HELSÎNKÎ, 29/4 2009 — Di vê ferhenga jiyanê »Jiyannameyê« de min tecribeyên jiyanê yên piraniya miletan û mirovan li piraniya cihên dinyayê kom kirine û ji zimanên biyanî wergerandine bo zimanê kurdî. Hêviya min ew e ko mirov bikare dersekê ji van pendên cîhanê bigire û di jiyana xwe de jê faydeyê bibîne.
Ayîn û bawerî
Bawerî ew rastî ye ya ko tê hêvîkirin, dîtina wî tiştî ye yê ko nayê dîtin. // Mizgîn (Incîl)
Bawerî bi ser nakeve li wî cihî yê ko hişê mirovan bikare delîlan pêşkêş bike. // Welî Gregory Nazianzen
Mirov azad ji wî tiştî bawer bike yê bivê. // Gaius Julius Caesar
Di dinyayê de du cûn mirov hene: yên ji tiştên nayên bawerkirin bawer dikin, û yên kiryarên neihtimal dikin. // Oscar Wilde
Ma bawerî çi ye ger ne bawerîkirina bi hindê be ya ko nayê dîtin. // Aurelius Augustinus
Pêşî têgihiştin, paşî bawerî. // Pierre Abélard
Bawerî ji rêya serekî varê dibe hê berî ko hiş dest bi gerra xwe bike. // William James
Rast e ko piçek felsefe mirovî berev ateîzmê ve dibe lê mijûlbûnek kûrtir bi felsefeyê re wî nêzî dînî dike. // Francis Bacon
Xwedê yek e, û ew ne ji dirûv û ne jî ji ramanên xwe ve şibî mirovan e. // Ksenofanes
Tam ew yek, ko nikarim misoger bikim ko Xwedê nîne, min piştrast dike ko Xwedê heye. // Jean de La Bruyère
Cihûtiyê karî du pêdivîtiyên dijberî hev di dilê mirovî de bike yek: Xwedayek dadperwer û dilovan, tirsnak û dilvîn. // Joseph Bonsirven
Pirr tişt hene nayên bawerkirin ji ber ko şiroveya wan ya vê gavê nayê bawerkirin. // Friedrich Nietzsche
Yê bêyî dîn dijî, bê kompas diseyire. // Sir Thomas Overbury
Bawerî enîşkek e ko em dikarin di bin barê giyanê xwe yê giran de xwe pal bidinê. // Sir Thomas Overbury
Bi alîkariya baweriyê nikarî gelek tiştan bikî, lê bêyî dînî nikarî ti bikî. // Samuel Butler
Bawerî biserketinê tîne û bi baweriyê dijî her tiştî bi ser dikevî. // Qur'an
Bi sond: ger we temetî tovê xerdelê jî bawerî heba, we dê bikariya ji vî çiyayî re bibêjin: "Ji vir bilive dera han", û ew dê biliviya. Ti tişt dê li ber we ne negengaz ba. // Mizgîn
Herî asan ew ji wî tiştî bawer dikin ya em jê ditirsin yan hêvî dikin. // Jean de La Fontaine
Dîn tilyak e bo gel. // Karl Marx
Hemî dîn çêkirokiyên mirovan in. // Napoleon Bonaparte
Ji koleyan re hin rêûresmên olî hatibûn lidarxistin: xemrevîniyek ya jiyana dinyayî nade wan. // Elbert Hubbard
Dixwiye ko pirrî car bawerî nebaweriyek e ya ko ji xwe aciz bûye û ji rêya xwe xirriyaye. // Aaro Hellaakoski
Bawerî diyariyek Yezdanî ye ko bi bertîl yan şkenceyan nikare ji ti kesî bêt standin. // Thomas Hobbes
Bawerî rêbera hemî qenciyan e: zik e, dayik e, sereguhdêr e, parêzvan e. // Asvaghosa Mahãyãna
Dîn babetek mezin e di dîroka xweperestî ya mirovatiyê de. // William James
Baweriya yekî li çavên yê dî tirredînî ye. // Sir Thomas Browne
Me têra nefretkirina li hev dîndarî heye lê qet têra hezkirina ji hev dîndarî nîne. // Jonathan Swift
Dilê min dêra min e. // Thomas Paine
Hemî rêkên berev Xwedê mîna hev baş in. // Mohandas Gandhi
Bi baweriya min, baştirîn taybetmendiya mirovê dîndar xwegorîkirina temam ya li rastiyê ye. // Albert Schweitzer
Baweriya min ew e ko nivîsên pîroz yên hindûyiyê li min ferz nakin ko her peyv û gotinê ya Xwedê bihesibînim. // Mahatma Gandhi
Tê nekoşe ko baweriya ti kesî bihejînî! Ger bikarî, tiştek baştir bide wî; ger bikarî, dest biavêjiyê û wî berev jortir def bide. Wa bike, lê lê winda neke wî tiştî ya ko wî heye! // Swami Vivekananda
Tu dê nejiyayî ger te bawer nekira. Her kes bawer dike. // Romain Rolland
Bawerî ne destpêka her zanînê ye, dawiya wê ye. // Johann Wolfgang von Goethe
Bivê-nevê pêdivî ye ji hebûna Yezdan piştrast bibî lê ne pêdivî ye delîlan bo pêşkêş bikî. // Immanuel Kant
Bêhişiya dogmên xrîstiyanî ateîstan diafirîne. // Voltaire
Ateîzm zêdetir li ser devê mirovan e, ne di dilê wan de. // Fransis Bacon
Bêhêvîtî tek ateîzma rastîn e. // Jean Paul
Pirrî car panteîzm tenê dirûvek rêzgir yê ateîzmê ye. // Arthur Schopenhauer
Em di vekolîna siriştê panteîst in, di hûnandina helbestan polîteîst in û di sincnasiyê de monoteîst in. // Johann Wolfgang von Goethe
Bawerî, ya ko sinoran li xwe datîne, ya ko tenê hin tiştan bawer dike û qet ne zêdetir û ya tenê evqas bawer dike û qet ne pitir, pûç û betal e. // Julius û Augustus Hare
Bawerî, ya ko li ser otorîteyan hatiye avakirin, ne ti bawerî ye. // Ralph Waldo Emerson
Perestin ji guhdarîkirinê asantir e. // Jean Paul
Ji yê bişik bawer bike û bişik be dema ji te re dibêjin bawer bike. // Ludwig Börne
Dibe pirtûkên pîroz rast bin lê ew ne tevaya rastiyê ne û ne jî bitenê rast in. // Samuel Butler
Mirov bi bawerkirina ji tiştekî dijî, ne bi gengeşe û şerrenîxê. // Thomas Carlyle
Kirin ji ramanê dûrtir mirovî dibe, bawerî ji zanînê dûrtir. // Jakob Bosshart
Ne qeşe lê îtîraf gunehên me dixefirîne. // Oscar Wilde
Ax, çend tişt duh babetên baweriyê bûn û niha çîrrok in. // Michel de Montaigne
Dinya niştimanê min e, hemî mirov birayên in û qencîkirin dînê min e. // Thomas Paine
Ger te dest ji baweriyekê berdabe, dîsan jî hemî baweriyan bernede. Herdem alternatîvek bo baweriya me jidestdayî heye. Yan jî belkî heman bawerî be lê kirasek nû li xwe kiribe. // Graham Greene
Ew kes, yên bê sebeb bawer dikin, nikarin bi sedemên hişî bên bawerandin. // James Anthony Froude
Mirov tenê wê tiştê baş dinase ya ko pêşî jê bawer kiriye û paşî rexne lê kiriye. // Henry David Amiel
Bawerî, baweriya bihêz; soz tenê wê dibîne / û tenê li wê dinere, / bi negengaziyan dikene / û desthilatiyê ji wê re dixwaze. // Charles Wesley
Bi kêmbûna hêzên afirîner re baweriya bi otorîteyan zêde dibe. // Friedrich Nietzsche
Hin mirov hene ko çi bixwazin dikarin jê bawer bikin. // Bextiyar in ew mirov. // Georg Christoph Lichtenberg
Mirov dikarin bi qederek mezin ji zibil û gilêşî bawer bikin û dîsan jî bi hişmendî û kêfxweşî ji karûbarên xwe yên rojane sereder bibin. // Norman Douglas
Îro bawer nakim ji her tiştî ya min duh bawer dikir, û dipûnijim ka gelo dê sibê bawer bikim ji hemiyê ya îro bawer dikim. // Isaac Goldberg
Bawerî mîna evînê ye: bi kotekî nabe. // Arthur Schopenhauer
Her pergalek dînî bi borîna demê re xwe adapteyî giyanê mirovî dike. // Herbert George Wells
Divê dîn mirovî kêfxweş bike. // Jakob Bosshart
Xrîstiyanî peyda bû daku dilan sivik bike: lê niha divê pêşî wan giran bike daku paşî sivik bike. // Friedrich Nietzsche
Xwedê ne neçar e tehemila bêhişiyên qeşeyan bike. // Voltaire
Em bo dînî dijî dînan in. // Victor Hugo
Dîn mîna kirmikên zîqok in, pêdiviya wan bi tarîtiyê heye daku geş bixwiyin. // Arthur Schopenhauer
Bi hev re û bi tenê
Dijwar e Parîsê bihêlim ji ber ku, ger wa bikim, dê neçar bibim dostên xwe bihêlim. Dijwar e gundî bihêlim ji ber ku, ger wa bikim, dê neçar bibim xwe bihêlim. // Joseph Joubert
Ca çendî şeyda ne dil: / dema em bi hev re jî / em bêriya hev dikin. // Fukayabu
Darên lal jî / li nêzî xwe hene / xwişk û bira. / Xemgîm im ko / neçar im bi tenê bim. // Ichihara Shinno
Mirovê tenê ji xwe hez bike, ji her tiştî zêdetir ji tenêtiyê ditirse. // Blaise Pascal
Heyv ava dibe rojava, / bayê payizê tê / û ez bi tenê me, / bi tenê me û bêriyê dikim, / westiyayî bi tenê bendewar im. // nenas (Japonya)
Tu li bal min? / Yan ez li bal te? / Nayê bîra min / di xewê de yan şiyar, / rastî yan xewn? De bêje. // nenas (Japonya)
Ne xirab e azad bî yan kole bî ger hema qenc bî. // Eurîpîdes
Qîmetê bide wê wekheviyê ya ko hevaltiyê xurt dike. // Euripides
Mirov hemî tiştî ji têkiliyên xwe yên li gel xelkê fêr dibe. // Euripides
Mirov heywanek civakî ye. // Lucius Annaeaus Seneca
Dijwarî wa dikin ko mirov xwe bikin yek. // Athenaios
Dewlet ne tenê ji lebx û libinan lê ji mal û mirovan pêk tê. // Marcus Tullius Cicero
Her dewlet ji malbatan pêk tê. // Aristoteles
Mirovê bi tenê hertim di civatek nebaş de ye. // Paul Valéry
Dewlet hevgiriya mirovan e lê dîsan jî mirov û dewlet ne tam eynî ne. Dibe dewlet hilweşe lê mirovatî her dimîne. // Montesquieu
Her tiştê te yê min e, û bêguman her tiştê min jî yê te ye. // Titus Maccius Plautus
Di navbera dostên dilsoz û pêbawer de her tişt hevbeş e. // William Hugh
Çi yê te be yê min e, û çi yê min be yê min e. // Jonathan Swift
Nakokî silhê şirîntir dike. // Publius Syrus
Wek çawan dermank tamek tîj didin goştî, wisan kul û derd jî tamê didin jiyana tena û rehet. // George Pettie
Dema li mal bim, hizrên min li dûr in; dema li dûr bim, hizrên min li mal in. // Titus Maccius Plautus
Mirov dikare hevseriyê (jiyana bi hev re ya jin û mêran) bişibîne rekehan: yên li derê dixwazin bikevin hindirr, yên li hindirr dixwazin derkevin. // Michel de Montaigne
Yên bi rêyên cuda dimeşin bi hev re planan danaînin. // Konfuçe
Hiş û axiftin mirovan bi civakê ve girê didin. // Marcus Tullius Cicero
Civakê mirov guherrandiye. // Êdî ne dikare û ne jî diwêre bi tenê bijî. // William Blackstone
Mirov ji civakê li mifa û penayê digerre. // Francis Bacon
Civak bûye binirxtirîn malê mirovî. // Hewayê pak baş e lê kes naxwaze bi tenê hilm bikiyê. // Benjamin Tucker
Hemî rêveberî, ya ko bêyî rezamendiya welatiyan tê kirin, dikare wek koletî bêt hesibandin. // Jonathan Swift
Heqî û rastî civakê diparêzin. // John Locke
Civak dermanek e dijî neheqiyê. // William Warburton
Civak ji zindanan ya herî teng e bo wan kesan yên dijî civakê ne. // Camî
Civak hevbendiya mirovan e, ne mirov bi tenê ye. // Montesquieu
Takekes dikarin civatan pêk bînin lê tenê dezgeh dikarin bibin dewlet. // Benjamin Disraeli
Nîşana rêveberiya lîberal ew e ko ew ne ti kesî diêşîne û ne jî ti kesî bêxwedî dihêle. // Laotse
Li gor demokratan heqî ew e ya ko pirraniya xelkê bawer dike ko baş e. // Arîstoteles
Her kes, yê ko divê pabendî qanûnan be, divê bikare bandorê li danîna wan jî bike. // Jean-Jacques Rousseau
Ti car bêhurmet basa civakê neke. // Tenê kesên li derî wê hatine hêlan wa dikin. // Oscar Wilde
Em bo civakê ne. Em hatine afirandin bo pêşxistina bextiyariyê. // Samuel Butler
Dê bêt dîtin ko dewlet hejî takekesên xwe ye. // John Stuart Mill
Rêbaza amerîkîtiyê demokrasî divê - bi gotinek dî: rêveberiya hemî xelkê, rêveberiya nûneriya hemî xelkê bike û bo hemî xelkê bipeyive. // Theodore Parker
Şerrê hemiyan dijî hemiyan. // Thomas Hobbes
Demokrasî rê dide her kesî ko neheqiyê li xwe bike. // James Russell Lowell
Theodore Parker got ko demokrasî nayê wateya "Ez hindî te baş im" lê "Tu hindî min baş î.” // James Russell Lowell
Em dikarin bi serbilindî ragihînin ko ev neteweyê Yezdan diparêze dê ji nû ve azad biwelide, û ko ew rêveberî, ya ko ji gel e, ya ko ya gel e û bo gel e, ji dinyayê hinda nabe. // Abraham Lincoln
Hikûmet em in, em hikûmet in, ez û tu. // Theodore Roosevelt
Demokrasî bi kurtî tê wateya pelixandina gel bi destê gel bo gel. // Oscar Wilde
Xwezî bi dengdana gel neyêm mehkûmkirin!
