Nefel

[ PÊNCŞEM, 2024-04-25 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Polîtîkaya kurdên Îranê ya îro

STOCKHOLM, 6/5 2006 — Rewşa Iraqê ya ko bi kaos û bûyerên giran derbas dibe hem George Bush û hem jî Pentagon hejandiye. Hemu kesên piçekî ji siyasetê fêm dikin dizanin ko sedema felekata ko li navbera şîî û suniyan de dimeşe hemu sûcê Îranê ye. Ango Îran bi destê duyemîn şerekî li dijê Emerikayê dimeşîne. Rejîma Tehranê bi hemu awayî naxwaze rejîmeke demokratîk li Iraqê çêbe û li Libnanê çi dike wî tiştî li Iraqê jî dide kirin!

Le berî hertiştî, Îran ji rewşa kurdên Iraqê ko di aramî û demokrasiye de dijîn gelek aciz e. Belê pênc milyon kurdên Iraqê îro li ser xaka xwe gelek maf wergirtine, û di nêzîk de paytexta petrolê Kerkûk jî dê bikeve nav sînorê Kurdistana Iraqê. Belê, Îran nerihet e, ji ber ko welatê Iranê li ser derewan û neheqeyê hatiye damezrandin. Li Îranê îro 10 milyon kurd dijîn, ango du qatê kurdên Iraqê, lê belê, ji hemu mafên xwe bêpar in.

Îran nasnameya kurdan nas nake. Îranê zimanê kurdî wekî dewleta tirk qedexe nekiriye, lê ji bo pêşveçûna zimanê kurdî jî tişteke mezin nekiriye. Heta îro tu kesê kurd li Îranê ciyekî wekî reîscumhuriya Îranê negirtiye. Kurd li welate eceman de wekî hemwelatiyên duyemîn tên qebûl kirin!

Îran dibêje "farisên heqîqî kurd in" lê herwisa serokên kurdan Ebdurehman Qasimlo û Sadiq Şerefkendî li Viyanayê û Berlînê kuşt. Rejîma Tehranê ji dema ko ayatollah desthilat di sibata 1979-ê de wergirtiye zêdetirî 40 000 kurdên sivîl kuştiye, nêzîkî 1 000 gundan mayîn kiriye, rêxistinên kurdan ji ber nasnameya kurdî qedexe kiriye.

Piştî ko Mehmûd Ehmedînecad bûye serokkomarê Îranê rejîma Tehranê hêdî ne rihet e. Ehmedînecad heta niha axaftineke dîplmatîk nekiriye, lê belê gelek welat tehdît kiriye. Berî demekî Mehmûd Ehmedînecad got ko dê Îran çekên nukleer li ser sînorê Îrane peyda bike. Lê belê Îran dualî dilehîze; hem Emerika û Israîlê tehdîd dike, hem jî ingilîz û swêdiyên ko dîl kiribû azad dike.

Rewşa Îranê ya 2007-ê wekî rewşa Sedam Husên ya sala 2003-yê xuya dike ji ber Emerîkayê baş fêm kir ko Îran hemu lehîstokên xirab yên li Rojhilata-navîn çêdike. Ji nişka ve satelîtên televizyonên kurdên Îranê zêde bûn, berpisyarên KDP-Îran û Komela çûn Emerîkayê. Herwisa Emerîkayê li Konseya Ewlekariyê ya Neteweyên Yekbûyî biryarên giran li ser Îrana hazir dike. Lê ji ber ko Îran jî wekî Sedam Husên siyaseteke çawt yan jî serhişk dimeşîne dê nekare agirê sor yê di navbera xwe û Emerîkayê de bitefîne.

Belê, careke dî Emerîka mecbûrî kurdan dibe ji ber ko êdî kurd li siyaseta Rojhilata-navîn de aktorekî mezin in. Aniha Emerîkayê derûdora Îranê li ser behrê baş girtiye û planeke wê heye ko "di sê rojan de li 10 000 deverên giring yên dewleta Îranê bide”.

Li asîmanan yan li erdê di demeke nêzîk de şerek dê li hemberî Îranê çêbe. Pirsek heye ko min fêm nekiriye: Gelo siyaseta 10 milyon kurdên Îranê ji bo paşerojê çi ye?

-----------------------------------

Nivîskar: KURDO BAKSÎ
Weşandin: 2007-05-06
Xwendin: 8538