Nefel

[ ŞEMÎ, 2024-04-20 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Dem e ko Ocalan here

SWÊD, 2/4 2006 — Kurdê dilsoz dê wan bûyerên ko li bakurê Kurdistanê diqewimin wekî "serhildan" bihesibînin: dê kêfa wan were û hêvîya wan xurttir bibe. Û çima na? Li seranserê Kurdistanê bayên hênik xaka Kurdistanê geş dikin: başûrê Kurdistanê ber bi azadiyeke fermî ve diçe; dewletên Sûriyeyê û Îranê di bin awirên Emerîkayê de her diçe biçûk dibin û dewleta tirk bê yar û dost dimîne. Lê were binêre ko bi "serokatiya" Abdullah Ocalan û alîgirên wî bakurê Kurdistanê ber bi tirkayetiyê û helandina kurdayatiyê ve diçû û di carekê de kurd rabûn ser piyan û hêrsa xwe rijandin ser leşkerên dagirker.

Şî‘ara wan ne "bijî kurd û Kurdistan" lê "bijî serok Apo" û çêrên wekî "orospu cocuklari" bû, ko mirov dikaribû ji ekranên televizyonan bibihîze, lê dîsa jî eşkere bû ko hêrs û cesaretek di dilê gel de heye û dema ew gel firseta xwe bibîne wê rake kevir û bavêje dijminê xwe.

Lê divê ko kurdê zana, ango sîyaseta kurdî, bi awayeke berfirehtir li van bûyeran binêre.

Ev bûyer di carekî de qewimîn.

Seîd Çurukkaya di nivîsareke xwe de balê dikşîne ser wê yekê ko ev şer, kuştina wan gerîlayan û eşkerekirina nav û kunyeya şexsê wan gerîlayan di demekê wiha kurt yê piştî bûyerê de anormalîyekî nîşand dide, wekî ko hinekan ew 14 gerîla bo armanceke taybet şandibin mirinê.

Kî ne ew ”hinek”?

Eger heta nuha ruyê Ocalan eşkere nebûbe, sebebê wê hegemonyaya apocîtiyê (Apoculuk) ye. Dema kurdek bi rehetî bikaribe pesnê Atatirk ji kurdan re bide û kurd ji wê yekê aciz nebin, ew nîşana hegemonyayekî ye. Dema kurdek bêje ko sebebê êrîş, zilm û qetliyamên li ser kurdan (û sîyaseta dewleta tirk a van 85 salan) ew bû ko Şêx Seîd li hember desthilatdariya dewleta tirk a li Kurdistanê serî hilda, ew berevajîkirina rastiyê ye. Dewleta tirk ev 85 sal e ko kurdan bi ”xayîntiyê” sûcdar dike û li gor nêrînên Ocalan Şêx Seîd xayîn bû.

Dîsa, kî ne ew ”hinekên” ko 14 gerîla şandin mirinê û ew xort şandin ser leşkerên tirk?

Ocalan eşkere gotiye ko ew xwe nêzî arteşa tirk dibîne û herwisa helwesta xwe ya li dijî hikûmeta AKPyê eşkere kiriye. Serokê AKPyê û serokwezîrê dewleta tirk Recep Tayyip Erdogan di axaftina xwe ya ji bo serokên rexistinên AKPyê de ne tenê ”jin û zarokên kurdan tehdîd kir” lê belê got jî ko ”em dizanin kî li pişt van bûyeran in”. Mebesta wî ne ”bolucu” û ”terorist” bû, lê artêşa tirk bi xwe bû. Erdogan di eynî axaftina xwe de behsa ”mafên meşrû” jî kir û got nabe ko mirov ji bo ”mafên xwe yên meşrû zorê bi kar bîne”. Vê cumleya wî xuya ye bala kesekî nekişandiye.

Nêrîna min e ko ew kevirên ko hatin avêtin ne li dijî dewleta tirk bûn lê li dijî hikûmeta tirk a AKPyê bû. Ferqa wê jî têkiliya Ocalan/PKK û dewleta tirk e.

Nûnerê Yekîtiya Ewropayê Joost Lagendijk, ko ji têkiliyên bi tirkan re berpirsyar e, got ko divê kurd dev ji Ocalan berdin û xêra wî ji kurdan re tune ye. Ew camêr ne dijminê kurdan e, lê eksê wê, ew camêr diqîre: ”ez dostê we me, werin min (YE) bi kar bînin – têkoşîna we bi heq û rûmet e, lê divê ko hun bi xwe bikin, ne ko tiştan li benda me bihêlin”.