ji nivîsek Kevne-Misrê
Deng divê bên pîvandin, ne hesibandin. // Friedrich von Schiller
Madem hemî çewt in, hemî dirist in. // Pierre-Claude N. // de La Chaussée
Dewlet hin makîneyên mezin in yên ko hêdîka dilivin. // Francis Bacon
Her kes bi tenê tava rojê dibîne. / Her kes bi tena serê xwe mezin dibe û digihe xurtiya xortiya xwe. / Keyf û xweşiyên wî yên wî bi xwe ne. / Ew berev mirinê ve dimeşe - bi tenê. // Mahabharata
Bi tenê yî, mirov, di nav hemiyan de bi tenê, / bi tenê welidiyî, dê bi tenê biçî... / Tek dilsoza te siya te bi xwe ye. // V. A. Koskenniemi
Dûriya ji mirovan tê wateya hilgirtina hemî barê rezîlî û riswayiyê. // Thomas Carlyle
Tarî ye xanîkê bêbav, sar e saunaya bêdê. // Pendek fînlendî
Jîna bêyî ti dostek rastîn kembaxtirîn tenêtî ye. // Francis Bacon
Gel jibîrkirî, gelî jibîrkirî. // Quintus Horatius Flaccus
Dinya jibîrkirî, dinyayê jibîrkirî. // Alexander Pope
Tenêtî ew biha ye, ko divê em bidin, ji ber ko em welidîne vê serdema nûjen. // Bihayê vê dema tijî azadî, xweserî û jixwerazîtî. // Natsume Sóseki
Xwehezî hertim hevrêya tenêtiyê ye. // Efleton (Platon)
Tenêtî di me de ye. // Joseph Roux
Mirov ne bi tenê ye çiku her yek dinyayê wek mîkrokosmos bi xwe re digerrîne. // Sir Thomas Browne
Ma çima hest bi tenêtiyê bikim? Nê planeta me li Rêya Kadizan e. // Henry David Thoreau
Pêl nikare bi tenê bijî lew hertim pişkek e ji deryaya livdar. // Wisan em jî nikarin bi tenê bijîn lew divê em beşdarî jiyana têrliv ya derdorî xwe bibin. // Albert Scweitzer
Di navoka min de kuncikek heye ko hertim lê bi tenê me. // Û li wir nû dikim wan kaniyan yên qet qut nabin. // Pearl S. Buck
Ger tenêtî bo mirovên mezin kaniya îlhamê be, bo mirovên biçûk belayek mezin e. // Samuel Smiles
Xwezî min xanîkek li çolê heba! Min ê gelê xwe bihêlaya û ji mirovan birevîma! // Peymana Kevn
Ey tenêtiya pîroz, xweveşartingeha xwedayan, bijartiya aqilî, hesûdîpêbiriya hêzdaran. // Edward Young
Mîna ewran bi tenê dimeşîm. // William Wordsworth
Razber û jixwetêr, û bitenê mîna oysterê. // Charles Dickens
Bitenê mîna yekşemê. // Mark Twain
Bitenê mîna fenergeha deryayê. // Raymond Chandler
Bextiyartirîn şêweyê jiyanê tenêtiya bi xebatê dagirtî ye. // Voltaire
Bitenêbûn baştirîn qûtê berhemdariyê ye. // Johann Wolfgang von Goethe
Ramanên min hevrêyên min in. // Henry Wadsworth Longfellow
Min hê ti hevalên ji tenêtiyê çîrrxweştir nedîtine. // Henry David Thoreau
Bêkêmasîtirîn bextiyarî çi ye? Mana li mal e. // Bhartrihari
Tenêtî hingê herî kêm e dema bitenê me. // Scipio Africanus maior
Scipio digot ko ti car kêmtir hest bi tenêtiyê nedikir ji hingê ko bitenê bû çiku dema cihek bitenê ji xwe re didît, di dilê xwe de bi xwe re diket suhbetên kûr. // Stefano Guazzo
Nîne hunermend yê ko xefsa dudiliyê lê nebarîbe: dema jiyan bi tundî wî virve û wirve biavêje, ew bêriya tenahiyê (rehetiyê) dike. // Lê dema digihe wê tenahiya bêrî kiriye, dîsan ji nû ve dest bi bêrîkirina jiyana têrliv ya berê dike. // Stefan Zweig
Tenêtî ramangêrriyê ko dike, qerebalix ramanan pelate dike. // Thomas Fuller
Suhbet wa dike ko em ji xelkê hez bikin, tenêtî wa dike ko em ji xwe hez bikin. // Thomas Fuller
Seredana tenêtiyê xweş e lê mana lê kembax e. // Josh Billings
Tenêtî ne ji ber hindê şkence ye ko ti kes nîne barê min harî min hilgire lê ji ber ko ti kes nîne ko barê wî jî hilgirim. // Dag Hammarskjöld
Tenêtî bendewariya li Yezdanî ye. // Walter Landor
Dema bi tenê bî, li kêmasiyên xwe bipûnije. Dema li nav civatê bî, basa kêmasiyên xelkê neke. // pendek çînî
Bextreş e ew yê nikare rojekê jî bi tenê be bêyî hest bi hesret û xerîbiyê bike û yê ko dikeve suhbeta bi tirredînan re li şûna suhbetê bi xwe re bike. // Xavier de Maistre
Berî avakirina tan û çeperan divê ji xwe bipirsî ka divê çi li hindirrî û çi jî li derî wan bihêlim û ka dê kê bi wan bixeyidînim. // Robert Frost
Tenêtî vedijîne, vederbûn vedimirîne. // Joseph Roux
Tenêtî bo giyanê mîna parêzê (diyet, dîet) bo bedenê ye: pêdivî ye lê ger dirêj vekişe, dê bikuje. // Luc de Vauvenargues
Ti kes dema spaghetti dixwe hest bi tenêtiyê nake: ev xwarin wa hewceyî baldarî û hişyariyê ye. // Christopher Morley
Hemî mirov bitenê ne. Lê hin mirovan wa pirr kes li derdorî xwe hene ko hay ji tenêtiya xwe nabin. // Bo Balderson
Xwegirêdana hestane bi kesekî ve bêguman dijwar e lê tenêtî bi temamî negengazî ye. // Stephen Sondheim
Jiyan dibe hilm / wek xunava spêdeyê. / Lê gerçi pîr jî dibim, / dîsan jî xort im, yar, / dema bendewarî te me. // nenas (Japonya)
Hesretê, yar, / kiriye hezar pirt / ev dil. / Lê pirtek tenê jî / pûç neçûye. // Izumi Shikibu
Wek niha ko sax im / dê di gorrê de jî / li benda te bim. // Iwa no Hime
Min ti dost ji tenêtiyê dosttir nedîtine. // Henry David Thoreau
Biserketin û têkçûn
Em hemî di nav herriyê re dimeşin lê berê hinan ji me li stêran e. // Oscar Wilde
Biserketin zarroya wêrekiyê ye. // Benjamin Disraeli
Mirov ne li çiyayan lê li beran dihilingivin. // pendek hindî
Rêya ber bi gupika çiya ve dûr û dirêj e. Lê dîsan jî hin kes tê dikoşin bilindtir daku bibînin dûrtir. // Nenas
Bêyî coşdariyê ti tişt peyda nebûye. // Ralph Waldo Emerson
Biserketin wan dehf dide. Ew dikarin ji ber ko ew bawer dikin ko dikarin. // Vergilius Maro
Dema ji tevaya dilê xwe dest bi xebatê bikî û herdem li gor rêbaza pozîtfiyê bixebitî, dê karên nayên bawerkirin bi dest bixî. // Norman Vincent Peale
Daxwaz bikin, dê ji we re bêt dan. Lê bigerrin, hûn ê bibînin. Li derî bidin, dê ji we re bêt vekirin. // Lûka 11:9
Ger cara yekem bi ser nekevî, dikarî dîsan û dîsan bicerribînî. // William Edward Hickson
Ger tê êdî şiyan nemabe bicerribînî, bala xwe bide tiştek din, bêna xwe veke, barê li ser pişta xwe dane. Tavilê dê dîsan îdeayên nû dest bi lehîkirinê bikin. // Norman Vincent Peale
Min divê, ango dikarim. // Novalis
Biserketin yê dîn jî hişmend dide xwiyakirin. // pendek navneteweyî
Biserketin tenê ew e ko mirov bikare jiyana xwe bike gor dilê xwe. // Christopher Morley
Navnirx raberî min hatine kirin lê bi baweriya min bi wan mirov dikeve nav civatek xirab. // George Bernard Shaw
Berî dest pê bikî, şîretên baş peyda bike, û dema te biryara xwe da, bêyî gîrokirinê bixebite. // Sallustius
Ger bixwazî bilind, ji nizm dest pê bike; ger bixwazî dûr, ji nêz dest pê bike. // pendek çînî
Coşek gurr, ya hiş û serhişkî destekê didinê, ew e ya herî zêde mirov pê bi ser dikeve. // Dale Carnegie
Tek awayê biserketinê xeyidandina xelkê ye. // Ji hindê tu dê her li bîra wan bimînî. // Josef von Sternberg
Ji hemî awayên biserketinê yê lezgîntirîn û misogertirîn ew e ko bi xelkê bidî bawerkirin ko li gor berjewendiya wan e ko qenciyê li te bikin. // Jean La Bruyére
Niqte û piwan digihin wî yê kar û keyfê têkil dike. // Horatius
Di mijarê de xurt, di awayî de nerm. // Claudio Aquaviva
Ew, yên bawer dikin ko herdem û bi tenê rast in, pirrî car ew e yên digihin encaman. // Aldous Huxley
Têkçûn asan e. // Biserketin e ya dijwar. // Henry Ford
Min ji gupikê dest pê kir û tê koşîm ta ko gihiştim binî. // Orson Welles
Yên dibêjin ko li gupikê teng e, ti car li binî nebûne. // Joe Harvey
Em hemî têk çûne - bi kêmî ji me yên bijare. // Sir James Mathew Barrie
Jiyan ecêb e. Ger ji bilî ya herî baş bi ti dî razî nebî, pirrî car dê ya baştirîn bikeve destê te. // W. Somerset Maugham
Hê ji zû fêr bûm ko ne hejî ye dema xwe pûç biborînî bi têkoşîna bawerandina hevkarên xwe ve. // Albert Einstein
Biryara te ya biserketinê baştirîn tişta biserketinê ye. // Abraham Lincoln
Di xeyalên xwe yên veşartî de ji xwe re bibêje ko tu bo biserketinê hatiyî afirandin. // Dale Carnegie
Li dinyayê ti tişt ne dijwar e; tenê dilê mirovan ne têr xurt e. // pendek çînî
Jiyan kurt e lê bela wê dirêj didin xwiyakirin. // Pubilius Syrus
Mêrên mezin ji belayan zewqê werdigirin û şerrvanên fêris di cengê de bi ser dikevin. // Lucius Annaeus Seneca
Ger dijwarî bên jî, ma çi feyde ye bibezî pêşiya wan. // Seneca
Dest ji belayan bernede lê wêrektir herre wî cihî yê feleka te rê dibiyê. // Vergilius
Biwêre rastî dijwariyan bêyî daku ew bêpayîn dijwar pênan li te bidin. // Key Stanislaus
Ti tişt ne pirr asan e lê her tişt tê dijwarkirin dema ji bêdilî bêt kirin. // Terentius
Wey li derdên mirovan, ax çend ji wan bêbingeh in. // Persius
Rondik zû ziwa dibe, bi taybetî ya ji ber belayên hatine serê xelkê. // Cicero
Dijwarî pirrî car hişî geş dikin. // Ovidius
Ti tişt bo mirbaran ne dijwar e. // Horatius
Ti tişt ne dijwartir e ji hindê ko ramanên watedar bi awayek wisan bên derbirin ko her kes tê bigihe. // Arthur Schopenhauer
Asteng nikarin min biperçiqînin. Biryardariya xurt her astengê dipelixîne. Yê berê xwe dabe stêran, nikare ji ya xwe dabêt. // Leonardo da Vinci
Li kêlîka bextreşiyê bipûnije: Duhî nebû û sibê êdî nîne. // Friedrich Hebbel
Di tiştên negengaz de bêhêvîtî kêm car lirê ye, di yên dijwar de qet ne ti car. // Johann Wolfgang von Goethe
Bawer im van demên dijwar alîkarî min kiriye ji berê baştir tê bigihim ka jiyan bi her awayî çend bêsinor delal û dewlemend e, û ko gelek tişt, yên mirov ji ber xeman dixwin, bi temamî bêwate ne. // Karen Blixen
Her yekî ji me têr taqet heye ko em xwe li ber belayên tên serê kesûkarên me bigirin. // François de La Rochefoucauld
Vegerrîna berdewam li tiştek nexweş cûnek dîniyê ye. // Baltasar Gracián
Mirov dê baş ji dijwariyên xwe yên siriştî sereder biban ger wan bi xwe hê bela bo xwe peyda nekiriban. // Ogden Nash
Dijwarî pirrî car amûr in ko Yezdan me pê bo hin tiştên baştir bikêr dike. // Henry Ward Beecher
Optîmîst ne ew e yê ko ti car neêşiye lê ew e yê ko bêhêvîtî jiyaye û zora wê biriye. // Aleksandr Skrjabin
Ger min bizaniya ko sibê dê dinya biruxe jî, min dê îro darsêvek biçanda. // Martin Luther
Bibe ramanwerek pozîtîf. Tişta çendî tarî bixwiyin, yan ta ger tarî bin jî, serê xwe rake û delîvên xwe bibîne - li benda te ne. // Axel Fredenholm
Dema spêdeyê radibî, te du alternatîf hene - yan bextiyar bî yan bextreş. Biryar bide ko bextiyar bî. // Norman Vincent Peale
Têkoşîna paşvenegerr hemî dijberiyan radike. // Vergilius
Li dinyayê têr ronahî heye bo wan yên naxwazin ti tişt dî bibînin, û têr tarîtî bo wan yên berevajî dixwazin. // Blaise Pascal
Ez fêr bûm baweriya pratîkê li tovê xerdelê û ramana ramangêrriya pozîtîf bicerribînim, û ecêbiyan dest bi peydabûnê kir. // William Hazlitt
