Nefel

[ ÇARŞEM, 2024-04-24 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Tirkiyeyê li hedefên PYD-ê da – Emerîkayê got raweste

» Davutoglu nizane çawa rê li ber PYD-ê bigire

STENBOL, 14/2 2016 — Hêzên çekdar yên Tirkiyeyê duhî êvarî li nêzîkî Ezazê li bakurê Helebê êrişî hedefên PYD-ê kir û serokwezîrê Tirkiyeyê Ahmet Davutoglu got ew rênadin ko balafirxaneya Mennexê li hemberî opozîsyona Sûriyeyê bêt bi kar anîn.

Serokwezîrê Tirkiyeyê Amhet Davutoglu duhî êvarî got hêzên rejîma Sûriyeyê bi hevkariya hêzên PYD/YPG-ê û bi piştgiriya balafirên şerî yên Rûsyayê korîdora di nêvbera Helebê û Tirkiyeyê de girt.

Li gor rojnameya Yeni Şafakê, Davutoglu got xeter li ser ewlekariya Tirkiyeyê heye û piştî teqeyên hêzên rejîmê û YPG-ê li hemberî Tirkiyeyê hêzên çekdar yên Tirkiyeyê jî hedefên YPG-ê dane ber topan. Davutoglu nerazîbûna xwe li hemberî Rûsyayê nîşan da û got:

— Heleb di bin dorpêçkirin û dagîrkirineka fîîlî de ye. Dema ko îmkana xwegehandina wêderê nema brayên me yên li Sûriyeyê ji bo xelaskirina canê xwe revîn û bi aliyê me ve hatin. Li bakurê Sûriyeyê pakkirineka nijadî têt kirin û hêdî hîç gumaneka me ji wê yekê nîne ko dixwazin demografiya Helebê biguhorin. Ji aliyekî ve rûs dorûbera Ezazê bombebaran dikin û ji aliyê dî ve PYD ji aliyê Efrînê ve bi rêya bejahiyê êriş dike û balafirxaneya Menexê xist destê xwe. Vê rêxistina terorê bi hevkariya bombebarana Rûsyayê berê xwe da Ezazê.

Ahmet Davutoglu got PYD ne rêxistineka kurdan e û got:

— PYD darûdesta rejîma Sûriyeyê ye. Rêxistineka terorê ya wisa ye ko bi arîkariya hewayî ya rûsan zordariya etnîkî li tirkmenan û heta li kurdên ne wekî xwe dike. Destê YPG-ê bixwîn e û ew nokera rejîmê ye. YPG hevkara Rûsyayê ya li ser erdê ye û wê temam dike.

Serokwezîrê Tirkiyeyê Ahmet Davutoglu got wî bi telefonê digel Joseph Bidenê cihgirê serokê Emerîkayê jî axaftiye û jê re gotiye ko rewş li gor dilê Tirkiyeyê nameşe û wekî ko li Stenbolê jî berê jê re gotibû YPG û PYD dûvelangên PKK-ê ne û ji bo Tirkiyeyê xeter in û ew dê hemî tedbîran li hemberî wê bigirin.

Emerîkayê hem bi rêya berdevkê Wezareta derve û hem bi rêya nûnerê Obama yê şerê li dijî Daişê Brett McGurk aşkera kir ko wê ji Tirkiyeyê xwestiye êrişên xwe yên li ser hedefên PYD-ê rawestîne û ji PYD-ê jî xwestiye ko vê rewşa heyî neke firsetek bo berfirehkirina herêmên di bin destê xwe de.

Tirkiye dikare bi topan li hinek hedefên YPG-ê yên nêzîkî tixûbê bakurê Kurdistanê û Tirkiyeyê bide. Tirkiye nikare bi êrişên hewayî yan jî bi êrişên bejahî bikeve axa Kurdistana Sûriyeyê û lewra ne mimkin e ko Tirkiye bi êrişên topan bikare rê li ber YPG-ê bigire. Ji helwêsta Emerîkayê jî xuya dike ko piştgiriyeka nêvneteweyî ji bo van êrişên Tirkiyeyê nîne.

-----------------------------------

Nivîskar: Nefel-Nûçe
Weşandin: 2016-02-14
Xwendin: 10134