Nefel

[ ŞEMÎ, 2025-04-19 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

Kamil Atak: Dewletê em wekî maşikê bi kar anîn


	» Kamil Atak

DIYARBEKIR, 22/1 2011 — Serokê koruciyên li devera Cizîra Botan li Diyarbekirê di mehkemeya cezayê giran de behsa trajediya ko dewleta tirkan aniye serê wan kir û got dewletê ew wekî maşikê bi kar anîne û got hêdî rûyê wî nagire ko derkeve nêv kurdan.

Rûniştina heft tawanbarên ko di nav wan de fermandarê alaya bajarê Qeyseriyê û serokê koma Jitemê serheng Cemal Temîzoz û serokê korucuyan Kamil Atak jî hene û bi kuştina 52 kesên li herêma Cizîra Botan tên tawanbar kirin li 6-mîn Dadgeha Cezayên Giran ya Diyarbekirê berdewam kir.

Kamîl Atak got ev 25 sal in ko ew bûne dijminê gelê xwe û hatine bi kar anîn û got:

— Em wek maşikê dihatin bi kar anîn. Di operasyonan de korucu 500 metreyan li pêşiya komandoyan dimeşiyan. Digotin dema mir jî bila korucu be û pê li mayinê kirin jî bila korucu be. Ez ji vir derkevim êdî nikarim cereke din têkevim nav kurdan. Rûyê min ranake. Ez êdî nikarin li Cizîrê bijîm. Ji bavê min 200 kes man. Heta 200 salî ez ê ji vê belayê xelas nabim. Piştî em bûn korucu em di nêvbera xelîl û celîl de man. Serokê PKK-ê Abdullah Ocalan ji me re got hon bibin korucu ez dê we bikujim. Dewletê jî bi zorê xwest em bibin korucu. Got Abdullah Beg hon kuştin jî bila we bikuje.

Kamil Atak got ew aştiyê dixwaze û parastina xwe wiha berdewam kir:

— Ez dest û piyê we maçî dikim aştiyê bînin. Ger hon aştiyê dixwazin û meraqdarê aştiyê ne divêt berî her tiştî hon korucutiyê rakin. Ma em dibin asteng li pêşiya aştiyê? Vê darizandinê malbata min perîşan kir. Kesên li cem dewletê cih digirin dibin sûcdar. Kesên diçin çiyê dibin terorîst. Kesên siyasetê dikin dibin KCK-yî. Ev çawa edalet e?

Tamer Atakê kurê Kamîl Atak jî li hember pirseka dozgerî got:

— Ji ber ko em korucu ne li vir tên darizandin. We ji me re got “bikujin” me jî kuşt. Me PKK-yî kuştin. Leşkeran bi PKK-ê re şer nekir. Korucuyan bi PKK-ê re şer kir. Ji Stenbolê zarokên ko bi biskuvîtan mezin bubûn dianîn leşkeriyê. Lê van zarokan nedikarî bi terorîstan re şer bikin. Zarokên bîskuvitan dê çawa Cûdî nas bikin. Me bi PKK-ê re şer kir.

-----------------------------------

Nivîskar: Nefel-Nûçe
Weşandin: 2011-01-22
Xwendin: 3317