Ta Xwedê jî li alî wêrekê rastgo ye. // Menandros
Nîne xemgîntir dîmen ji pesîmîstê ciwan, ji bilî optîmîstê pîr. // Mark Twain
Yê optîmîst radigihîne ko em li baştir dinyaya gengaz dijîn, û yê pesîmîst ditirse ko rast e. // James Branch Cabell
Optîmîzm û dilsojiya-bi-xwe navika pozîtîf û ya negatîf ya tirsokiya vî zemanî ne. // Cyril Connolly
Ji xanîkî dibe giremêrek derkeve. // Seneca
Tenê ew mirov, yê di her tiştî de kêmasiyê dibîne û bendewar e ko her tişt dê ber bi xirabiyê ve biçe, kesek hişzelal tê hesibandin. // John Kenneth Galbraith
Yê optîmîst dibe ronahiyê li nav tarîtiyê jî bibîne, lê çima divê yê pesîmîst hertim bibeze wê bitemirîne? // Michel de Saint-Pierre
Ez mezintir im ji her tiştî ya belkî li min biqewime. Hemî ev tişt, xem, bextreşî û jan, li derî xaniyê min in. Ez bi xwe tê ve me û kilîl li gel min e. // Charles P. Lummis
Tu dikarî ger bawer bikî. Van pênc peyvan kûr li haydariya xwe bikêle. Ew tikîtijî xurtî û rastî ne. // Norman Vincent Peale
Optîmîzm Baweriya Şorreşê ye. // Jacques Bainville
Her mirov, yê li vê dinyayê tiştek bi dest xistiye, wek şorreşgêrr dest pê kiriye. // Geroge Bernard Shaw
Şerta bêçare ya jiyanek biserketî ew e ko berdewam û dubare xwe coşdar bikî û li pey rêbaza pozîtîfiyê bimeşî. // Norman Vincent Peale
Bo baştirîn planên mirovî jî pêdivî bi coşdariyê heye. // Robert Burns
Bêyî coşdariyê ti tiştek gir peyda nebûye. // Ralph Waldo Emerson
Her bidestxistiya dahîtiyê ji alî coşdariyê ve hatiye bidestxistin. // Benjamin Disraeli
Dê çawan coşdar bimînî? Dîmenekê dirûv bide ji wê armancê, ya dixwazî bigihiyê, û dîmenekê jî ji wê armancê, ya tu êdî gihiştiyê, wisan dê daxwazên te bibin baskdar. // Norman Vincent Peale
Dahîtî ji sedê yek coşdarî ango inspîrasyon e û notûneh xuhdan ango perzpîrasyon e. // Thomas A. // Edison
Dahîtî xebata dijwar e, destjêneberdan û aqilê selîm û sade ye. // Thomas A. // Edison
Coşdarî jiyanê berz dike û wate û şiyanê didiyê. Sar bixebitî, dê biqerrisî. Tevî rîskan jî gurr û geş bixebitî, dê tênê bidî dinyaya dilsar jî. // Norman Vincent Peale
Li tiştan dinerî û dibêjî "Çima?" Lê ev tiştine neyî jî xeyal dikim û dibêjim "Ma çima na?" // George Bernard Shaw
Mirov tenê parek biçûk ji wan hêz û hinêran bi kar tînin ko wan hene û ko ew dikarin di rewşên pêdivî de bi kar bînin. // William James
Ne bes e ko stêrka xwe lê bigirî. Divê pê bikevî jî. // pendek îtalî
Ramangêrriya erênî kilîlê biserketinê ye di bazirganiyê, xwendekariyê û pêgoganêya pîşeyî de ango di her tiştî de. Dema dibezim sahê, diramim ko her pas dê ji min re bêt. // Ron Jarowski
Dê her fikrek baş bikeve serê te ger hema bipûnijî û xwe nebehecînî. // Norman Vincent Peale
Baştirîn awayê peydakirina fikran ew e ko bi zanebûnî nêçîra wan bikî. // Samuel Butler
Bila bi cerribandinek baldirêj, rastgoyiyê, disiplînê û xweragiriyê çêbike yê hişmend ji xwe re giravekî yê ti lehî nikarin binoqînin. // Dhammapada
Ti car radestî hêrsbûnê nebe. // Dermanê baweriyê bide hemî suhbetan yê beşdar bî. // Norman Vincent Peale
Bawerî hoyek giring e di her planê de. // Bêyî wê ti encamek biserketî nîne. // William Jones
Rojê herî kêm deh carî ji xwe re bide bawerkirin: Bendewarî ya herî baş im û bi alîkariya Yezdanî ez dê bigihim baştirînê. // Norman Vincent Peale
Baştirîn awayê biserketina dijî dijminan xweqenckirin e. // Salomo Ibn Gabirol
Divê em newestin bi qencîkirinê çiku rojekê em ê bigihin berhemê wê. // Mizgîn (Incîl)
Ger dijminê te birsî be, xwarinê bidiyê; ger tî be, vexwirakê bidiyê. // Mizgîn
Qenc be ji dostên xwe re daku dostaniya we xwe ragire, ji dijminên xwe re daku bibin dostên te. // Benjamin Franklin
Biserketîbûn ew e ko alîkar bî, haydar û avaker bî, tişt û mirovên pêrgî te bên piçekê baştir bikî. Baştirîn tişta bikarî bidî tu bi xwe yî. // Norman Vincent Peale
Her roj ji xwe re bibêje: Ti car ne bitenê me. Dizanim karên xwe bi cih bînim. Bi alîkariya Xwedê dikarin bi ser bikevim. Bi erênî dipûnijim û bawer dikim. // John Glossinger
Dema bi rêya jiyanê ve dimeşî, xwe mijûlî hesaba kêmandinê neke. Li şûna hindê, şiyan û hinêr û delîvên xwe bikomîne. Dê wisan rehet, çîrrxweş û biserketî bibî. // Norman Vincent Peale
Bi xewn û xeyalan bawer bin çiku deriyê herheriyê di wan de veşartî ye. // Xelîl Cibran
Zanist belkî sinoran bide zanînê, lê divê tixûb li aşop û xeyalan neyên danîn. // Bertrand Russell
Xeyalgêrrî pirrtir rastiyê dibîne ji hindê ya ko veşartî ye ko ji hindê ya diyar e. // Gaston Bachelard
Xeyal divê bi hesûdî daqurtînin daku raman têr bibin. Vîn (îrade) divê pirr xeyalan bike daku têr bi dest bixe. // Gaston Bachelard
Ger bi dînamîkî û afirînendeyî motîv bikî, kê bixwazî, dikarî xebatek bibandor pê bidî kirin. // Norman Vincent Peale
Pirraniya me hewceyî kesekî ne ko wan tiştan pê bide kirin yên em dizanin. // Ralph Waldo Emerson
Mirov bi biserkeftinê hatine afirandin - ne bo têkçûnê. // Thoreau
Ger xwe têkçûyî bihesibînî, bêguman dê têk biçî. Lê ger di rewşên rojane de jî coşdar bî, hêzên bêsinor yên coşdariyê dê demildest ecêbiyan bo te bikin. // Norman Vincent Peale
Çar miljon hêcet bo têkçûnê hene lê tek berrevaniyek rastîn bo nîne. // Rudyard Kipling
Ti kesê ko ji jiyana xwe zewqê werdigire têk neçûye. // William Feather
Ew baweriya giştî, ko biserketin mirovan diherrimîne û wan dike bêwec, xweperest û xwehez, ne rast e. Berevaj: biserketin bi pirranî mirovan dike nefsbiçûk, tolerant û xweşmirov. Têkçûn mirovan dike tal û zal. // W. // Somerset Maugham
Ti car basa têkçûnê neke. Peyvên wiha bi kar bîne: bawerî, hêvî, dilsozî û biserketin. // Norman Vincent Peale
Ti îdea nînin yên ko gelek kes lê neramîbin. Lê li şûna wê raman, ya ko ti qet nehatiye bîra ti kesî, kêm car bi ser dikeve. // Jan Carlzon
Biserketin rê ye – nearmanc e. // Ben Sweetland
Biserketin herdem berdemî ye; biserketin tenê têkçûnek gîrobûyî ye. // Graham Greene
Ew, yên ko cerribandinê digihînin gupika wê, ne îlle gupikjîr in lê ew bi ser dikevin ji ber ko bûne rikeberên nehej û netêkçû. // Norman Vincent Peale
Esehîtirîn awayê xweparastina ji kerrixînê xwe gorîkirina dozekê ye ko bi xurtî jê bawer bikî. // Norman Vincent Peale
Biserketin ne aîdî ti nepenîtiyan e. Ma te ti car kesek biserketî dîtiye ko hemî çîrroka xwe ji te re negotibe? // Frank McKinney Hubbard
Çend pirrtir biwêrî, dê hind zêdetir hêz û hinêrê di xwe de bibînî daku bigihî gupikê û xwe li wir ragirî. // Norman Vincent Peale
Yê biserketî belkî gelek car hatibe lierdêdan jî lê ew nemaye guh bide hejmartina têkçûnên xwe. // H. // E. // Jansen
Encam kirinan baş dike. // Ovidius
Carinan têt bihîstin ko mirov dibêjin: dawî baş be, hemû baş e. Lê ne wisan e. Dawiya baş nikare destpêka xerab baş bike. Roja xwe baş bi kar bîne. Berev pêş binere. // Axel Fredenholm
Hertim bila ev li bîra te be: biryara te ya biserketinê baştirîn tiştê biserketinê ye. // Abraham Lincoln
Bawerî di her plan û nexşeyê de hoyek giring e. Bêyî baweriyê ti encamên biserketî peyda nabin. // William James
Ya bi rastî bawer bikî, dê bibe; û baweriya bi tiştekî wî tiştî dide kirin. // Frank Lloyd Wright
Coşdariya gurr, ya ko hiş û serhişkî destekê didinê, ew e ya ko mirov pê pirrî car bi ser dikeve. // Dale Carnegie
Bazirganiya bêyî reklamandinê mîna çavkanêya (flirt) li di nav tariyê ye. Bi xwe dizanî çi dikî lê ti kes dî nizane. // Stuart H. Britt
Kêm ji kesên di jiyana xwe de digihin encamek baş jîrên gupikî ne. Lê wan taybetmendiyek gupikî heye; dibêjin: ez dê dîsan bicerribînim, dest jê bernadim, ez dê xweragir bimînim, bênavbirr bidomînim, ber bi pêşve bikoşim. // Norman Vincent Peale
Bo ko karên gir û gewre bikî, divê wa bijî mîna ko qet ne neçar bî carekê bimirî. // Vauvenargues
Ferheng tek cih e ko lê biserketin ji berî kar tê. // Arthur Brisbane
Bo bibe werzişvanek navincî ne hewceyî hemî xwedanê ye. Lê bo ko bigihe gupikê neçar e hemiya xwe bide - tam hemiyê. // P. Kahanamoku
Tenê rêyek ber bi biserketinê heye: bikarî bi şert û mercên xwe bijiyî. // Christopher Morley
Çar pêngav bo biserketinê: bi sexbêrî plan bike, bi lava amade bibe, bi erênî pêş bikeve û bi xurtî xwe rakişîniyê. // William A. Ward
Ti car ti kesî negot ko ez nikarimê. // Jack Dempsey
Hertim ji xwe dipirsim: ev çawan dikare hê baştir bêt kirin. // G. C. Lichtenberg
Raza mezin ya jiyanek biserketî guhastina raman e ji xirabiyê bi qenciyê, ji derewan bi rastiyê. // Norman Vincent Peale
Xwedê têr hiş û hêzê dide me bo kirina her tiştî yê ko ew dixwaze em bikin. // John Ruskin
Ji xwe re armancekê dirûv bike - ne armancek şêlî, nezelal, lê yeke baş-diyarkirî û kitekitî. Lava bo bike. Wê bigire ta ko wêneyê wê danoqe binbîra te. Paşî xeyal bike, birame, bi her awayî xurt bo armanca xwe bikoşe. // Norman Vincent Peale
Raza biserketinê ew e ko amade bî dest biavêjiyê dema delîve bêt. // Benjamin Disraeli
Carinan peyva "xeyalgêrr" bi galteyî û tirraneyî têt bikaranîn. // Dibe yê bi vê peyvê têt navandin xwe neheqîlêkirî jî bihesibîne. Lê ew peyv ne bi wê wateyê ye. Xewngêrr pêşrew in, rênîşander in, peydaker in. Hemû karên mezin yên dîroka dinyayê serekaniyên xwe ji xewn û xeyalan girtine. Em dikarin bi heq bibêjin ko hemû şaristaniya me xeyalek bicîhatî ye. Xeyala yê deryavan welatên pişt deryayê ne, xeyala yê kole azadî ye û xeyala yê destkar makîne ne. // Demekê dihat gotin ko ew hoste, yên berhemên wan niha bi milyonan tên kirrîn, xeyalgêrrên bêkêr in. Helbestvan û ramanwer, mezintirîn qencîkerên mirovatiyê, dihatin biçûkdîtin û wek xeyalgêrr dihatin navandin. Belê, niha jî wek xeyalgêrr tên binavkirin. // Bijîn xeyalgêrr! Yê xewn û xeyal nebin mirî ye. // Axel Fredenholm
Di xeyalên xwe yên nepenî de ji xwe re bibêje ko tu hatiyî afirandin daku bi ser bikevî. // Andrew Carnegie
Dost û dijmin
Bela dost û dostikan li bêjingê dikin. // Tenê yên bijare dimînin. // Arlene Francis
Li pêş min nemeşe; belkî li dû te neyêm. L pey min nemeşe; belkî nikarim rêberiya te bikim. Li gel min bimeşe û bi min re dost be. // nenas
Ti tişt nikare xwe bide navbera du dostên rast. // Eurîpîdes
Dost ew e yê kêmasiyên dostên xwe tehemil dike. // William Shakespeare
Dostanî jî hindî pêdiviyên me yên bingehîn avê û agirî giring e. // Marcus Tullius Cicero
Ti car ne bi tenê me dema dizanim ko tu li derekê yî – cadûr bî yan nêz. // Marion C. Garretty
