Nefel

[ ÇARŞEM, 2024-12-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Fantastîk-polîtîka û kuna doşeka Ocalan

STENBOL, 30/3 2007 — Bi pênaseyeka giştî dibêjin; partiyên siyasî li ser bingehekê bihevrejiyana sosyal bi mebesta ko hikûmraniyê bi dest bêxin tên ava kirin û lênêrîneka wan ya ‘felsefî’ heye. Hemî teoriyên derbarê sîyasetê de kêm-zêde li ser vê pênaseyê li hev dikin. Lê jiyan dînamîk e. Rewşa siyasî jî qet li cihê xwe ranaweste.

Carinan pênase û teoriyên siyasî li himberî “dînamîzma” jiyanê neçar dimînin. Bo nimûne dema hemî arîşe û teoriya partiyeka siyasî û legal li ser “kuna doşeka filankesî” be û dema hon bi çavekê giştî li siyaseta wê partiyê binêrin û bibînin ko ji bo wê partiyê li ser rûyê dinyayê tenê yek kêşe heye, ew jî “kuna doşeka filankesî” ye, wê çaxê mirov dikare bêje heta niho teoriyeka siyasî ya bi vî rengî nehatiye pênase kirin. Pênaseyek ji bo vê rewşa siyasî pêwîst e.

Lewma li vir em dikarin behsa teorîyeka dî ya siyasetê bikin û bela xwe ji wan hemî teoriyên siyasetê yên heta niho hatine kirin vekin û ji teoriya vê rewşa ‘nû’ re bibêjin “fantastîk-polîtîka” û rewşa teorî û pratîka vê sîyaset û partiya ‘nû’ lî gorî vê teoriyê raxînin ber çavan. Di eslê xwe de ev fantastîk-polîtîka temamkera reel-polîtîkayê ye.

Li gorî vê teoriyê destûr, program, mebest û rojeva siyasî ya partiyeka siyasî di bin van çar madeyên ko li jêr in de kom dibin:

Made 1. Rewşa poz, guh û qirika serok
Made 2. Kuna doşeka serok
Made 3. Pirzika serê wî û mûyê pora wî
Made 4. Serok çi dixwe û çi naxwe

Hon dikarin wan madeyan wekî çar fermanan jî bixwînin û dibû ko hejmara madeyan zêdetir bûya jî. Lê problem ji cemaetê ye. Cemaet ji tiştên zêde hez nake. Ji ber wê çendê, li gorî normên “fantastîk-polîtîkayê” hejmara “fermanan” çend kêm bin û çend kurt bin ewqes baştir e.

Vêca em bên ser ravekirina van madeyan:

Made 1. Rewşa poz, guh û qirika serok

a) Qet çênabe ev made bê guhortin û bazar li ser guhortina wê bêt kirin; her çi endemeka/ê bazariyê li ser guhortina vê madeyê bike ew dê – diyar û nediyar – bi mieyîdeyên herî giran bêt ceza kirin.

b) Ruhê programa partiyê jî pêbendiyê digel vê madeyê dike. Di her şertên atmosfera siyasî û xwezayî de ev madeya yekê ya rojeva siyasî ye.

Made 2. Kuna doşeka serok

a) Karûbar û çalakiyên siyasî yên li welat û li her deverên dinyayê li gorî vê madeyê tên meşandin. Bo nimûne newroz û hemî rojên dî yên neteweyî yên kurdan, bi mebesta vê madeyê tên pîroz kirin.

b) Qet çênabe şîar, flama, reng an jî her çi semboleka dî ya kurdan hebe û di wan rojên wiha de bên bi kar anîn. Şîara “Bijî serok…” di ser her tştî re ye.

Made 3. Pirzika serê serok û mûyê pora wî

a) Rewşa dinyayê ya siyasî û ekolojîk li gorî vê madeyê têt analîz kirin û serûber kirin.

b) Birêvebirina têkiliyên derve û karê dîplomasiyê pêbend dike. (Têbîniya danêrê yasayî: Divê li vir gotina “têkiliyên derve” û “ dîplomasîyê” bi awayekê îlkel-prîmîtîf neyêt fehm kirin. Di çarçeweya vê madeyê de analîzkirina şertên siyasî yên dinyayê bi awayekê ekolojîk tên kirin.)

c) Felsefeya siyaseta partiyê li ser esasê komploya navneteweyî ya ko li serok hatiye kirin têt meşandin; rola naletî ya Yekîtiya Ewropayê, CIA-yê Mosadê têt teşhîr kirin; dewleta feodal û îlkel miliyetçî ya başûrê Kurdistanê, hemî coreyên dî yên îlkel mîliyetçîtiyê li ser bingeheke ekolojîk tên red kirin.

Made 4. Serok çi dixwe û çi naxwe

a) Pêbendiya digel guhortin û serwextbûna şertên dinyayê serûber dike.

b) Dema ko serok tûşek (zûl) tenê porteqal bixwe dikare rewşa aboriya dinyayê têkbiçe an jî bo wî tenê destûra yek çemçikek berfeşîr (dondurma) bêd dayin, dikare hemî çiyayên berfê bihelin, rewşa ekolojîk têkbiçe. (Têbînî: Di rewşeka wiha de pêwîstî bi tedbîrên cidî hene, lewma dikare hemî agirbest biqedin û şerek dom û dirêj ji nû ve destpê bike.)

c) Hemî rûdan û şertên diyalektîkî bi vê madeyê tên serûber kirin.

Vêca em binêrin li hemberî vê rewşa “fantastîk-polîtîkayê” rewşa reel-polîtîkayê çî ye û ji mirovekê xwîntehl nimûneyeka reel-polîtîkayê bidin:

— Dema ji aliyê DTP-ê û PKK-ê ve problema herî giring, “kuna doşeka ko Ocalan li Îmraliyê li ser diraze be ev bo Tirkiyeyê wekî pozîsyoneka gelek giring têt dîtin.” (Fatih Altayli, 23-yê adara 2007-ê, rojnameya Sabahê)

Di encamê de “di bin rojê de tiştek nû nîne” her fantastîk-polîtîka jî temamkereka reel-polîtîkayê ye.

-----------------------------------

Nivîskar: MIHEMED EVDILA
Weşandin: 2007-03-30
Xwendin: 7381