Nefel

[ ÇARŞEM, 2024-12-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

fjrigjwwe9r1TabArticles:ArticleHeadline
naltrexone alcohol
is naltrexone addictive
Heftiya çarenûsê

SELAHEDÎN, 7/8 2005 — Heta nîva vê meha tebaxê Îraq bi giştî û bi taybetî jî başûrê Kurdistanê heftiya xwe ya herî girîng û çarenûsî derbas dike. Di vê heftiyê de ko biryar ew e amadekirina reşnivîsa destûra hertimiya Îraqê biqede, xuya dibe ka Îraq dê bibe Îraqa ko kurd û civaka navneteweyî li hêviyê ne û başûrê Kurdistanê jî dê bibe dewleta federal ya ko kurd dixwazin, yan na?!

Heta niha jî ne malûm e ka ew nakokiyên li ser gelek pirsên cidayên ji kurdan re çarenûsî ko di nêvbera kurd û ereban de hene, dê bêne çareserkirin, yan na?!, lê belê ya malûm ew e ko eger daxwazên kurdan yên vê qonaxê tevî ko hemû mafên kurdan garantî nakin jî, eger ko ev daxwaz neyên pejirandin û di destûra hertimiya Îraqê de bi cih nebin, dê tiştekê bi navê destûra Îraqa nû qed çê nebe.

Kurdan di hilbijartinên destpêka îsal de bi şîîyan re hevpeymanî çê kir û bi hev re hukûmet ava kir, yek ji bingehên herî girîng û ji kurdan re pir çarenûsî ew bû ko rewşa Kerkûkê û deverên din yên erebandî yên Kurdistanê normal bibe û li gor maddeya 58-ê ya qanûna birêvebirina dewleta Îraqê bêne çareserkirin, lê belê hukûmeta Caferî heta niha jî xwe ji vê yekê dide alî û her carê bi behaneyekê dixwaze xwe ji pêkanîna vê maddeyê veşêre.

Caferî û lîsta wî hevpeymanên kurdan e weha dikin, ji xwe erebên din ko sunnî ne yekcarî naxwazin teştekî kurdan di Îraqê de hebe û piraniya wan hê jî weke Sedam Hisên li kurdan dinêrin û welê dihesibînin ko ew xwedî dewlet û kurd jî dijminên dewleta wan e û dixwazin dewleta wan xera bikin. Vêca erebên ko kurd dixwazin bi wan re Îraqa nû ya demokrat û federal û piralî ava bikin ev in û yê herî başê wan û kî xwe dostê herî nêzîkî qebûl dike, kengê derfeta xwe dît bê ko hesabekî ji rojên tengaviyê re bike, li kurdan dibe heman Sedamê berê.

Serpêhatiyên kurdan bi ereban re diselimînin ko divê kurd baweriya xwe bi ti ereban neyîn in û ti ereb cihê baweriyê nîne, kurd ko bi ereban re didin û distînin divê tam ev baweriya wan hebe û zanibin ko kengê desthilata ereban hebû, ew ne hevpeymaniyê û ne jî biratiyê nas nakin û çi qasî ji destê wan bê, dê rê nedin tiştek ji kurdan re çê be. Serederî û gotin û daxuyaniyên wan jî yên vê heyama ko kurdan bi wan hevpeymanî çê kir û hukûmet ava kir, vê rastiyê baş xuya dikin.

Hê jî derfetek mezin di destê kurdan de ye û vê heftiyê dikarin bi awakî pir mezin mora xwe li nexşeya Îraqa nû bixin û mafên xwe yên niha dixwazin ko ne hemû mafên kurdan e jî, garantî bikin, eger na û ereb nehatin rayê jî, hingê kurd dikarin krîzeka siyasî û destûriya welê li Îraqê derxin holê ko paşê bi hemû erebên şîî û sunnî neyê çareserkirin û hesab û kîtabên emerîkayan jî têk bidin. Helbet eger ko kurd vê yekê bikin, dê bi xwe jî ziyanê bibînin, lê belê dê qed bi qasî wê ziyanê nebe ko destûrek hertimî ji Îraqê re çê bibe û mafên kurdan weke ko ew dixwazin tê de nebin.

Emerîka û hevpeymanên wê baş dizanin û fêm dikin ko eger hevpeymanekê wan li Îraqê û herêmê tevê jî hebe kurd in, kurd jî divê gelek baş ji vê xalê fêde bigirin û weke kartek bi hêz di serederiya xwe de bi ereban re bixebitînin. Kurdan di wan rojan de jî ko vê Emerîkayê piştgirî dida Sedam şerê wî dikir û di operasyona azadkirina Îraqê de jî hevpeymanên sereke û yekane yên li ser erdê yên Emerîkayê bûn, lewra jî îro mafê wan e ko bi her awayî fêde ji vê hevpeymaniyê bigirin û bi kêmanî bi vê hevpeymaniyê karibin tiştek welê bikin ko mafên kurdan neyên xwarin.

Piştî civîneka awarte ya bi parlemêntoya Kurdistanê re, Mesûd Barzanî serokê Kurdistanê ber bi Bexdayê ve da rê û dê bi serok û mezinên ereban re hewl bide ko nakonkiyên heta niha jî li ber qediyana destûra hertimiya Îraqê asteng in, çareser bike, lê belê serokê Kurdistanê beriya ko biçe Bexdayê piştrast kir ko ewê bi ti awayî ji daxwazên xwe neyên xwar û dê rê nede li ser hesaba kurdan, xelkê din bibin tişt û mafên kurdan bixwin.

-----------------------------------

Nivîskar: SAMÎ ERGOŞÎ
Weşandin: 2005-08-07
Xwendin: 9475