Ti rê ne dirêj e ger bi dostan re bî. // pendek japonî
Dostanî xweşiyan xurt dike û xeman sivik dike bi ducarîkirina keyfan û parvekirina derdan in. // Joseph Addison
Em hem li ber tavê û hem jî li ber siyê dost bûne. // Caroline Norton
Dost ew koma mirovan in yên em dikarin pê re mirov bin. // George Santayana
Heval stirana dilê min dibîze û wê ji min re distire dema nayê bîra min bi xwe. // Nenas
Ya herî baş ew e ko mirov bi kesek wisan re bikene yê ko heman tişt herduyan dikenîne. // Gloria van der Bilt
Bila dostanî jî mîna meyê bigihe. Û bila mey û dostanî her kevnar bin û xem taze. // pendek kevnar
Erkê rastîn dostî ew e ko bi te re be dema şaş bî. Jixwe dema rast bî hema her kes li gel te ye. // Mark Twain
Baştirîn dost – serekaniyadilxweşiya min li ziwastanê. // George Eliot (Mary Ann Evans)
Ti kes li vê dinyayê nagihe pîvana xwe ya temam ger bi kêmî kesek nebe wî fam bike. // Paul Tournier
Dostê xwe yê rast bi herdu destan bigire. // pendek norwecî
Dost mîna kelehek xurt û nehej in dijî belayên jiyanê. // Sydney Smith
Bi dostan re mirov dikare bê gotin jî suhbetê bike. Ya giring ne axivîn lê azadiya neaxivînê ye. // Margaret Lee Runbeck
Bihadartirîn diyariya hişmendiyê dostanî ye. // Epîkuros
Li gel dostan rêya dirêj jî kurt dixwiye. // pendek rusî
Dostên rast bi hev re li cudahiyan digerrin. // Abell Bonnard
Dostanî tek ben e ko dinyayê bi hev ve girê dide. // Woodrow Wilson
Di navbera dostan de ti tişt ne bidawî ye. // William Bryan
Li rojên halxweşiyê dost me dinasin, li rojên tengasiyê em dostan. // J. M. Barrie
Dostên min bi hezaran awayan sinordariyên min bo min kirine mafdarî û alîkariyî min kiriye ko bi rehetî li ber siyên xwe bimeşim. // Helen Keller
Dema pêrgî kesekî tê, bi cilan wî dinirxînî, lê dema jê vediqetî, bi dilî. // pendek rusî
Baştirîn têkiliyên dostanî xwe li ber dewsên dem û dewranan digirin. // Joseph Barry
Bi yê dost re dikarim resen bim, dikarin bi deng bipûnijim. // Ralph Waldo Emerson
Zimanê dostan ne tenê peyvên pûç in. // Henry David Thoreau
Em hemî nestêle ne hindî ji me bêt hezkirin, û ti kes ne bêkêr e ger dostek hebe. // Robert Louis Stevenson
Dost ne tenê di harmoniyê lê di melodiyê de jî dijîn. // Henry David Thoreau
Her dostek dinyaya xwe ye – dinyayek ko belkî berî hatina wî her nebû. Dîtina wî dinyayek nû diafirîne. // Anaïs Nin
Carine hevrê ji gihiştina binecihê giringtir e. // Frank Moore Colby
Dost dinyaya te ne – ca li kû bî jî. // William James
Dostên baş ji maliyetê giringtir in. // Pam Brown
Di dosta xwe de xwe-yek nû dibînim. // Isabel Norton
Yê dost di lehiya axivîna te digihe û dizane bersiva ya giring bide. // William Dean Howells
Dîtina dostek baş mîna hatina mal biewle ye. // Arnold R. // Beisser
Daristan wek gazî tê kirinê bersivê dide. // pendek fînlendî
Dostanî pirrcarî dike xweşiya jiyanê û nîvî dike xirabiya wê. Ew tek derman e dijî bextreşiyê. // Baltasar Gracian
Dostanî çi ye? Giyanek hevpar e di du bedenan de. // Aristoteles
Ken û hezkirina hevalan serî ji westînê distînin. // Hilaire Belloc
Divê dost jixwe-heyî yan bi tirraneyî neyên hesibandin çimkî ew bo jîndarmana me temetî xewê, xwarinê û bêndanê giring in. // Adelaide Bry
Dema dostanî rehan dide, ew mîna darekê ye ya ko bahoz nikare bêxe. // nenas
Em nehatine şandin vê dinyayê daku çavdêr bin lê daku em arî hev bikin. // Peter de Vries
Dema dost daxwaza alîkariyê dikin, nabe em li benda sibê bimînin. // George Herbert
Bawer im ko dê di dilî de bim tevî ko ne li ber çavan im jî. Dostaniya rast xwe li ber dûrî û bêpêjniyê jî digire. // Roberta Israeloff
Heval û hogir, dildar û dilber nirxê me yê resen dibînin. // Henry Alonzo Myers
Dost herî baş tê digihin ka jiyan bo me tê çi wateyê, li rojên xweş û yên xirab pabendî me ne. Wan xezeba tenêtiyê şkandiye. // Henry Alonzo Myers
Dost ew e yê tê dema hemî yên din revîne. // Alban Goodier
Ti rê bi dostan re ne dûr e. // Leo Tolstoy
Xem bi xwe têra xwe heye, lê xweşî bêyî dostan nabe. // Mark Twain
Baştirîn tiştê dikarim bo dostê xwe bikim ew e ko dostê wî bim. // Henry David Thoreau
Dema bêdengiya di navbera du mirovan de li xweşiya wan bêt, dostanî dest pê dike. // Dave Tyson Gentry
Armanca jiyanê ew e ko em jiyana hev asan bikin. // George Eliot (Mary Ann Evans)
Dostanî mîna felsefeyê û hunerê "bêkêr" e… Ew ne şertê saxmanê ye, pirrtir sedemê hindê ye ko mirov sax bimîne. // C. S. Lewis
Çivîkan hêlîn, tevnpîrkan tevn, mirovan dostanî. // William Blake
Wa dixwiye ko bextiyarî bo parvekirinê hatiye çêkirin. // Jean Racine
Dostanî meya jiyanê ye. // Edward Young
Dostaniya bêdaxwaz yek ji delaltirîn û kêmpeydatirîn aliyên jiyanê ye. // James Byrnes
Dostanî fêkiyek e ko hêdîka digihe. // Arîstoteles
Dostanî darek sîberdar e. // Samuel Taylor Coleridge
Yê dost ji te hez dike tevî ko her tiştê te dizane. // Elbert Hubbard
Dostanî, xemrevînek germ... bişirek di nav awirên tarî de, ronahî li tarîtiyê - aramî, ewlehî, keyf. // Percy Bysshe Shelley
Dikarî bêyî mirovan bî lê hewceyî dostekî yî. // pendek çînî
Hevkarî bi du tîpan tê nivîsîn: em. // G. // M. Verity
Ax çendî qenc in dostên dêrîn, mirov dikare bi wan re aqilsivik be jî. // Ralph Waldo Emerson
Min herdem di dostaniyê de nirx daye hindê ko ne hewce bûye ti tişt bêt şirovekirin. // Katherine Mansfield
Dema dost li dûr be, em zelal dibînim ka çi yê wî ji me re bihadar e. // Xelîl Cibran
Dostê min çawan bim wisan ji min hez dike. // Henry David Thoreau
Tarîtî li dûr dimîne ger hema dostek jî yê baş hebe. // Pam Brown
Xema parvekirî xema nîvîkirî ye. // Dorothy Sayers
Dostên dilsoz dilê te germ û nerm dikin. // Adelaide Bry
Yê bizane bersiva dostaniyê bide, bihadartirîn dost e. // Sofokles
Dema dildarê te li dinyayê be û sax û saxlem be, bêrîkirin jî biharatek çêjdar e bo jiyana te. // Winifred Holtby
Dostanî çi ye? Da bo te bêjim: bi yê dost re diwêrî xwe bi xwe bî. // Frank Crane
Dostên dêrîn baştirîn dost in. // Paşa herdem li pêlava xwe yên kevn dipirsî: xweştir li piyê wî dihat. // John Seldon
Ji ber ko tu sereguhiya min dikî û ez ya te... Me hev heye, û ti tiştek din ne xem e. // John Steinbeck
Noşî can be, dostê dêrîn. Hêvî dikim tu hezar salî bijî, û ez jiyana te binivîsim. // Robert Smith Surtees
Dostaniya bê ti sedeman peyda dibe tek dostaniya bihadar e. // Arthur Van Schendel
Dostanî afirandiyek e ko herdem ji xwe re li hogirekî digerre. // Plutarkhos
Dostanî hesîna bi wekheviyê ye. // Platon (Efleton)
Edetên hevpar xurttirîn benda dostaniyê ne. // Gaius Plinius Caesar Secundus
Di navbera du dostan de du peyv bes in. // pendek frensî
Dost ew mirov e yê dikarim jê re rastgo bim. // Ralph Waldo Emerson
Nikarî min di heman demê de ji xwe re bikî dost û nazdarker. // William Penn
Gazinan li dostê xwe bike ger ew şaş be lê wî nehêle. // Columbanus
Baştir e ew dost yê rexneya wî te baş dike ji wî yê serê te bi methan melhem dike. // Aurelius Augustinus
Herî zêde bi asanî em li wan şaşiyên dostên xwe diborin yên ti têkilî bi me bi xwe re nîne. // François de La Rochefoucauld
Şarezayî sirişt û rewiştên dostên xwe be lê ne rabe wan nefret bike. // Quintus Horatius Flaccus
Evîn çi ye? Du giyan in di bedenekê de bûne yek. Pa dostanî? Du beden in lê giyanek. // Joseph Roux
Bêyî dost tu mîna destê çepê yî bêyî destê rastê. // Salomo Ibn Gabirol
Dostanî evîn e bê çeng. // Lord George Gordon Byron
Dostanî giyanê giyanan e. // Lope Félix de Vega y Carpio
Ti kes ne amade ye bê dost bijî tevî ko ti tiştek din jê ne kêm ba jî. // Arîstoteles
Tenê Xwedê baştir e ji wî dostî yê ko bi rastî dost e. // Titus Maccius Plautus
Dostaniya qut bibe ti car dest bi hebûnê nekiriye jî. // Publilius Syris
Nirx bide dostaniya dirêj didome mîna meyê ya bi kevnbûnê xweştir dibe. // George Pettie
Dostaniya rast hêdîka şên dibe û bi ser nakeve ger reh nede wê ya ko ji herduyan re bihadar e. // Lord Chesterfield
Hevaltî tiştek pirr baş e. Hevaltî wisan diyar dibe ko ger pevçûnek çêbibe û çar kes dijî yekî bin, yê heval dê bêt alîkariya yê bi tenê. // parçeyek ji nivîsarek dibistaniyek 11-salî
Dost herdem hez dike û bira di tengasiyê de peyda dibe. // Mizgîn (Incîl)
Bê dostaniyê jiyan ne ti ye. // Marcus Tullius Cicero
Ne xweş e mirovî ti tişt hebe ger dostek nebe pê re parve bike. // Lucius Annæus Seneca
Dostaniya rastîn herherî ye. // Cicero
Ti kesî dostê xwe nehesibîne ta ko wek dost diyar nebe. // Publilius Syrus
Baştirîn awayê peydakirina dostaniyê nîşandana dostaniyê ye. // Baltasar Gracián
Piçek dostanî heye lê dost na. // Thomas Fuller
Dostên xwe hêdîka bibijêre; hê jî hêdîkatir dest ji wan berde. // Benjamin Franklin
Ji bîr neke ko alîkariyê bide nenasan jî: dostaniya bidestxistî ji paşatiyê jî bihadartir e. // Cato
Evîna bêsinor ji dostaniya bêkêmasî zêdetir peyda dibe. // Jean de La Bruyère
Bawer im ko seksuelîtî bingeha hemî dostaniyê ye. // Jean Cocteau
Gengaziya hezkirina ji yê xayin jixwe di biratiyê de ye û hema bêje şertê wê biratiyê ye. // Jean-Paul Sartre
Ma gotinek ji vê zêdetir mirovatiyê diherrimîne: di mijara pare dde dostanî bi dawî tê! // Jakob Bosshart
Dostanî tîrêjên biserkeftinê rontir dike û barê belayan siviktir dike. // Cicero
Divê em hemberî dostên xwe wisan bin wek ko em hêvî dikin ko dostên me hemberî me bin. // Arîstoteles
Bizanin ko yê dostê xwe dostê xelkê ye jî. // Lucius Annæus Seneca
Nan û meya xwe bi baştirîn dostê xwe re parve bike. // pendek spanî
Ger mirov bi tenê biêşe, dilê dostê xwe dihêle. // Jean de Rotrou
Ti çol ne hindî jiyana bêdost dijwar e. // Baltasar Gracián
Wey ew enerjî ya ko di navbera du mirovan de diherrike. // Alex Noble
Dostanî bi hindê bi dawî nayê ko tu ji ya xwe danayê û ez ji ya xwe. // pendek efrîqî
Li dinyayê pirr kêm dostanî heye, û herî kêm ew di navbera kesên hevnirx de heye. // Francis Bacon
Bo dostên rast her tişt hevpar e. // Eurîpîdes
Bo dostaniyê xurttir nînin ti bend ji planên hevpar û daxwazên hevbeş. // Cicero
Dostanî kamiltirîn şiklê têkiliyan e. // Michel de Montaigne
Dostaniyê pêdivî bi berdewam lêborîna gunehan heye. // William Blake
Dost ne tenê di belayan de pêdivî ne çimkî mirovê bextiyar hewceyî dostan e daku bextê xwe bi wan re parve bike. // Bertrand Russell
Hemî rûmeta vê dinyayê ne beramberî dostekî ye. // Voltaire
Çêj û tama meyê û dostaniyê xweş dibe dema ew pîr dibin. // Frans Mikael Franzén
Oy, çendî xweş e destê dostê dêrîn!
