Nefel

[ ÇARŞEM, 2024-12-04 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

acheter nifedipine 30
nifedipine nom commercial
Gelê şiyar

SELAHEDÎN, 20/12 2005 - Tevî hemû hewlên neyarên kurdan jî ji bo ko gelê başûrê Kurdistanê bi ferehî beşdarî hilbijartinan nebe, roja 15-ê vê mehê gelê kurd li başûrê Kurdistanê ji dost û dijminan re selimand ko gelekî şiyar e û ti pîlanên dijminan nikarin riya rast li ber wî winda bike.

Kampanyaya hilbijartinan li Îraqê û başûrê Kurdistanê jî gelek xurt û fereh bû û bi dirêjiya mehekê her çi kanalên medyayê hebûn, bûne amûrên vê kampanyayê. Hinek aliyên dijî Lîsta Hevpeymaniya Kurdistanê li başûr bi plan û xwesteka hêz û aliyên neyarên kurdan, bi taybetî jî aliyên îslamî û şovenîstên ereb, bi rengekî pir xerap ev kampanî ji bo êrîşkirina li ser birêvebirî û desthilata siyasî ya başûrê Kurdistanê bi kar anî.

Ev hêz û aliyên ko ji bal neyarên kurdan ve têne birêvebirin, di kampanyaya xwe ya hilbijartinan de li şûna ko propagendeya rojev û programên xwe yên hilbijartinan bikin, hemû karê xwe kiribû mezinkirina hinek kêmaniyên ko di rêveberiya Kurdistanê de hene û hemû hewlên xwe dan ji bo ko bi berçavkirin û mezinkirina van kêmaniyan, kurdan ji hukûmet û desthilata xwe ya siyasî dûr bixin û beşdarî hilbijartinan nebin.

Ji ber ko du mehan beriya hilbijartinan, referanduma ji bo derbaskirina destûra Îraqê çê bûbû û li başûrê Kurdistanê xort gelek beşdar nebûbûn, van hêz û aliyên antîkurd welê bawer kiribû ko êdî civak û bi taybetî jî xort ji hukûmet û desthilata siyasî ya Kurdistanê bêzar in û ji ber vê yekê ewê karibin bandorekê li wan bikin û tiştek welê bikin ko vê carê xort neçin dengdanê.

Van hêzan çi di medyayê de û çi jî di propagendeya devkî ya nav civakê de, dixwest welê nîşan bide ko piraniya herî zêdeya xortan êdî nema baweriya wan bi desthilata siyasî û birêvebiriya Kurdistanê tê û ewê wek karvedanek yan beşdarî hilbijartinan nebin, yan eger ko beşdar jî bibin dê zêde dengê xwe nedin Lîsta Hevpeymaniya Kurdistanê. Lê belê weke ko xuya bû her tişt berevajî derket û hemû texên gel ji bo ko dengê xwe bidin vê lîstê, bi germî çone ser sindoqên dengdanê.

Li hember kampanyaya antîkurd, helbet hemû kanalên medyaya Kurdistanê jî gelek bi germî tevlî propagendaya hilbijartinan bûn û rolek baş lîzt, lê belê rola ko herî zêde bandora wê li ser civakê û bi taybetî jî xortan çê bû, rola serokê Kurdistanê Mesûd Barzanî bû.

Li hember kampanyaya antîkurda ko hebû serokê Kurdistanê jî bi rêzecivîn û hevdîtinên xwe yên tevî hemû cûn û texên cidayên civakê, hem kampanyaya antîkurd vala derxist û hem jî wisa kir ko rêjeyek pir mezin ya kurdistaniyan beşdarî hilbijartinan bibin.

Di van rêzecivîn û hevdîtinên xwe de, serokê Kurdistanê gelek vekirî û gelek jî ferehtir li ser kêmaniyên ko di her warî de li başûrê Kurdistanê hene rawestiya. Herweha jî baweriya hemû cûn texên civakê anî ko hebûna kêmaniyan û beşdariya hilbijartinan ya ji bo garantîkirina çarenûsa gel û parastina bidestxistiyên neteweyî, du tiştên ji hev cida ne.

Rêzecivîn û hevdîtinên serok Barzanî û gifûgoyên wî yên bi beşdaran re ko vekirî li ser ekranên televizyonan hatin weşandin, ne bi tinê propagendeya hilbijartinan bû, lê belê ew nîşandana rûyekê din yê wê demokrasiyê jî bû ya ko li Kurdistanê heye û dê gelek gavên baştir jî ber bi pêş ve bavêje.

Serok Barzanî bi van rêzecivîn û hevdîtinên xwe û bi wê giftûgoya xwe ya vekirî li ser her pirseka ko ji bal beşdaran ve dihatine kirin, dixwest biselimîne ko li Kurdistana azad ti sinûrên ji bo azadiyê nîne û her kes azad e ko dîtin û nêrînên xwe bîne ziman.

Barzanî herweha jî ew baweriya bi şaşî di nav civakê de hebû ko çê nabe behsa kêmaniyên birêvebiriyê bête kirin, şkand û li ser ekranên televizyonan û li ber çavê hemû gel xuya kir ko divê her tişt bi ronî bête behskirin.

Gotinên vekirî yên serokê Kurdistanê, ji bilî ko rêjeya beşdariya gel ya hilbijartinan zêde kir, herweha di hemû sewiyên civaka kurd de jî kultura giftûgoya rasterast û diyarkirina bêtirs û bêgirêya kîmaniyan û lêgerîna bi hev re ya ji bi dîtina çareseriyan li başûrê Kurdistanê bi hêz kir. Helbet bihêzbûna vê kulturê jî hem baweriya mirovan bi desthilatê zêde dike û hem jî avêtina gavek ferehtir ya ber bi avabûna civaka demoratîk e.

Ji bal xwe ve gelê Kurdistanê jî carek din selimand ko pir şiyar e hemû baweriya wî jî bi serokatî û desthilata siyasî ya Kurdistanê heye, lewra jî pir fereh beşdrî hilbijartinan bû û carek din ji serokatiya xwe re got “erê” û dîsa jî weke her car neyar û antîkurd bêhêvî hiştin.

-----------------------------------

Nivîskar: SAMÎ ERGOŞÎ
Weşandin: 2005-12-20
Xwendin: 19778