Nefel

[ PÊNCŞEM, 2024-04-25 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Vetokirina parlamenterên kurd

CIZÎRA BOTAN, 20/4 2011 — Licneya Bilinda ya Hilbijartinê di di heqê namzetên kurd yên serbixwe ko Partiya Aştî û Demokrasîyê ew destek dikirin de biryareke ne ya xêrê da. Ez bi xwe ji vê biryarê şaş nebûm. Lewra ez dizanim ko “fikra derwêş çi be, zikrê wî jî ew e”.

Kî çi bêje bila bêje ev biryar ne dadî ye û herweha tê wateya xweranegirtina kurdan ya li Meclisê. Belê naxwazin kurdan di meclisa xwe de bibînin. Naxwazin pirsgirêka kurdan bi awakî aştîyane çareser bikin. Naxwazin dirûşmeya Leylayan ya “bijî gelê kurd û gelê tirk” seh bikin. Naxwazin Xetîbê “xetîb” bi wê kurdiya xwe ya zelal behsa gelê xwe, behsa belengazîya gelê xwe bike.

Belê naxwazin di meclisa xwe de dengê kurdan bibîhîsin, da kiryarên wan yên çepel yên li kurdan dikin bo raya giştî ya dinyayê neyê vegotin. Eve biratîya wan holê ye. Ya rast ez weke kurdekî bawermend qet bawerîya min bi vê biratîya yekalî nehatîye, nayê û wê neyê jî.

Niqteyeke din ya girîng heye, ew jî ev e: Piştî ko partîya desthilatdar yekîtîya kurdan ya di hilbijartinê de dît û haya wê jê çêbû ko wê di hemberî berendamên kurd yên serbixwe de têkçûneke dijwar bixwe, kete nava fikaran û li alternatîfên eleyhîyê kurdan geriya. Wisa xuya dike ev biryara dawî encama wan fikaran e.

Dîsa bi gotina wan hatina pênşemê ji çarşemê dîyar e. Biryara Erdoxan ya tesfîyekirina kurdên “kurd” ya ji partîya xwe, eşkere dikir ko ew hem di nav partîya xwe de hem jî di nav partîyên muxalefetê de kurdên “kurd” naxwaze. Bawer im eger derfeta wî heba dê ji bo hemî bajarên kurdan namzetên rojavayî yên bi kurdî jî nizanin hilbijarta.

Gelo dê ji niho û pê de çi bibe? BDP dê di hemberî vê bêedaletîyê de bertekeke çawan nîşan bide? Bi gotineke din kurdên hişyar dê berê BDP bidin biryareke çawa? Ew ê di rojên pêşîya me de zelal bibe, lê ez dikarim vêya bêjim, bila yên îmzaya xwe avêtine binê vê biryara bêdad û yên bi her awayî ev raman parvekirine û kêfa wan jê re tê zanibin ko;

— Ev zilmek e li gelê kurd tê kirin û doma zilmê jî neqabil e. Delîla vê çendê hem bûyerên dîrokî ne, hem jî yên di dema me de ne. Ka şahê Îranê, ka Sedamê kujer, ka Husnî Mubarek (!)?

— Ev biryar dê bibe sedema hêrsa gel. Bêguman dema gel hêrs bû êdî tu hêz nikarin di hemberî wê hêrsê de raweste.

— Ev bêdadî dê bibe sedem ko kurdên ne hişyar jî hişyar bibin. Hişyarbûna nehişyaran tê wateya yekbûna kurdan. Ew jî tê wateya kombûna kurdan ya di bin sîwana BDP-ê.

— Eger bi vê biryarê bixwazin Leylayek nekeve nav meclisê, gelê kurd yê hêrsbûyî dê di hilbijartinên paşerojê de bi dehan Leylayan bişîne meclisê.

— Em ferz bikin ko BDP biryara vekişîyana ji hilbijartinê da û kurdên “kurd” neketin meclisê, gelo wê demê kî dikare ji raya giştî ya dinyayê re behsa meşrûbûna meclisa bêkurd bike?

Bi kurtayî qehra me zêde ye, gelik zêde ye. Lê bawerîya me bi Qur’ana pîroz heye. Kerem kin:

— “Yên zalim dê di demeke kurt de bibînin ka dê bi qulibandike çawa biqulibin. (Sûreta Şuera, ayet 227)”

— Me xwest ko em lutfekê bi yên li ser rûyê erdê perçiqîne bikin û wan bikin pêşevan û wan bikin mîratxur. (Sûreta Qeses, ayet, 5)

Belê;
Eger topa zulmê hebe, berika wê hebe, keleha wê hebe,
Çepileke netewandî û rûyeke veneger yê heqê jî heye. (Zeyla Nameya Şanzdehemîn)

-----------------------------------

Nivîskar: ABDULKADIR BÎNGOL abdulkadirbingol@gmail.com
Weşandin: 2011-04-20
Xwendin: 7159