Nefel

[ PÊNCŞEM, 2024-12-05 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NÛÇE

[têbînî] Bi ”xeletî” 100 eskerên tirkan tên kuştin – hikûmeta Erdoganî jî hildiweşe


	» Recep Tayyip Erdogan bûye memûrê MGK-ê û eskeran

BAMERNÊ, 25/2 2008 — Tu ji tirkan bipirsî ew dikarin îdia bikin ko wan bi ”xeletî” pirên Kurdistanê bombe kirin û hilweşandin. Tirk dikarin îdia bikin ko ew ne ji bo zordariya li ser miletê kurd û başûrê Kurdistanê derbasî vî aliyê tixûbî bûne û armanca wan tenê PKK ye. Tirk dikarin ji wê derewa xwe bawer bikin lê belê kurd qet û qet ji tirkan bawer nakin û dizanin ko tirk wekî milet û Tirkiye wekî dewlet dijmina herî mezin ya miletê kurd û Kurdistanê ye.

Tirk wisa dihesibînin ko bi îftiraya ”piştgiriya terorê” dê doza miletê kurd li başûrê Kurdistanê jî ”terorîze” bikin û dê Emerîka û dinya ji wan re bibêje kerem kin hon li başûrê Kurdistanê yan jî bi gotina wan li ”bakurê Iraqê” çi ji kurdan dikin bikin.

Tirk û medyaya wan van rojan serxweşên ”piştgiriya temam” ya Emerîkayê û Ewropayê ne û heroj pesnê serokwezîrê xwe Recep Tayyip Erdoganî didin û dibêjin wî bi dîplomasiya xwe dinya qane kir û lewra ti kes ji tirkan re nabêje çima hon derbasî başûrê Kurdistanê bûn.

Ev derew û safsataya tirkan ne ji duhî ve her ji roja ko Erdoganî li Washingtonê serokê Emerîkayê George Bush dît aşkera bû lê belê paşê Erdoganî li Tirkiyeyê got ew ne hewqasê ”alçax û bêşeref” e ko soza çareserkirina pirsa miletê kurd li bakurê Kurdistanê bide Emerîkayê.

Dema ko serokkomarê nû yê tirkan Abdullah Gul jî çû Emerîkayê û digel George Bushî civiya piştî civînê wî jî wekî Erdoganî xwe nebihîstî kir û got herduyan behsa çareserkirina pirsa kurdî ya bi rêyên siyasî nekirine û tenê behsa ”terorê” kirine.

Hêj Abdullah Gul li Washingtonê bû berpirsekê bilind yê Qesra Spî di malpera Qesra Spî de got George Bushî ji Abdullah Gulî re gotiye: 1) Divêt Tirkiye têkiliyên xwe digel hikûmeta Iraqê xweş bike, 2) Divêt Tirkiye têkiliyên xwe digel hikûmeta Kurdistanê xweş bike û 3) Divêt Tirkiye têkiliyên xwe digel kurdên Tirkiyeyê yanî digel kurdên bakur xweş bike û çareyeka siyasî ji meseleyê re bibîne.

Heta niho tirk bi esker û sivîlên xwe ve bi hikûmet û dewleta xwe ve tenê behsa ”terorê” û metodên eskerî dikin û dibêjin qey dinyayê ji wan re wisa gotiye. Serokwezîrê tirkan yê esilgurcî Erdogan di meseleya kurdan û Kurdistanê de ketiye bin emrê hêzên eskerî de û ew jê çi bixwazin wê dike.

Ev rê ji bo Erdoganî û hikûmeta AKP-ê rêya têkçûnê ye û heger ew vê siyaseta xwe berdewam bikin ya ko li desthilata başûrê Kurdistanê dikeve ew e ko rojekê ji rojekê zûtir qebra hikûmeta AKP-ê bikole û nehêle ko ordiya tirkan li başûr bi ser keve û nehêle ko AKP jî li Tirkiyeyê li ser desthilatê bimîne.

Destpêka hilweşandina hikûmeta AKP-ê û Erdoganî dikare ”xeletiyeka” eskerî be û heger ji nişkê ve bi ”xeletî” li devera Kanîmasiyê yan Çelê yan her cihekê dî yê tixûbê bakur û başûrê Kurdistanê 100 eskerên tirkan li ser hev di yek derbeyê de bên kuştin û ti kes nezane ka kê ew kuştin û çawa kuştin hingê tirk û hikûmeta wan û ordiya wan dê bizanin ka dinya çiqasê li pişt wan e.

Wezîrê bergiriyê yê Emerîkayê Robert Gatesî duhî ji Awisturalyayê got divêt Tirkiye di zûtirîn demê de hêzên xwe ji başûrê Kurdistanê derxe û herwiha divêt Tirkiye têkiliyên xwe digel kurdên bakur xweş bike û li çareyên siyasî bigere û baweriya xwe bi operasyonên eskerî tenê neîne.

Serokê Kurdistanê Mesûd Barzanî ji serokê Emerîkayê George Bushî re nameyek nivîsî û got divêt ew çareyekê ji van êrişên Tirkiyeyê yên li dijî Kurdistanê re bibîne yan ne li vê mintiqeyê fitneyeka mezin dê derkeve û şerekê mezin jî dê çêbe.

Piştgiriya dinyayê bo tirkan dereweka mezin e. Emerîkayê û dinyayê ji tirkan re got wî qismê PKK-ê yê ko bi hevkariya hinek hêzên eskerî yên we probleman derdixe û provokasyonan dike berteref bikin lê belê di heman demê de çareyekê ji doza kurdên bakur re jî bibînin.

Tirk di xewna xwe de dijîn û dibêjin qey ew çi difikirin dinya jî wisa difikire. Ji bo ko kurd li tirkan û dinyayê bidin fêm kirin ko derdê tirkan qet û qet ne PKK ye û derdê wan hemî miletê kurd li hemî parçeyan e û nemaze jî başûrê Kurdistanê ye divêt ”xeletiyek” çêbe û ji nişkê ve 100 eskerên tirkan di geliyekî de bên kuştin.

Heger ”xeletiyeka” wisa çêbe ne hewce ye ko kurd zêde dengê xwe bilind bikin û bangî dinyayê bikin û bibêjin bila tirk derkevin. Piştî ”xeletiyeka” wisa dinya hemî dê bala xwe bide vî şerê kurdan û tirkan û tirk jî dê fêm bikin ko di ”xeletiyeka” piştî wê de dikare 1 000 eskerên wan bên kuştin û di ”xeletiyeka” dî de jî dikare 10 000 esker bên kuştin.

Li gor konjunktura siyasî ya dinyayê û Kurdistanê û Tirkiyeyê îro xêra miletê kurd di ”xeletiyeka” wiha de heye.

-----------------------------------

Nivîskar: Nefel-Nûçe
Weşandin: 2008-02-25
Xwendin: 3385