Henry Wadsworth Longfellow
Tenê di gihiştîbûna hiş û temenî de dostanî dikare bibe xweragir. // Cicero
Bextiyar e ew xanî yê di bin banî ve dostek dijî. // Ralph Waldo Emerson
Dostê te dost hene û dostên dostên te jî dost – lewre hişyar be. // Telmûd
Dost carine bi wateya xwe ve vale ye, dijmin qet na. // Victor Hugo
Dost ew e yê herdem pê dihese dema pêdivî pê hebe. // Jules Renard
Xwedê ne armanc bû em hemî zengîn yan mezin yan navdar bin lê Wî viya em hemî bi hev re heval bin. // Ralph Waldo Emerson
Evîn û dildarî
Rê bidin evînê. // Caludius Claudianus
Yê dilê wî ji evînê dijî, namire. Tişta ebedî li Pirtûka Mezin ya dinyayê hatiye nexşandin. // Hafizê Şîrazî
Ji evînê laleyê rengê xwe girt. Evînê nearamî xist giyanên me. Eger te bikariya dilê dinyayê vekî, xwîna evînê dê bi ser te de bixulxuliya. // Muhemmed Iqbal
Em hemû hest bi hêza dildariyê dikin: mirov, heywanên dirrinde, hemû cûn lawirên di deryayê de dijîn, ref û celeb, firrindeyên bi perr û baskên xweşreng. // Publius Vergilius Maro
Hindî bikarî hez bikî, hez bike. // Ferdinand Freiligrath
Evîn dikare her tiştî. // Publius Vergilius Maro
Yê hez dike, ditirse // pendek îtalî
Evîn herdem miştî tirsek bêaramî ye. // Publius Ovidius Naso
Evîn birrek ji bêntengiyê ye. // Ovidius Heroides
Jiyan tijî tirsonekiyê ye. // Geoffrey Chaucer
Yên evîndar jî ji ber wê sedemê distrin ya ko zarok jî ji ber wê difîtin dema di tarîtiyê de dimeşin. // August Strindberg
Tu dê fêr bibî ka evîn çi ye, ka çawan ew ji azarê dest pê dike, wek xem didome û bi mirinê bi dawî tê. Zewqek tijî kovandarî, şadiya bi xemgîniyê dagirtî; biheşt û doje, Yezdan û Şeytan. // John Lyly
Evîn tijî agir e û dîsan jî li ber sirrbûnê ye; evîn bi ser dikeve lê lêçûn jê zêdetir dibin; evîn nesax dibe lê qet namire; evîn rastî ye lê hertim amadeyî derewê ye. // Thomas Middleton
Dûkêl e evîn, wek mija axînan hildikeve. Dema zelal dibe, çav dibiriqin; dema şêlî dibe, tavilê deryayek rondikan peyda dike. // William Shakespeare
Evîn dijmin e, agir e, biheşt e, dojeh e ko tê de zewq, jan û poşmaniya kovandar pêlan didin. // Richard Barnfield
Evîn çend mezintir be, hind jandartir e. // John Florio
Eger evîn kul û kovan e, çawan jana wê wa nerm e? Û çima di wê nermiya xwe de dilê wê wa zalim e? Û çima em bêriya wê zilmê dikin? // nenas
Ji siberojê hez bikin eger hûn hest bi evînê dikin; ji siberojê hez bikin eger hûn ti jê nizanin jî. // nenas
Evîn û kîn ne kor in lê bi agirê ew hildigirin hatine teyisandin. // Friedrich Nietzsche
Bihîstyarî pirrî caran şênbûna evînê wa dilezîne ko reh û rîşên wê qels û lawaz dimînin û lew dikarin bi asanî bên hilkişandin. // Friedrich Nietzsche
Ka çawan gur ji mihan hez dike, wisan dildar jî ji dilbera xwe hez dike. // Platon
Ji bilî xewn û evînê ti rastî nînin. // Anna de Noailles
Evîna bêyî agir û tîrên vejenok êdî ne ti evîn e. // Michel de Montaigne
Evîn tenê daxwazek bêheq e hemberî wê ya ji me direve. // Montaigne
Evîn nikare, wek agir jî, hil û geş bimîne bêyî lebt û liva berdewam. Ew dê zû qut bibe eger dev ji hêvîkirin û tirsînê berbide. // François de La Rochefoucauld
Evîn ti carî bi mirina siriştî namire. Eger dimire çiku em nizanin çawan ava teze bînin kaniya wê, ew bi koretiyê, şaşîtiyê, xiyanetê dimire. Ew bi nesaxiyê, birînan û westînê dimire. Ew nesax dibe û pûç dibe lê ew bi mirina siriştî namire. Em hemû dikarin ji ber qetilkirina evîna xwe bên darizandin û cezakirin. // Anaïs Nin
Di evînê de tenê destpêk hene. // Germaine de Staël
Evînê wêrekî divê. // nenas
Evîn tinaziyan bi şermokiyê dike û bisteyî (wêrekî) divê. // Thomas Fuller
Yê xwe noqî evînê dike, ji yê xwe ji zinar diavêje, pirrtir poşman dibe. // Titus Maccius Plautus
Evîn - dilê nazik wê tavilê nas dike. // Dante Alighieri
Bi awirekê tenê agir di dilê wî de gurr bû. // Geoffrey Chaucer
Ti car berê wa evîn nekiribû lê bi awira pêş bûn dildar. // George Chapman
Bi dîtina pêşîn awir veguhastin. // William Shakespeare
Min dît û tavilê jê hez kir. // Edward Gibbon
Dîtinê viya, viyanê jê hez kir. // Sir Walter Scott
Ma evînek dî heye ji bilî evîna bi awira pêşîn. // Christopher Marlowe
Jixwe evîn agirê ruhanî ye. // Emanuel Swedenborg
Nîne hêz ji evînê xurttir. // Menandros
Ji evîna rastîn xurttir hêz nîne li ti derê. // Lucius Annaeus Seneca
Ti tişt wek evînê zû şên û nû nabe. // Seneca
Daxwaz û viyan giyanê dibaskînin kirinên mezin. // Johann Wolfgang von Goethe
Tişta nediyar evîn diyar dibe û ya diyar nediyar dike. // Ludovico Ariosto
Saxistan heye û mirîstan heye û di navbera wan de pirek heye, evîn. Ew tekane rêya saxmanê ye, tekane watedêr. // Thornton Wilder
Evîn pirskerek mezin e. // D. H. Lawrence
Tenê ji wê hez dikî, ya ne bi temamî xwediyê wê yî. // Marcel Proust
Tenê ya em bêriya wê dikin ya me ye. Ew ya em xwediyê wê ne, me êdî ji dest daye. // Adolf von Hornack
Belê ez hez dikim, hez dikim ji wê axê ya tu yî, tu ya stêra bê stêrek din li vê deşta gerrestêran. Gerdûn î tu, tu wê didî hevçerxandin û dorgerrandin. // Pablo Neruda
Evîna bêçare jî şans e. // Honoré de Balzac
Melankolî zewqek e ko xemgînî tîne. // Victor Hugo
Di evînê de her tişt xemgînî ye lê di xemgîniyê her tişta tu bêriya wê dikî heye. // Ramon de Campoamor
Xwezî min tam jî nekiriba vî tirî madem ev evîn wiha ji dest diçe. // Giambattista Guarini
Evîn firrindeyê Fenîks e û nikarî bixî xefik û davan. // Eraghi de Hamadan
Hezkirin ne evîn e. Mirov dikare hez bike û dîsan bikîn û binefret jî be. // Fyodor Dostoyevskî
Jiyana bê evîn nîşaneya şêtiyê ye. // John Lyly
Bi rastî najî eger bê evîn bijî. // Molière (Jean Baptiste Poquelin)
Çi dibêjî bibêje lê baştir e tu werî xapandin û bitenêhiştin ji ko evînê neceribînî. // William Congreve
Baştir e evîna te şaş bibe ji ko ti carî evîna xwe pêşkêşî kesî nekî. // George Crabbe
Bêguman evîna hişmendane ya herî baş e lê evîna bêterz jî ji bêevîniyê baştir e. // William Makepeace Thackeray
Çi li min bibe jî, ez dê her wiha bawer bikim, di nav kûrtirîn xemên xwe de jî wa hest dikim: baştir e ko min evîn kir û ew ji dest da ji wê ko bêevîn mabam. // Alfred Tennyson
Kî dixwaze, bila baş evînê bike, kî bikare bila aqilane bike lê hemû evînê bikin û xwe radestî wê bikin. // Joaquin Miller (Cincinnatus H. Miller)
Evîn tûjtirîn nîşaneya jînxwaziyê ye. // Thomas Wolfe
Êşa evînê tenê hingê dê te bikuje dema te jînhêz nemabe. // Margareta Navarra
Hez bike daku bijî ne tenê bijî daku hez bikî. // George Pettie
Ez jîme û min evîn kiriye. // Friedrich von Schiller
Li ciyê nikarî evînê bikî di ber re derbas bibe. // Eleonora Duse
Herdem mirov nikare evîndar be; dikare tenê bisoz be. // Guy de Maupassant
Bi salan re evîn mezin dibe di heman demê de ko nîşaneyên wê yên derveyî kêm dibin. // Johann Paul Richter (Jean Paul)
Hiş nikare dirêj rola dil bilîze. // François de La Rochefoucauld
Evîndar li cem hev bêzar nabin çiku ew her basa xwe dikin. // La Rochefoucauld
Ji nefretê jî xirabtir evîna qaşokî ye. // Gaius Plinius C. // Secundus
Di evînê de ew dibe serkêş yê kêmtir dildar e. // César Adolphe D'Houdetot
Em serdarên wan in yên ji me hez dikin, ji ber kêmasiyên wan. // Mme de Staël
Ew evîna bikare bêt pîvan, hejarok e. // William Shakespeare
Pîvana evînê ew e ko bêpîvan bêt hezkirin. // Aurelius Augustinus
Eger rêzgirî nebe, evîn dixetime. // Benjamin Disraeli
Evîn mîna şerefê ye ko eger carekê hat jidestdan êdî qet nayê vegerandin. // Aphra Behn
Evîn bênfire ye, evîn dilnerm e. Evîn ne hesûd e, ne qurre ye, ne pozbilind e, ne li berjewendiya xwe digere, ne neheqiya lê hatiye kirin bi bîr tîne lê kêfxweşiyê dike dema rastî bi ser dikeve. Evîn xwe li ber her tiştî radigire, di her tiştî de bibawer e, hêvîdar e. // Evîn qet wenda nabe. // Mizgîn (Incîl)
Bi pitpita gilî û gazinan evîn dimire. // Marlene Dietrich
Trajediya evînê bi navê xwe ne mirin e, ne jî cudabûn – lê sersarî. // W. Somerset Maugham
Evîn xweperestiya duqolî ye. // Stanislas de Boufflers
Evîn çi ye? Pêdiviya revîna ji xwe. // Charles Baudelaire
Mêr pêşî ji evîna xwe û paşî ji jinê hez dike. Jin pêşî ji mêr hez dike û taliyê ji evînê. // Rémy de Gourmont
Eger evîn şaşîtî be, bila rastî bidojihe. // Elsa Gress
Ma çi dikare evînê bisinorîne? // Publius Vergilius Maro
Ma tiştek heye ko evîn nikare xwe bigîniyê. // Marcus Valerius Martialis
Tê gotin ko evîn tixûban nanase lê jixwe tixûb in yên balkêş. // Jean-Luc Godard
Hezkirin ne ew e ko li çavên hev bêt fekirin; ew fekirina berev heman alî ve ye. // Antoine de Saint-Exupéry
Dema du kes li quncikekê li hev radipêçin û dihêlin jiyana di ber wan re bi xwişîn bibore – ew ne evîn e. // Märta Tikkanen
Evîn ti regez û qedexe û fermanan nanase; ew dixwaze, wek tekane pêşbaz, bi tenê û bi azadî li hemberî gerdûnê bilîze. // Vladimîr Mayakovskî
Evîn ne gula baxçe ye lê kûvî û azad e. // Ippolino Nievo
Fêrkirina evînê ne pêwîst e. // Sir Walter Raleigh
Kêmok e evîna wî yê bikare bi peyvan basa evîna xwe bike. // Franceso Petrarca
Li vê dinyayê evîn du dike ramanek hevpar. Eger ramanên evîndaran hev negirin, encam yeketiya bedenên mirî ne. // Bhartrihari
Di evînê de digihin hev xeyalên du mirovan, leşê du mirovan. // Sébastien-Roch Nicolas Chamfort
Ger li ser evînê biaxivî, hêdî biaxive. // William Shakepeare
Mezintirîn evîn bê axiftin e. // George Pettie
Evîna rastîn bêziman e. // John Lyly
Evîna rast li wî cihî ye yê peyvên evînî di bêdengiyê de difetisin. // Sir Philip Sidney
Bêwec e ji cihê pirr basa evînê têt kirin li wê digerî. // Edmund Spenser
Jin û mêr
Amerîka welatek azad e ko her mêrî maf heye wî tiştî bike yê ko jina wî dixwaze. // Ernest Hemingway
Bêhejmar zelamên jîr mil bi milê jinikên bêmejî ve tên dîtin, lê hema qet nayê dîtin ti zelamê bêhiş digel jinek jîr. // Clint Eastwood
Yên destpêker jî dikarin keçan nêçîr bikin. Lê bo veqetîna ji wan, kesên tecrûbehe lazim in. // Clark Gable
Ca kî dê tehemila wê jinê bike ya bê kêmasî be. // Juvenalis
Mirov nawelide jin, mirov dibe jin. // Simone de Beauvoir
Nizanim ka jin ji zelaman baştir in – lê baş dizanim ko ne ji wan xirabtir in. // Golda Meir
Jinan dem nîne ji bilî bi realîstî bi awayek din li tiştan binerin. // Agatha Christie
Guherrbar e herdem jin. // Vergilius Maro
Jin yan jê hez dike yan jî jê nefret dike; ti alternatîvên dî nînin. // Publilius Syrus
Tevgera azadiya jinan pûç û betal e. Jixwe zelam in yên zorlêbûyî. Zelam nikarin zarrokan biwelidînin. Û ne bawer im ko ti kes bikare di vê pirsgirêka wan de alîkariya wan bike. // Golda Meir
Pêdiviya her jinekê bi zelamekî heye daku wê bibîne. // Charles Chaplin
Jinên sar nînin lê hin zelam nejêhatî ne. // Francis Bacon
Şimikên qupikbilind wê jinê keşf kirin ya ko devê wê hatibû maçkirin. // Christopher Morley
Jin ji zelamên kêmaxiv hez dikin. Bawer dikin ko zelam guh didin wan. // Marcel Achard
Wê jinê, ya ko paşeroj hebe, pêşeroj nîne. // Oscar Wilde
Tek dema jin dixwaze salekê pîrtir be ew dem e ko zarrokekî dipê. // Mary Lombard
Pirranî zelam hemî zelaman hevalên xwe dihesibînin, pirranî jin hemî jinan dijberî xwe dibînin. // Jean de La Bruyère
Bextiyar jin ew e ya ji xwe napirse: Kîjan kiras li min spehîtirîn e dema ew bêt, lê ya dipirse: kîjan kiras herî kêm qurmiçî dixwiye dema ew biçe. // Eva Seaberg
Jin çi bikin jî, divê ducarî zelaman baş bikin daku hema nîvî zelaman baş bên hesibandin. Ya baş ew e ko qet ne dijwar e jin wisan bikin. // Charlotte Whitton
Ger jin bi rastî jî hind jîr in, çima ew cilên wisan li xwe dikin ko meyîk û bişkoşk li piştê ne. // Leonard Levinson
