Nefel

[ PÊNCŞEM, 2024-04-25 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Xwediyên kurdan û zimanê kurdî kurdînezan in?

HEWLÊR, 3/5 2011 — Roj-bi-roj hijmara deriyên nûçeyan û torgehên (websaytên) kurdî û kanalên radyoyî û televizyonî yên kurdan zêde dibe. Lê mixabin, hemî jî miştî şaşiyên ecêbecêb in. Ez dê nimûneya nûçeyeka vê dawiyê ya torgeha Avestakurdê şirove bikim.

Nûçe weha bû:

“Avestakurd – Hunermenda dengbêj û di warê magazîn de deng dayî Paris Hilton, jibo kuştina Ûsame Bin Ladin di çapemaniya Amerîkî de keyfxweşiya xwe anî ser ziman.”

Dema min nûçe xwend, ez, bi kurdî, weha têgehiştim:

“Avestakurd - Hunermenda dengbêj ko di dengdan û hilbijartina di warê magazînê da dengê xwe daye Parîs Hiltonê, jiber wê ko Osame Bin Ladin di çapemeniay Emrîkayê (û ne li Pakistanê) hat kuştin, kêfxweşiya xwe wekî benîştekê di devê xwe da anî ser zimanê xwe.”

Lê binihêrin ko mebest bi wî zimanê şaş çawa hatiye veguhastin. Ko wan tiştê di dilê xwe da bixwastiba bigotiba dibû weha nivîsîba:

“Avestakurd - Hunermenda dengbêj û di warê magazînê da navdar, Parîs Hiltonê, jibo belavbûna nûçeya kuştina Osame bin Ladinî di çapemeniya Emrîkayê da, kêfxweşiya xwe eşkira kir.”

Anîn ziman, anîn ser ziman, anîn bin ziman, hemî li cihê gotin û eşkirakirinê dihên bi kar anîn. Gelo "gotin" siviktir û xweştir û kurttir e an ew keleşên nerayêk? Dîsa di nûçeyên van coreyên kurdî-nezanan da dihêt gotin û nivîsîn: “Parlemantoya Kurdistanê civînek/rûniştinek saz kir/ li dar xist / girêda.” Gelo çima Parelemantoya Kurdistanê hema bi kurtî û bi kurdî narûne/nacive. Dîsa dihêt gotin: “Di wê bûyerê da, 10 kesan canê xwe ji dest da / wenda kir.” Gelo ko mirov bi awayekî felsefî jî nexwaze bibêje ka bi mirinê laş canî ji dest dide an can laşî jî, dîsa mirin ji wan rêzepeyvan kurttir û siviktir e.

Nimûneyên weha gelek gelek zehf in, lê bila em hinekê rêzê li zimanê xwe bigirin. Ko em rêzê li zimanê xwe negirin, çi rêza me bi xwe jî namîne.

-----------------------------------

Nivîskar: LEZGÎNÊ ÇALÎ lezginch@hotmail.com
Weşandin: 2011-05-03
Xwendin: 8781