Nefel

[ ÇARŞEM, 2024-12-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

viagra cena lekaren
viagra read here
Bila 5-ê oktoberê bibe roja yekgirtina niştimanî

KURDISTAN, 3/10 — Dor 45 salan di ser roja bikaranîna tawana şovoniya şermezar derheqê zêdeyî 150,000 mirovê Kurd li parêzgeha Hesekê re diborin, dema ko jîngehên neteweperest û nijadperest serjimareke awarte – derewîn – lidarxistin bi mebesta bêparkirina vê nisbeya mezin ji hemwelatiyan Kurd ji mafê wan yê hemwelatiyê di çarçoveya konevaniya tepeseriya neteweyî û bicihkirina planeke berfireh an ko bicihanîna pêşniyazên birêvebirê ş'ûbeya ewlekariya siyasî li parêzgehê yên ko di rapora wî ya bednav de hatî bi armanca tunekirina unsurê Kurdî û neçarkirina Kurdan bi koçbarkirina "siyasî" û dûrketina ji xaka bav û kalan, ev rapora ko ji aliyê serkirdayetiya partiya Baas a deselatdar ve hate pijirandin piştî bidestxistina deselatdariyê.

Guman tê de nîn e ko rêbaza giştî ya ko di çarçoveya wê de wênekirin û pilandanîn û bicihanîna hikûmetên li pey hev ji vê gava regezperest derbarê Kurdên Sûriyê eynî ew forma despotîk ya serdest ji dehan sal ve li vê deverê ya li dijî demokrasî û azadiyên giştî û dadmendî û pêşketin û geşepêdan û di pêşî de rêjîmên tekpartî yên totalîter û bi taybetî herdû rejîmên Sûrî û Iraqa caran.

Derbasbûna dor nîvsedsalekê di ser bikaranîna tawanê de, bobelatê dubare dike: gefxwarina li yekîtiya niştimanî, hewildana dûrkirina Kurdan wekû pêkhateyeka Sûriya bingehînî piştî Ereban ji pirsgirêkên welêt yên çarenûsî, peydekirin û geşkirina bîrûboçûnên şovonî û nankorî li nik raya milliya Erebî li Sûriyê, gurkirina Ereban li dijî Kurdan û hewildanên afirandina arihandinan di navbera herdû neteweyan de, kûrkirina renckêşana mirovane ji zêdeyî 300.000 mirovî re piştî ko hijmara wan zêde bû di vê maweya dirêj de ji ber şûn û şopên bêparkirina ji mafan.

Mafê mulkdarî û xwendin û karkirin û karmendî û karê serbixwe û çûnûhatin û seferkirin û ji hertiştî dijawrtir azardana Kurdan li dirêjahiya salan û neçar hiştina wan ko çavdêrî û bendewariyê bikin piştî dana sedan sozên derewçîn ji layê rayedaran ve nexasime serokkomar û wezîrê berevaniyê yê berê û serokên hikûmetên li pey hev û ya dawî wezîra rewşenbîriyê, tiştê tekez dike ko rêjîma despotîka niha berpisyar e derbarê tawanê ji despêkê û heta niha û ew dijminê sereke ye û nikare qeyrana niştimaniya giştî û di nav de qeyrana Kurdî çareser bike.

Diyar e ko tektîka rêjîma despotîk kêşeya bêparkirina Kurdan ji mafên hemwelatiyê û vegerandina wê ya kêm ji hindekan ji wan re dijmêre mîna rêjeya herî bilind ya doza Kurd û mafên gelê Kurd, mixabin, hindek girûpên Kurdî û Erebî bi vê derewê hatine xapandin û tirs heye ko plana rêjîmê propegandayê di nav hindek jîngehên Kurdî yên taybet di çarçoveya hewildana dûrkirina Kurdan û derbirînên wan yên siyasî û rewşenbîrî û vejanên wan yên xortane û çalak ji opozisyona niştimaniya demokratîk de jî bibîne, li gel şiyana rêdana alavên rêjîmê bi girêdana kom û komelan bi navê Kurdan di bin nav û navnîşanên pir de li jêr çavdêriya berpirsê dosiya Kurdî yê nêzîk ji serokkomar li hember kartêkirinên opozisyona niştimaniya Sûrî û bi taybetî –Eniya Felata Niştimanî-û nêrînên wê yên pêşketî derbarê rewşa Kurdî û ya dawî banga wê derheqê(asêbûna rûniştinê) îtîsama aştiyane ya ko biryar e di roja 5'ê vê mihê li Şama paytext lidar bikeve, tevî zixt û fişarên navneteweyî derabrê tawana destkuştina Herîrî û şandina kuştevan û teroristan berbi Iraqê ve.

Kurdan – millet û cemawer û partî û girûp û takekesan – biryar dane ko şermezarkirin û nerazîbûna xwe derbarê tawana ko derbasî salvegera xwe ya 45'an dibe derbibirin li tavilê cihûwarên xwe derbarê bicihanîna îtîsameke aştiyane li pêşiya telarê hikûmeta Sûrî li Şamê.

Di vî warî de, pêşniyaza Eniya Felata Niştimanî li Sûriyê û banga wê ji gelê Sûriyê bi tevahî re bo beşdarîkirina di îtîsam û arîkariya milletê Kurd li Sûriyê berisveke erênî li ser asta niştimanî wergirt, ev tiştê ko cara yekem e di dîroka Sûriyê ya nûjen de diqewime û despêkeke di warê hevgirtina Kurd û Ereban li hember tepeseriya rêjîma Sûrî û lêdaneke biazar e ji pilan û tektîkên wê di warê siyaseta wê ya Kurdî de re ye, her weha dê bibe despêka avabûna rasteqînî û nêrîna niştimaniya bibalans li nik opozisyona Sûrî.

Bi vê boneyê, em bi hêvî ne ko ev roj bibe rojeke niştimanî û hevgirtina Ereb û Kurdan û yekîtiya niştimanî bihêz bike beramberî rêjîma zordest û bi armanca bilez û xurtkirina proseya guherîna demokratîk li Sûriyê.

-----------------------------------

Nivîskar: SELAH BEDREDÎN
Weşandin: 2006-10-03
Xwendin: 4737