Ger jin cam jî bin, tê re nayê dîtin. // pendek rusî
Kî bibêje ko di jinan re dibîne, pirr ji dest dide. // Groucho Marx
Bo yê jinek baş hebe ti bela ne giran in. // pendek navneteweyî
Jin di evînê de ji pirraniya zelaman pêşvetir in lê di hevaltiyê de mêr li pêş in. // Jean de La Bruyère
Yê jinek bo xwe dît, wî bextiyarî dît. // Pîrozname
Rêya berev serkeftinê tijî jin e yên ko mêrên xwe pêşve def didin. // Thomas Dewar
Ger jinek bêkêmasî bixwazî, wa bihesibîne ko ew wa ye. // nenas
Divê tenê jinek wisan bo xwe bibijêrî ya ko te dê bo xwe wek heval bibijarta ger zelam ba. // Joseph Joubert
Ger bi jinek wisan re bizewicî ya ko zewqê ji xerckirina pare werdigire, ti çareyek dî nîne ji bilî wê ko divê xwe fêr zewqwergirtina ji qezenckirina pare wergirî. // Edgar Watson Howe
Baştir li çolê bijiyî, ne li ber destê jinek gazindo. // Pîrozname
Baştir e jina xwe ne bi çavan lê bi guhan bibijêrî. // pendek navneteweyî
Jin bo jêhezkirinê ne, ne bo jêfamkirinê. // Oscar Wilde
Bi zewacê jin azadiya xwe bi dest dixe, mêr azadiya xwe ji dest dide. // Immanuel Kant
Mal zindana keçan û kargeha jinan e. // George Bernard Shaw
Texmîna jinan ji piştrastiya mêran pirr sexbêrtir e. // Rudyard Kipling
Yê Xwedê wezîfeyekê bidiyê, dê bidiyê – eger ne hiş û aqil – jinekê. // Georg Christoph Lichtenberg
Psîkiyart kesek e ko bi bihayek giran wan pirsan ji te dike yên ko jina te belaş ji te dike. // Joey Adams
Gelek zelaman bi ser ketine bi xêra jina xwe ya pêşîn - û bi xêra jina xwe ya duyem. // Jim Backus
Cihê jinê nivistinxane ye. // Suzy Cartland
Jina min hê jî spehî ye. // Lê niha hê pirrtir dem divê. // Charles Chaplin
Jin dixwin dema dipeyivin, zelam dipeyivin dema dixwin. // Malcolm de Chazal
Xwedê yekem hoperlor ji binkefşê Adem çêkir. // Jack Carter
Jin bi rêgirtina nêzîkbûna zelaman dest pê dikin û bi gerrîna li reva wan bi dawî tînin. // Oscar Wilde
Mezintirîn cudahî di navbera jin û mêran de ew e ko zelam tiştan fam dikin, jin têkiliyên navbera wan tiştan. // John Fowles
Ti car dijî jinê nepeyive. Dema xwe demekê ragirî, ew dê bi xwe dijî xwe bipeyive. // Humprey Bogart
Divê yan hezkirina ji jinê yan famkirina ji wê bibijêrî. // Nicolas-Sébastien Chamfort
Pirrtir bala zelamê navincî dikişîne ew jin ya ko bala xwe dide wî ji wê jinê – çi jin be – ya ko lingên delal hene. // Marlene Dietrich
Jin bersinor in: yan ji mêran çêtir in yan xirabtir in. // Jean de La Bruyère
Zelam piştî çar piyaleyan mest dibe, jin piştî çar maçan. // Henry Louis Mencken
Çima jin deh salan tê dikoşe daku mêrê xwe biguherrîne û paşî gazinan dike ko mêr êdî ne ew mêr e yê ko ew li gel zewicîbû. // Barbra Streisand
Dema jin dimire, mêr nabe bîmêr lê dibe sêwî wek zarrokan. // pendek rusî
Ji ber ko ez zelam im, dikarim bibim pop (serokê dînî yê îsawiyên katolîk). // Miguel de Cervantes
Mêr taca mexlûqan e. // nenas
Hezar zelam dikarin bi sulh bijîn lê du jin jî nikarin. // Lukianos
Zelam piçekê lê pirr car dibe dildar - jin gelekê lê kêm car. // Madame de Baste
Ger mêran jî zarrok biwelidandina, dê her malê tenê zarrokek heba. // nenas
Ma hûn dixwazin zelaman fam bikin? Lêkolînan li jinan bikin. // Jean Jacques Rousseau
Xwedê zelam ji berî jinê afirand ji ber ko şîret bo afirandina zelamî nedixwestin. // Jack Carter
Pirrî car tiştên wisan tên keşfkirin yên ko jinan ji mêj dizanîn. // George Bernard Shaw
De bi kêmanî di tiştekî de jin û mêr hevbîr in: baweriya ti ji herduyan bi jinan nayê. // Henry Louis Mencken
Ca ez dê çi zelam bam ger ne ew zarrok bam yê ko bûm. // Albert Camus
Di her zelamî de zarrokek pênc-heşt-salî veşartî ye. // Paul Valéry
Mêr ew e yê te baştirîn salên xwe danê ji ber ko wî ew kirin baştirîn salên te. // D. C. J. Fison
Zewacê ji yekî pirrtir zelam berev seksê ajotine. // Peter de Vries
Bo jinê baştir e li gel wî zelamî bizewice yê ji wê hez dike, ne yê jin jê hez dike. // pendek erebî
Zelam li gel jinekê dizewice daku bela yên dî ji xwe veke û paşî nêçîra gelek yên dî dike daku ji bîr bike ko li gel yekê zewicî ye. // Helen Rowland
Bextiyar ew mêr e yê jinek heye dibêje ka divê çi bêt kirin û sekreterek heye ya wan karûbaran dike. // Lord Mancroft
Mêr ew e yê nikarî aciz bikî bêyî ko xwe jî aciz bikî. // D. // Watkins
Jin mêrên navincî dixwazin, û ta ji mêran tê wa dikin ko navincî bin. // Bertrand Russell
Mêr ew herdu pî ne yên du rojên şemî û yekşeman di bin tirimpêlê re tên dîtin. // Joy Bell
Ti mêrî li gor cilên wî nenirxîne, li gor yên jina wî binirxîne. // Thomas Dewar
Her mêr serwerê mala xwe ye – ta ko mêvan diçin. // nenas
Jinên nûjen her tiştî fam dikin, ji bilî mêrê xwe. // Oscar Wilde
Zelamê nezewicî belkî bêaqil be bêyî ko bizane, yê zewicî qet ti car. // Henry Louis Mencken
Nabe mêr ti car pêşîn binive yan dawîn şiyar bibe. // Honoré de Balzac
Mêr ew e yê ko dixwazî tu ji berî wî bimirî – daku bêyî wî nejiyî. // M. Larter
Rehm û dilovanî ji malê dest pê dike. // Terentius
Cihê hişmendek lê hebe, du bextiyar jî lê ne. // pendek elmanî
Bi xirabî li kesûkarên xwe nepûnije ger bawerî li nik te hebe. Gengeşe û şerrenîxê li gel wî neke yê xirabî li te nekiribe. // Pîrozname
Bextxweşî û bextreşî tenê di çavên zarrokan re dikare bêt dîtin. // Robert Kennedy
Herhal em dê bi zewacê tenê wan tiştan werbigirin yên me dane. // Honoré de Balzac
Ti kes hind kedê bo malê xwe nade hindî yê li gel malî zewiciye. // Frank Hubbard
Bo evînê bes e ko mirov hevberê xwe dilxweş bike. Bo ko di zewacê de bextiyar bî, divê ji kêmasiyên hevbera xwe jî hez bikî yan jî bielimî wan. // Nicolas-Sébastien Chamfort
Zewac bi sê parên xwe evîn e û bi heft parên xwe lêborîn e. // Langdon Mitchell
Zewaca bextiyarane peymana navbera du kesên efûker e. // Ruth Bell Graham
Zelam xaniyan ava dikin, jin malan. // nenas
Gerr û geştên zewacê komedî ne li ser irf û edetên me. Mirov dizewicin daku malekê bo xwe ava bikin lê tişta ew herî pêşîn dikin ew e ko ji mal direvin. // Paul Morand
Jinikê got ko mêrê wê şeva dawetê tiştek wisan pêşniya kir ko birayê wê jî dê newêrîba pêşniya bikira. // James Thurber
Gengeşe sulhê şirîntir dike. // Publius Syrus
Cihê zewaca bêevîn lê hebe, dê evîna bêzewac bêtê. // Benjamin Franklin
Hêza zelaman bûye sedema hin encamên bextreşane. Wan têkiliyên mirovên nêzî hev kirine têkiliyên axa û xulaman. // Bertrand Russell
Evîn ji zewacê xweştir e ji ber ko roman ji dîrokê xweştir in. // Nicolas-Sébastien Chamfort
Divê mirov herdem dildar be. Lew divê mirov qet nezewice. // Oscar Wilde
Tirsa ji bêkesî ji tirsa hatingirêdanê mezintir e lew em dizewicin. // Cyril Connolly
Mirov ne berpirs in ji zewacên têk diçin. Zewac bi xwe heyînek xirab e. // Simone de Beauvoir
Tu dizanî zewac çi ye? Ew e ko jin ji mêrî daxwaz dike ko derpiyê xwe ji xwe bike – daku jin bişo. // Ria Wägner
Zewac hin sinoran datîne ber takekesan û wisan piştrastiyê dide tevahiyê. // Friedrich Hebbel
Nîne ti mêr yê ko tehemil bike ko ew jin, ya ko di xaniyê wî ve dijî, di nav nivînên wî re dinive, ji wî jîrtir e. // Pearl S. // Buck
Carinan baştir e di gengeşeyê de têk biçî, ne bi ser bikevî. // Billie Holiday
Ma dixwazî di hunera gengeşeyê de xwe pêş bixî? Bizewice! // Otto Weiss
Ti car li gel jinê gengeşeyê neke ger ew e westiyayî be – yan bênvedayî be. // H. F. Diefenbach
Di hemî dîroka dinyayê de ti zelam fêr nebûne ko li gel ti jinê bijî. Lê tişta seyr û sosret ew e ko ti zelam bêjin jî nejiyaye. // Lin Jutang
Yê jinek spehî, dîwar li tixûbê zeviyê û gelek rez hebin, şerr ji jiyana wî kêm nabin. // pendek spanî
Ew zewac baş e ya ko bi roj tê jibîrkirin ko jin û mêr evîndar in, û bi şev jî tê jibîrkirin ko herdu jin û mêrên hev in. // Jean Rostand
Tevî ko ev 30 sal in ko ez lêkolînan li ser jinan dikim, min hê jî nikare bersiva vê pirsê bidim: "Jin çi dixwaze?" // Sigmund Freud
Di pergala îroyîn de jin her pare ji mêran û mêr her derxwiyangê ji jinan dixwazin. // Esther Gable
Her tişt gengaz e bo zelamî yê ko ne hewce ye ti bike. // Earl Wilson
Tecrûbe ew e ya ji ber dimîne dema min navê wê jinê ji bîr kiribe. // John Barrymore
Hemî mêrên bi rastî mezin dihêlin ko afirandiyek biçûk stemê lê bike. // Honoré de Balzac
Mêr heye, jin dike. // pendek efrîqî
Peyv mê ne, gotin nêr in. // Gabriel Maurier
Ti zelamî ti zelam nedîtiye ko amade be li gel bizewice ger jin ba. // George Gibbs
Yên bêjin ji yên bijin di biwarê jinan de şarezatir in. Ger ne wa ba, ew jî dê zewicîban. // Henry Loius Mencken
Zelam wê dibêje ya dizane, jin wê dibêje ya dilan xweş dike. // Jean-Jacques Rousseau
Camêrê resen rastiya rûs nabêje ger jin guhdar bin. // Mark Twain
Zelam camêr ew e ko jinê ji her tiştî biparêze – ji bilî ji xwe camêrî. // Ernest Hemingway
Kar û xebat
Tu tê bikoşe karê xwe bike, li kêmasiyên te dê bêt borîn. // Thomas Jefferson
Jiyan bêyî xebat û xwewestandinê ti nade mirovî. // Quintus Horatius Flaccus
Ti dostek wek zîrekiyê baş nîne. Dostaniya xwe li gel zîrekiyê xurt bike, dê qet bêxwedî nemînî. // Bhartrihari
Ti kar ne dijwar e ger bixwazî bikî. // Eusebius Hieronymus
Tenê bi rêya kar dikarî dinyayê wek mala xwe hest bikî. // Berthold Auerbach
Kes ji karî bi xwe hez nake. // Samuel Johnson
Ger zanîna xwe necerribînî, nikarî li bîra xwe bihêlî. // Gaius Plinius Caesar Secundus
Mirov dikare rojê heşt seetan vexwe yan navnivîniyê jî bike lê tek tiştê mirovî berhev bihêle kar e. // William Faulkner
Yê tembel herdem biniyet e bike. // pendek fînlendî
Yê birsî nikare, yê têr naxwaze. // pendek fînlendî
Yê dîn xwe bi karê xelkê ve dikuje. // pendek fînlendî
Paleyê te bi karê pê didî kirin ve dibetile lê bê westan hemî şolên xwe bi xwe dike. // Ugobardus Sulmonensis
Her kes dixebite: belengaz bo debara xwe, zengîn bo parastina malê xwe. // Torriano Piazza Universale
Mirov heywanek e ko amûran bi kar tîne. // Thomas Carlyle
Ma çima li rehetiyê digerrî madem bo karkirinê hatiyî çêkirin. // Thomas à Kempis
Bila xelk bikêlin, em binivin. // pendek fînlendî
Ji karê hinan hinên dî mifa werdigirin. // Aysopos
Her kes li gor hinêra xwe, bo her kesî li gor pêdiviyên wî. // Karl Marx
Nîşana koletiyê ye ger te jî bihayê xwe hebe û bi wî bihayî bikarî werî kirrîn. // John Ruskin
Nefsa yê tembel her dixwaze bêyî ko ti bi dest bikeve lê canê yên zîrek tê têrkirin. // Pendnameya Pirtûka Pîroz
Mîna baweriyê, baldirêjî û çalakî jî çiyayan dihejînin. // William Penn
Dema mirov ti neke, dê fêrî xirabiyê bibe. // Catoyê mezin
Destpêk giringtirîn pişka karî ye. // Efleton (Platon)
Ji berê ve tê zanîn ko bo bênvedanê ew jî bes e ko dest bi xebatek nû bikî. // Lewis Morris
Hinêrek hêja ye fêrbûna bênvedana bi guhertina karekî bi yek din. // Matti Kuusi
Destpêk çawan be, dawî dê wisan be. // Hieronymus
Kar bi xwe bikirê xwe kêfxweş dike. // Martialis
Yê kar dike, duayan dike. // Augustinus
Nan ne bi xwarinê lê bi xwestinê xilas dibe. // pendek fînlendî
Yê pirr hez dike, pirr dixebite. // Thomas à Kempis
Mirov bi her tiştî dikerrixe ji bilî karî. // Gaston de Léwis
Ger te niyet e bixebitî, aniha bixebite. // Plautus
Dê belengaz bibe ew yê destên xwe bi tembelî bi kar tîne lê destê yên zîrek zengîniyê peyda dikin. // Pendnameya Pirtûka Pîroz
Kar û duayan bike. // Benedictusê Nursiyayî
Kevirekî rake, dê min bibînî. // Darekê bişeqîne, ez ê tê de bim. // Hz. // Îsa
Ji berhemên wan hûn wan dinasin. // Mizgîn (Incîl)
Mirovî parçeyek ji dilê xwe daye her tiştî yê ko xebat bo kiriye. // Henryk Sienkiewiecz
Armanca min ew e ko karê xwe bikim zewq û paşî zewqê bi karê xwe bikim. // Aaron Burr
Dema kar dî be, jiyan şahî ye.
