Nefel

[ ÎNÊ, 2024-05-10 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Mesut Yegen: Vîzyona Hewlêrê û Enqereyê yek e – BDP jê naxusire


	» Mesut Yegen

ENQERE, 3/4 2011 — Mamostayê beşa sosyolojîyê ya Istanbul Şehir Universitesi profesor doktor Mesut Yegen got serdana serokwezîrê Tirkiyeyê Recep Tayyip Erdoganî ya Kurdistanê ji bo rêveberên Kurdistanê serketineke mezin e û got heger BDP dijminahiya başûr neke ew têkilî tesîreka zêde negatîv li dengên BDP-ê nake.

Mesut Yegen di vê hevpeyvînê de behsa xurtbûna têkiliyên Tirkiyeyê û Kurdistanê dike.

***

Pirs: — Ev cara yekê bû ko serokwezîrekî Tirkiyeyê çû Kurdistanê. Bi ya te wateya vê serdanê çi ye û armanca hikûmetê çi bû?

Mesut Yegen: — Tenê yek armanca serdanê nîne. Bi fikra min sedemên serdanê; bi herêma Kurdistanê re pêşxistina pêwendiyên siyasî û aborî, amadekariya pêşketinên li herêmê û bo çareserkirina pirsa kurd û bêçekkirina PKK-ê û bi vê ve girêdayî wergirtina piştgiriya herêma Kurdistanê yee. Lê dema serdanê, armanca dawî kir ya yekemîn.

Pirs: — Tu balê dikşînî ser dema serdanê, gelo bi hilbijartinan re jî eleqedar e?

Mesut Yegen: — Dixuye ko hikumet, bo ko kurdên li Tirkiyeyê bikêşe aliyê xwe hemû hêz û derfetên xwe bi kar tîne. Ser mijara kesayîtiyên girîng ko biryar dane dê vegerin Tirkiyeyê û suîqesta ko li Îbrahim Tatlises hate kirin, dezenformasyon tê kirin û bi vê ji tê xwestin ko eniya BDP-PKK-ê di hilbijartinê de bête tengav kirin. Dema serdana herêma Kurdistanê jî girêdayî vê armancê ye.

Pirs: — BDP, armanca serdana Erdogan wek, “Piştgiriya ko li Diyarbekir û Şirnexê winda kiriye, dixwaze li herêma Kurdistanê bibîne” bi nav dike.

Mesut Yegen: — Bi ya min jî ev tesbît ne şaş e. AK Partî hê jî li dor pirsa kurdî dizivire. Texmîn nakim ko bi biryar vê siyasetê bimeşînin. Hilbijartinên hezîranê dê carek dî şaştiya vê siyasetê nîşan bidin. Helbet Barzanî ji desthilatiya ko ji hevalbendiya CHP-MHP pêk tê, desthilatiya AK Partîyê çêtir dibîne. Lê ne bawer im ko ev piştgirî heta tengazarkirina BDP-ê hebe. Ev kêrî herêma Kurdistanê jî naye.

Pirs: — Mirov dikare bêje ko tesîra serokê herêma Kurdistanê Mesûd Barzanî, ser kurdên li Tirkiyeyê zêde ye?

Mesut Yegen: — Navê Barzanî li Tirkiyeyê girîng e. Hê zêdetir jî bîreweriya Mela Mistifa Barzanî heye. Herwiha ji bo kurdên li Tirkiyeyê, li Iraqê hebûna Kurdistaneke federal jî girîng e. Lê ev nabe sebeb, kesên ko piştgirîyê didin eniya BDP-PKK-ê, dê piştgirîyê bidin AK Partîyê. Ger eniya BDP-PKK-ê neyartiya herêma Kurdistanê neke ev yek nabe. Ger armanc paşxistina eniya BDP-PKK-ê be, pêwendiyên bi Barzanî re, di vê rewşê de guhertineke bingehîn çênake.

Pirs: — Tu serdana Erdogan bo herêma Kurdistanê çawa dinirxînî?

Mesut Yegen: — Tirkiye hevalbendeke girîng ya herêma Kurdistanê ye û bi hikumeta ko heyî re, her çiqas dereng be jî, di pêwendiyan de astek hatiye girtin. Serdana Erdogan, bo rêveberên herêma Kurdistanê serketin e. Li Hewlêrê vekirina konsolosxaneyê nîşan dide ko pêwendiyên navbera Tirkiye û Kurdistanê xurt bûne.

Pirs: — Ji vir û pê ve, pêwendiyên Tirkiye–Herêma Kurdistanê dê çawa biçin û pêşketinên muhtemel çi ne?

Mesut Yegen: — Dixuye ko dê pêwendî pêşkevin û xurt bibin. Hikûmeta herêma Kurdistanê û hikumeta AK Partîyê, di siyaseta herêmê de xwedî vîzyoneke hevpar in. Li gorî vê vîzyonê, divêt beyî ko li herêmê vehejîneke mezin rû bide rejîm bên guhertin

PORTRE / MESUT YEGEN

Profesor doktor Mesut Yegen di sala 1964-ê de li navçeya Sîwerekê ya Ruhayê hate dinê. Di Zanîngeha Teknîk a Rojhilita Navîn (ODTÜ) Beşa Sosyolojî de lisansa bilind kir û ji Zanîngeha Essex (Britanya) Beşa Sosyolojî dereceya doktorayê girt. Niha li Istanbul Şehir Universitesi beşa sosyolîjî mamosta ye. Pirtûkên bi navê “Müstakbel Türk’ten Sözde Vatandaşa Cumhuriyet ve Kürtler”, “Devlet Söyleminde Kürt Sorunu”, “Son Kürt İsyanı” yên Yeğen hene û gelek gotarên profesor Yegen di kovar û rojnameyan de hatine weşandin. [aknews]

-----------------------------------

Nivîskar: Nefel-Nûçe
Weşandin: 2011-04-03
Xwendin: 3423