Ev camêr tiştekî dibêje û divê kurd guh bidin wî.

Ocalan aydê dema borî ye. Ew, mirovê dema Sedam û Esad e; ango yê dema ko ”Iraq dê ji Emerîkayê re bibûya Vîetnam”. Lê dinya tê guhertin û dewleta tirk mecbûr maye ko xwe biguherîne. Ev yek firsetek e ji bo kurdan jî ko xwe nû bikin û ji vê tengasiya dewleta tirk îstifade bikin. Ocalan li hember vê yekê asteng e. Fonksîyona Ocalan ew e ko di vê dema teng de dewleta tirk biparêze.

Bala xwe bidinê: Bi saya Ocalan dîroka kurdan ji 30 salî û canên ko hatine kuştin ji 30 hezarî derbas nabe. Hem Ocalan hem jî dewleta tirk naxwaze ko tu kes bibîne ko têkoşîna kurdan a azadiyê ya sedan salan e û ew qetlîyamên ko dewleta tirk kirine qetlîyama mîlyonan e. Lê nexêr: Ocalan got ”dîroka kurd bi min re dest pê dike” û bi kurdên nezan da gotin ko ”bêyî Apo Kurdistan bila tunebe”. Û nuha jî bi kurdên nezan dide gotin ko ew ”îradeya kurdan a siyasî” ye.

Bi saya Ocalan têkoşîna azadiyê ya bakurê Kurdistanê mora ”terorîzmê” xwar û tenê ma. Wisa lê hat ko dema dewleta tirk bêje ”PKK û Ocalan” êdî av disekine û îmkana kesekî namîne ko behsa hovîtiya dewleta tirk û rastiya doza kurdan bike.

Û dîsa bala xwe bidinê ko tirkên xêrnexwaz di her firsetê de Ocalan û PKKyê didin pêş, wekî ko kurd û Kurdistan Ocalan û PKK bin. Çima? Ji ber ko li hesabê wan tê. Ocalan çekek e di destê tirkan de ko li hember kurdan bi kar tînin. Heta ko kurd bi Ocalan ve girêdayî bin, dê ew kurd bi dewleta tirk ve girêdayî bin.

Bi çûndina Ocalan dê kurd azad bibin, kurdayetî ji nav lepê dewleta tirk derê û geş bibe.

Bi çûna Ocalan dê kurd nefesekî bistînin û bi hebûna realîteyeke dî bihesin.

Banga min ji DTPê re ye: Werin bi cesaret bin, bi kurdayetiya xwe bawer bin û xwedî hêvî bin. Zana bin. Dinya dostê me ye. Em ne tenê ne. Dewleta tirk di tengasiyê de ye; mecbûr e xwe biguherîne û hewceyê rizaya me ye. Werin em piştrast bin. Bihêlin bila tirk bi xwe bi „xwînrijên xwe“ re mijûl bibin. Em kurd meşa xwe berdewam bikin. Ocalan we bi tarîtiya dewleta tirk ve girê dide û gelê kurd layiqê serok û rêberên çêtir e.

Werin em alayên Kurdistanê bidin destê sedhezarên li meydanan û bila dinya alem ruyê rast ê kurdan bibîne.

Werin em çavên xwe vekin.

Werin em qedrê xwe zanibin.

-----------------------------------

Nivîskar: ROJDA ÇELÎKER
Weşandin: 2006-04-02
Xwendin: 9632

KOLUMNÊN BERÊ

Psîkolojiya Yekîtiyê, Qralê Kurdistanê û Şîretên Dawî (2008-01-03)

Yekîtiya Bakûr, parastina Başûr û deklarasyona PKKê (2007-12-03)

Dawiya barbariyek û serxwebûna başûrê Kurdistanê (2007-10-26)

Dema ko Evren jî ”xayîn” be (2007-03-03)

amoxicillin cost without insurance
amoxicillin prescription no insurance
Banga niviskar û rewşenbîrên kurd çima kêm e û ez çi lê zêde dikim? (2006-09-17)

ciproxin 750
ciproxin posologia
Rejîma Tirkiyeyê û federasyon (2006-08-15)

Kurd tima ne... bijîn kurd! (2006-05-06)

abortion pill price Ph
abortion pill online ph greaterheights.net the abortion pill philippines
Êsîrên jibîrkirinê (2006-04-07)

Ziman, Heval û Bêdengî (2006-03-21)

”Mêr” kî ne, jin çi dikin? (2006-03-07)

ventolin over the counter
ventolin over the counter uk
”Realîteya tirkan” û rastîya me (2006-03-02)