Dema kar kotekî be, jiyan koletî ye. // Maksîm Gorkî
Bi rêya kar mirovî xwe pabendî bi kêmî pişkek rastiya jiyanê dike: têkiliyên navbera mirovan. // Sigmund Freud
Berê halxweştirîn ew welat bûn yên ko sirişt lê herî merd bû, niha ew welat in yên mirov lê herî destbikar in. // Henry Thomas Buckle
Her tişt wa ne wek tu dikî. // Plautus
Her tişt, yê ko baş e bêt kirin, baş e ko baş bêt kirin. // Adolphe Monod
Tişta bênvedan bo nebe xwe ranagire. // Ovidius
Yê bixwaze karên mezin pêk bîne, divê kûr li kitekitan bipûnije. // Paul Valéry
Yê nizane dema xwe ya betaliyê baş bi kar bîne, di karê xwe de jî zêdetir dite'ibe. // Ennius
Her xurttir bawer im ko tembelî sedema nebûna aşopan e. // Marcel Jouhandeau
Hemberî bindarên xwe wisan be wek ko dixwazî serdarê te hemberî te be. // Seneca
Ji karî direvim tevî ko xelk bike jî. // Mark Twain
Xwedê di xew diçe ger mirov destên xwe betal berdin. // Miguel de Unamuno
Mirov nizane ka dikare çi bike ta ger necerribîne. // pendek navneteweyî
Kurrê herî biçûk neçar e kemana herî mezin hilgire. // pendek inglîzî
Hemî tiştê xweş bi xwe bike, yê ne xweş bi xelkê bide kirin. // Baltasar Gracián
Divê dest biavêjim xebatê da ji bêhêvîtiyê hişk nebim. // Alfred Tennyson
Kar baştirîn yarê min e. Lê ne yekmejiyî me. // Eva Ralf
Xebat yek ji şêweyên hêrsbûnê ye. // Don Herold
Hişyar be li her xebatê ya hewceyî hin cilên nû be. // Henry David Thoreau
Tişta em dikin qet nayê famkirin, tenê tê spaskirin û lomekirin. // Friedrich Nietzsche
Bi zor li dinyayê ti tişt hebe ko kesek din nikare nebaştir çêke û piçekî erzantir bifiroşe. // John Ruskin
Evîn li ber zîrekiyê nerm dibe. Ger nexwazî evînê bikî, xebatê bike, dê wa parastî bî. // Ovidius
Karê bo karî dij-siriştî ye. // John Locke
Ka ez ji te re bibêjim ko nekirina ti tiştî dijwartirîn tişt e li vê dinyayê, dijwartirîn û jîrdartirîn. // Oscar Wilde
Qet bo sibê nehêle wî karî yê ko dikarî dusibê jî bikî. // Mark Twain
Ti erk ne hindî erkê dilşadbûnê ne kêmnirxdayî ne. // Robert Louis Stevenson
Her kes bepirsiyarî her tiştî ye yê ko li dinyayê diqewime. // Fyodor Dostoyevskî
Hemî hêz erk e. // Victor Hugo
Ger mirovî mafê gelekê hebe, divê bi piçekê razî be. // Seneca
Ger jiyana xwe bigirî destê xwe, dê tiştek kembax biqewime: êdî nikarî her tiştî bikî binasên xelkê. // Erica Jong
Tirsa ji berpirsiyariyê nisaxiyek serdema me ye. // Otto von Bismarck
Erk ew e ya mirov dipê ko divê xelk bike, ne mirov bi xwe. // Oscar Wilde
Ez tenê mirovek im lê dîsan jî tiştek im.
Nikarim her tiştî bikim lê dikarim tiştekî bikim.
Ya ji min tê texsîriyê nakim. // Helen Keller
Gelo çi ye erkê te? Ya roj ji te dixwaze. // Johann Wolfgang von Goethe
Barê dilxwazî ne giran e. // pendek îtalî
Kar jiyanê şirîn dike. // pendek elmanî
Jê daxwaz bike bila piçekê raweste – ez ê aniha karê xwe temam bikim. // Carl Friedrich Gauss (dema peyam digihiyê ko jina wî li ber mirinê ye)
Divê em bûstanê xwe bikêlin. // François Marie Arouet Voltaire
Ji bêemeliyê asin dibe jengarî, ava genî pakiya xwe winda dike û seqa li ber sarmayê diqerrise. Wisan betalî jî şerbeta jiyanê tal dike. // Leonardo da Vinci
Ti tişt wek wê asan nîne lê ew dijwar dibe dema bêdilî xwe wê dikî. // Publius Terentius Afer
Hemî karên bimeaş mejî dimêjin û bêqîmet dikin. // Arîstoteles
Çiqas pirrtir bixwazim tiştekî bikim, kêmtir wî tiştî kar dihesibînim. // Richard Bach
Pirr plan tenê pêşbîniyên nebisexbêr in. // Ben Bayol
Bikoşe bêna xwe fire bikî û ji krîzê zewq wergirî. // Yogi Berra
Derencam zêde hatiye nirxbilindkirin. Dersa rastîn mirov ji wê têkoşînê digire ya ko di navbera xewn û rastiyê de cih digire. Ew têkoşîn tiştek e ko jê re jiyan tê gotin. // Garth Brooks
Ti kes nabîne ko hin mirov enerjiyek bêqam xerc dikin tenê daku bibin normal. // Albert Camus
Yê dixwaze karê xwe bikemilîne, divê pêşî amûra xwe bihesû. // Konfuçe
Ger têkoşîn nebe, pêşketin nabe. // Frederick Douglas
Dahîtî yek ji sedê ji Xudê ye û not-û-neh ji sedê ji xuhê ye. // Thomas Alva Edison
Dema tevnên tevnpîrkan bigihin hev, dikarin şêran jî pê girê din. // pendek hebeşistanî
Xwedê gûzan dide lê wan naşkîne. // pendek elmanî
Yê dixwaze lê naxebite, belayê peyda dike. // William Blake
Bela jî tenê derfetek e. // Henry J. // Kaiser
Mêrê berev herrikê ve melevaniyan dike, hêza herrikê dizane. // Woodrow Wilson
Bar hevberî hêza hespî ye. // Telmûd
Ne her tiştê hez jê dikî bike, her tiştê dikî hez jê bike. // Nenas
Ger bi karê xwe pareyan peyda nekî jî lê ji karê dikî hez bikî, tu biserkeftî yî. // Nenas
Teyrikê zû-şiyar kirmikî digire. // Nenas
Her kes dixwaze dinyayê biparêze; ti kes naxwaze alîkariya dayikê bike daku xwarinê amade bike. // P. J. O'Rourke
Diyarî digihin wî yê xeyalan dixebitîne. // William Benton
Gelek kesên jiyana bazirganî didin pey vê rêbazê: ne rêbaz lê pare. // Mardy Grothe
Tek cudahiya di navbera mirovê pîşekar û mirovê bazirgan de ew e ko bo mirovê pîşekar bidestxistina pare tiştek tesadifî ye, bo yê bazirgan bingeha bûneweriyê ye. // Frank Lloyd Wright
Ti kesî li nav nivînên mirinê negotiye: "Xwezî min zêdetir dem li daîreyê biboranda." //Paul Tsongas
Yek ji nîşanên nêzbûna li peqîna demarên mejî ew e ko mirov bawer bike ko karê mirovî pirr giring e. // Betrand Arthur William Russell
Tişta ecêb ne ew e ko em vî karî dikin lê ew e ko em pê kêfxweş in. // Dayik Teresa
Tek cihê lê biserkeftin ji berî karî ye ferheng e. // Donald Kendall
Ji wî cahiltir mirov nîne yê ko pirraniya jiyana xwe bo debarkirina jiyara xwe dide. // Henry David Thoreau
Zîrekî êşek e ya ko ciwan û cahilan digire. // Ambrose Bierce
Pêşî dest bi ya pêwîst bike paşî bi ya gengaz, dê taliyê bibînî ko ya negengaz dikî. // Nenas
Pispor kesek wisan e ko her zêdetir tiştî li ser kêmtir tiştan dizane ta ko dawiyê her tiştî li ser ne-ti-tiştî dizane. // Nenas
Leşê sax pêdivî bi xwewestandinê nîne û yê nesax jî nikare ti bike. // Nenas
Ger kêlîka dawiyê neba, ti tişt nedihat kirin. // Nenas
Kesê şaşiyan neke, ti din jî nake. // nenas
Kesê ti neke, şaşiyan jî nake. // nenas
Yê bêaqil pirr dixebite, yê hişmend planan dike. // nenas
Ji her têkçûnê mirov ji hemî biserkeftinan zêdetir fêr dibe. // nenas
Ger masiyekî bidî min, ez dê rojekê têr bim. Ger min hînî masîgiriyê bikî, ez dê xwe xwedî bikim. // nenas
Ger tiştekî îro û sibê nekî, dusibê jî neke. // nenas
Ger dema ji kar vedigerrî ji dema ji mal bi rê ketî kêmtir enerjîdar bî, tu tawanbarî gunehek mezin î: diziya malê dikî. // Jagdish Parikh
Ahengî tenê serûberiyek berdemî ye hemberî tevliheviya jênagerr û bivê-nevê. // nenas
Her tişta gengaz di cih de tê kirin lê bo kirina tişta negengaz piçek dem divê. // nenas
Dinivîsim ji ber ko ne mecbûr im. // nenas
Xebata zêde ti car ti kes nekuştiye lê ma çima ez rabim xwe lê ma çima rabim xwe bicerribînim. // Ronald Reagan
Dema bo xelkê demek dirêj divê daku ew pirsgirêkekê çare bikin, ew hêdî ne. Dema bo me demek dirêj divê daku em pirsgirêkekê çare bikin, em bisexbêr in. // nenas
Dema tiştek hatibe xirabkirin, bi sererastkirinê ew zêdetir tê xirabkirin. // nenas
Ma çima li biserkeftinekê rabiwestî madem dikarî wê jî bi cerribandinek nû têk bibî. // nenas
Tişta bi xwe bikarî îro bikî, sibê bi xelkê bide kirin. // nenas
Tiştek pirr zewqdar e ti tiştî nekî dema ji her gavê bileztir î. // Salvador Dalí
Pirr kêm tişt hene ko ji dil wiha bibêjim: vê dikim ji ber ko hez dikim. // nenas
Proje armancek e ko yên nekar tê dikoşin yên nexwaz negengaziyan bikin. // nenas
Mal bi hinêrê tê parastin, ne bi garranek mirovan. // pendek fînlendî
Mêr bi karê xwe tê spaskirin, ne bi gotinên berz û bilind. // pendek navneteweyî
Teyrikê zû-şiyar kirmikan digire lê mişkê dûhatî penîrî peyda dike. // nenas
Cerribandin yekem gav e ber bi têkçûnê. // Homer Simpson
Ne hewce ye ko evîndarê karê xwe bî. Xwefiroşî jî bes e. // Serdarê karên xwe be, dinya dê li dûv te were. // pendek latînî
Tamîr neke ger neşkestibe. // pendek latînî
Her peledînek jîrik dikare her tiştî mezintir, dijwartir û tundtir bike. Pêdivî bi destê bilîmetek î – û pirr wêrekiyê heye – daku tişt ber bi hêla durist ve biçin. // Albert Einstein
Aborînas bi jimaran ve mijûl in lê wan kesatî nîne ko bibin hesabgir. // nenas
Ez ji fêrbûnê hez dikim lê hatinfêrkirinê nefret dikim. // Winston Churcill
Ger du mirov mîna hev biramin, yek ji wan nepêdivî ye. // Ray Krock
Asteng min ranawestînin. Her asteng min zêdetir ber bi rêya min ya rast ve dibe. // Leonardo da Vinci
Ti tiştek ne wek teoriyek baş pratîkî ye. // Franci Galton
Yên xwedî zanîn, pêşbîniyan nakin. Yên pêşbîniyan dikin, nizanin. // Laotse
Tu erkê xwe bi cih bîne, ya mayî bispêre xwedayan. // Pierre Corneille
Em ji dûr li gihiştina ser rêya erkan digerrin tevî ko em dikarin serê rêkê tam li nêzî xwe jî bibînin. // Meng-Tsu
Erkê xwe yê nêzîk baş bi cih bîne. // Pittakos
Erkê xwe yê nêzîk bi cih bîne. // Thomas Carlyle
Teqwatî ew e ko ji Mesîhî bawer bikî û erkên xwe bi cih bînî tam di wî karê jiyanê de yê ko Xwedê tu vexwendiyê. // Martin Luther
Bicihanîna erkan ew e ya em ji xelkê dipên. // Oscar Wilde
Ew erkê min e û herwiha wisan dixwazim jî. // Sir William Schwenck Gilbert
