dê ji navê rabe û gorbegor bibe.

-----------------------------------

Nivîskar: MIHEMED EVDILA
Weşandin: 2007-04-07
Xwendin: 6727