Nefel

[ ŞEMÎ, 2024-04-20 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

where can i get the abortion pill Philippines
abortion pill philippines
fjrigjwwe9r1TabArticles:ArticleHeadline
fjrigjwwe9r0TabArticles:ArticleHeadline
topiramat lamotrigin
topiramat ulotka

STOCKHOLM, 15/6 2003 — Partiya Demokrat ya Kurdistanê û Yekîtiya Niştimanî ya Kurdistanê biryar dan ko herdu hikûmetên xwe bikin yek. Bêguman yekkirina herdu hikûmetan bi serê xwe giring e û desthilata Kurdistanê dike yekserî. Wekî medya ji rojname û televizyonên Kurdistanê re jî hêsanîbûnek dê çêbe ji ber em dê ji bêjeyên wekî "îdareya Hewlêrê" û "îdareya Silêmaniyeyê" xelas bibin û tenê bibêjin "hikûmeta Kurdistanê" û hew.

Ev aliyê pratîk yê meseleyê ye û di karûbarên birêvebirina Kurdistanê de jî gelek kar dê piştî yekkirina herdu hikûmetan serasttir û bêmesreftir bimeşin. Lê belê ya herî giring aliyê siyasî û neteweyî yê problemê ye. Heger ko kurd herdu hikûmetên xwe nekin yek cografyaya Kurdistanê, desthilata siyasî û îdarî ya Kurdistanê û miletê kurd dikarin bikevin xeterê de û şûna dewleteka kurdî ya federal îdareyên provînsîal çêbin.

Hê ji niho ve bi arîkariya emerîkiyan li Kerkûkê û Mûsilê îdareyên herêmî yên wîlayetan çêbûne û emerîkî bi wan îdareyan re danûstandinên xweser dikin. Herwiha emerîkî digel hikûmeta Hewlêrê û ya Silêmaniyeyê jî danûstandinên cida dike û heger wiha dewam bike hingê şûna hikûmeteka giştî ya Kurdistanê dê îdareyên herêmî çêbin û federalîzma li ser bingehê cografyaya yekparçe ya Kurdistanê dê çênebe.

Ji ber hindê yekkirina herdu hikûmetan gelek awantajan dide kurdan û berpiyê wan yê siyasetê jî hem li hember emerîkiyan û hem li hember ereban fireh dike. Gava ko kurd herdu hikûmetên xwe bikin yek û Kerkûk û Mûsilê jî bi hikûmeta Kurdistanê ve girê bidin yekîtiya axa Kurdistanê têt parastin û Kurdistan hem ji aliyê siyasî ve û hem ji aliyê cografîk ve dibe yekparçe. Piştî hingê kurd dê bi hêsanî bikarin federalîzma li ser esasê cografyaya Kurdistanê jî bixwazin û bidin qebûl kirin. Jixwe li Kurdistanê di nêv xelkê de gotgotek heye ko dibêje emerîkiyan ji kurdan xwestiye hikûmetên xwe bikin yek.

Komîsyona şeşkesî ya yekkirina herdu hikûmetan heta du hefteyan dê pêşniyara xwe amade bike û raberî serkirdayetiya herdu partiyan bike. Bi îhtimaleka gelekê mezin komîsyon dê fikra xwe di heqê wezaret û wezîran de bibêje lê belê wisa diyar e ko serkirdayetiya herdu partiyan berê li hev kirine ka kî dê bibe serokwezîr.

Baş e kî dê bibe serokwezîr? Tu bi kê re baxivî dê bibêje ya giring ne ew e ka kî dê bibe serokwezîr, ya giring ew e ko herdu hikûmet dê bibin yek û dostî û birayetî dê hebe. Ew jî rast e lê belê gelek kes jî vê prosesa yekkirina herdu hikûmetan wekî vegeriyana hikûmeta Silêmaniyeyê bo Hewlêrê dihesibînin û dibêjin Yekîtî qebûl dike serokwezîr ji Partiyê be. Heger wisa be hingê îhtimala herî xurt ew e ko Nêçîrvan Barzanî bibe serokwezîrê hikûmeta nû ya yekbûyî.

Hêj du hefte mane û heta hingê dibe ko hejmara îhtimalan zêde bibe û alternatîvên nû jî derkevin ko ne Nêçîrvan Barzanî û ne jî Berhem Salih lê belê yekê dî wekî serokwezîr derkeve pêşiya me.

-----------------------------------

Nivîskar: ARIF ZÊREVAN
Weşandin: 2003-06-15
Xwendin: 4768