Em pê dihesin ko du hez me ji hev radikêşin: erk û daxwaz. Vê serdemê daxwaz li pêş erkî dimeşe û rêberiya me dike ber bi qeyranek sincî ve. // Émile Durkheim
Min erkê xwe kiriye, qet ne tiştek zêdetir. // Henry Fielding
Ev gorra Henry Lawrence e yê ko tê koşî erkên xwe bi cih bîne. // (Li ser gorra Sir Henry Montgomery Lawrence)
Niha razî me: Spas bo Xwedê, min erkên xwe bi cih anîne! // Horatio Nelson
Keyf û zewq
Bixwe, vexwe û ji kêf û henekên evînê zewqê bistîne; ti dî ne nirxdarî ti tiştî ye. // Sardanapalus (paşayê dawîn yê Asûryayê)
Yê hişmend fêkiyê zewqê berhev dike, û bi taybetî bi sê tiştan ew jiyana xwe geş dike: bi xwarinê, vexwarinê û evînê.// Alexis (300 bz)
Rake û bixwe, rake û vexwe çiku dinyaya em lê dijîn mîna dawet û dîlanekê ye ko dê zû biqede. // Erubin (450 bz)
Ew dixwin, ew vedixwin, ew direqisin û distrin. // Geoffrey Chaucer
Nîne rengîntir zewq ji ramanê. // Jorge Luis Borges
Her kes dikare bixwe û vexwe lê kêm kes dikarin çêj û taman ji hev bikin. // Konfuçe
Ma ez dê çawan bikarim tê bigihim ka başî çi ye ger min tam nekiribe delaltirîn dirûvên biharatan, evînê û bedewiyê. // Epikuros
Pirrtir bifikire li hindê ka dê digel kê bixwî û vexwî, ne ka dê çi bixwî û vexwî. // Epikuros
Wî pesna lîsteya xwarinan da dema ez vexwendim. // - Lo, ez wa pirr nirx nadim hindê ka lîsteya xwarinan çawan e hindî ka lîsteya yên dixwin çawan e. // Jonathan Swift
Ew keşîşên han ne dixwin daku bijîn lê dijîn daku bixwin. // ’’François Rabelais
Xelk dijîn daku bixwin lê ez dixwim daku bijîm. // Sokrates
Em dixwin daku em bijîn û her pesna Yezdan bidin, lê dil dike ko em bijîn tenê daku em bixwin. // Se'diyê Şîrazî
Cejn ji civatê çêdibe. // pendek inglîzan
Zewq bi xwe tiştek baş e, tek tişta baş e. // Jeremy Bentham
Bawer dikim ko dinya bo min hatiye çêkirin, ne ez bo dinyayê. // Lew min bo xwe kiriye pend ko her cûn kêf û zewqê li dinyayê bikim û bihêlim pêşeroj çi bi xwe re bîne bila bîne. // Tobias Smollet
Çend pirrtir lê biçe, hind pirrtir bizewq e. // Decimus Junius Juvénalis
Ya te bihadartir standibe, dilnermtir jê hez dikî. // Guillaume De Lorris
Dilbertirîn tişt bo me ew e ya ko li ser me bihagiran sekiniye. // Michel de Montaigne
Em herî zêde nirx didin tiştên bi dijwarî tên peydakirin. // Thomas Adams
Tişta bi erzanî bi dest me bikeve, em nizanin nirxê wê bidinê; tenê giraniya tiştan nirx dide wan. // Thomas Paine
Rojekê jî bê zewq neborîne!// nenas
Ji bilî zewqa wan, ti tişt ne xema kesekî ye. // Publius Ovidius Naso
Zewqa herî ewledar herî kêm tê nirxdan. // Publius Ovidius Naso
Pirr zewqdartir e fêkî ji daran bêt kirin li şûna di sêniyê de bêt raberkirin. // Publius Ovidius Naso
Mirov herdem amade ne ji skandalan bawer bikin. // Publius Ovidius Naso
Coşdartirîn zewq ya gîrokirî ye. // Publius Ovidius Naso
Ger nikarî serkêşiya xwe bikî, nikarî zewqê jî ji xwe bistînî. // Benjamin Whichcote
Zewq e em wan tiştan bikin yên ko xelk bawer nake ko em dikarin bikin. // Walter Bagehot
Ger zewq bibe mijûliyek berdewam, ew êdî namîne zewq. // Thomas Chandler Haliburton
Ger bikarî zewqê û mifayê bikî yek, hemû para te ye. // Quintus Horatius Flaccus
Muzîk dermanek şirîn e bo derdan. // Quintus Horatius Flaccus
Gîroyî ruxîner e bo wan yên ko bo tiştekî amade ne jî. // Marcus Annaeus Lucanus
Derengkarî herdem ziyanê digihîne wî yê xwe amade kiriye. // Dante Alighieri
Hêdîka bilezîne. // Caesar Augustus (Gaius Octavius)
Yê lezok ne hişmend e. // pendek çîniyan
Ji bahozê hez dikim û ji bayê hêwir ditirsim. // Qiralîçe Kristîna (1626 - 1689)
Belê, mirov dikarin ji xirabiyên wan bên filitandin ger ew zewqê ji wan xirabiyan nestînin. // Qiralîçe Kristîna
Hez û azwerî xwêya jiyanê ne. // Qiralîçe Kristîna
Bilezettirîn tişt ew e ko zewqê bo xelkê peyda bikî. // Jean de La Bruyére
Mirov lawirek xwarinçêker e. // James Boswell
Em her tiştî zêde disefînin û disinifînin bêyî ko têr zewqê jê bistînin. // Kazuko Okakura
Baştir biryar nîne ji wê ko dest ji lez û bezê berdî. // Henry David Thoreau
Yezdan afirandin erd û esman lê ti basa lez û bezê nekir. // pendek fînlendiyan
Perwerdekirin ji qedexekirinê dest pê dike. // Leo Baeck
Mereqdarî bo mirovan gunehkariyek xwezayî û xweristî ye. // Michel de Montaigne
Me ti zewq yan qencî nîne ko piçek xirabî têkilî nebûbe. // Michel de Montaigne
Hesûdî mereqdariyê diafirîne. // Molière
Fêkî şirîn e dema baxçevan ne hazir e. // Plutarkhos
Rê fire û rastgeh e lê mirov ji varêyan hez dikin. // Laotse (500 bz)
Dijwarî çend xurt be, dijberî hind bihêztir dibe. // Jean de La Fontaine
Yê bi rêyê bimeşe koleyê rê ye. // Tenê yê bi serê xwe digerre azad e. // Aaro Hellaakoski
Gunehê xwe çend kûrtir gihandibe, hind şirîntir e. // William Congreve
Agir jî ji razan asantir e bo ko mirov di devê xwe de bigire. // Caius Petronius Arbiter
Heza xwepesndana bi hindê ko razek bi me hatiye spartin mezintirîn talûke ye bo ko ew raz bêt diyarkirin. // Samuel Johnson
Herî zêde ew kes ji razan hez dikin yên ko ti niyet nîne ko wan li nik xwe biparêzin. // Charles Caleb Colton
Stran dilhebîntirîn zewqa mirovan e. // Musaios
Tevî ko du mirov nizanin bi hev re bipeyivin jî, ew dikarin herdem bi hev re bistirin. // pendek elmanî
Muzîk tek zimanê hevpar yê hemû dinyayê ye. // Samuel Rogers
Peyvên nerm, yên bêwate stranan diafirînin. // Edmund Waller
Ji perwerdekaran ya herî baş muzîk e. // Awaz û aheng rêya xwe berev kûrgehên herî nehînî yên giyanan jî dibînin. // Platon (Efletûn)
Muzîk evînek e ko li peyvên xwe digerre. // Sidney Lanier
Ger dengê stranbêj vemire, dê vemire jiyan jî çiku ma çi ye jiyan ji bilî stranekê. Ger dengê stranbêj vemire, dê vemire hêvî, ronahî û şadî. // Horacio Guarani
Muzîk berztirîn qenciya mirbaran naskirî ye; tenê bi wê em dikarin hest bi Yezdan bikin. // Joseph Addison
Ma ne ol, evîn û muzîk hemû tiştekî diyar dikin: armanca berfirebûna dilê gewer // Honoré de Balzac
Rîsk tamê didin jiyanê. // Alexander Smith
Di talûkeyan de bijî! Xaniyê xwe li betena Vesuvius ava bike! // Friedrich Nietzsche
Tamdartir e ew fêkî yê peyda dikî bi ketina di çendîn talûkeyiyan de. // François Rabelais
Zewqdartirîn tişt ew e ko basa wan belayan bêt kirin yên ko mirov jê filitiye. // Euripides
Tenê canê azad bi ebedî xort dimîne! // Johann Paul Richter (Jean Paul)
Tam hingê mirov azad e dema hêvî dike azad be. // Voltaire
Yê fêrî jiyana deryayî bibe, êdî nagunce jiyana bejayî. // Samuel Johnson
Deryaya henûn jî hindî ya pêldar kûr. // John Donne
Tenê derya kûriya deryayê dinase // nenas (ji Nîti Sastras n. // 1250)
Li herderî derdorî min tenê av û esman e. // Publius Vergilius Maro
Av, tenê av e li herderê. // Samuel Taylor Coleridge
Derya siriştane hevpar e bo hemûyan. // Titus Maccius Plautus
Derya bi hezaran awayan dikene. // Aiskhylos
Okyanos bi bêhijmar şêweyan dibişire. // John Keble
Betalî şirîn e. // Decimus Junius Juvénalis
Dema bitî-betal li wir rawestîm û min lê nerî, di betaliyê de bi hêza evînê hesîm. // William Shakespeare
Ma keştî ji bilî zindanê çi ye? // Robert Burton
Hest, ya ko tixûbên teng jê re hatine danîn, hestek parçekirî. // Paul Valéry
Mey û bade dilan hên dikin, hişan hişyar dikin, û nîne ti dermanek ji wan baştir dijî pîrbûnê. // John Fletcher
Mey hêzên yê westiyayî lê vedigerrîne. // Homeros
Mey vedirevîne ewrên giran yên bêhêvîtiyê, û tavilê em hest pê dikin ko em difirrin. // John Gay
Bîre kêrî bextreşan tê, mey kêrî dilreşan. // Pîrozname
Piyaleyek meyê dikare tiştên seyr û sosret bike: dilî ji barê diltengker azad bike. // Quintus Horatius Flaccus
Sê perdaq mey her kesî tînin ser rêya rast. // pendek çîniyan
Nirx bide dostaniya dirêj wek didî meya bi kevnbûnê xweştir dibe. // George Pettie
Pesna meya kevn bide. // Pindaros
Bila dem dostaniya nû wek meyê bigihîne. // Columbanus (600)
Dostanî ji min re mîna meyê ye, dema nû be zav e, bi demê re digihe, li pîriyê dermanê dil e. // Thomas Jefferson
Nîne evîn bêyî mey. // Euripides
Ger rabî hêza xwe li dijî meyê bicerribînî, tu dê tûşî dijminek dijwar bibî. // Euripides
Nîne şadî bêyî meyê. // Pesachim (n. // 450)
Mey evînê dixe dilê te ger zêde venexwî. // Publius Ovidius Naso
Mey jiyan e. // Caius Petronius Arbiter
Derman pêşî tamek nexweş didin te û paşî te sax dikin; mey pêşî tamek xweş dide te û taliyê te nesax dike. // Henry Fielding
Mey pişta xwe dide mirov: pêşî dost e û paşî dijmin. // pendek ewropiyan
Mey yekem çek e ko şeytan pê êrişî xortan dike. // Eusebius Hieronymus
Jiyana bi meyê ve girêdayî êdî ne jiyan e. // Alkaios
Ne ew li bersivan digerrin, ne dibînin; / bêdengiyê herder girtiye, bêpêjnî ye / esmanê şîn li raserî wan henûn e, / ba hêwir e, naqeliqin pelên daran, / bi şirînî pêla zelal ya peravê / li doşeka xwe ya ji mircanan paldayî ye / xwe mit kiriye çivîkê. // Aleksis Kivi
Bêdengî têkiliya dilê jixwehay e li gel xwe. // Henry David Thoreau
Pergal ronahî ye, aramî ye, azadiya hindirrîn e, xwekontrolkirin e, hêz e. // Ew bedewiya estetîk û biexlaq e, kamiranî ye. // Henri Amiel
Di tevliheviyê spehîtî nîne. // Fîlonê Skenderyayî (n. // 10/15 bz - 50 pz)
Serwera dinyayê pergal e. // Şeytan tevlihevî peyda kiriye. // Jonathan Swift
Spehîtî ji rêkûpêkiyê diafire. // William King
Tişta bikêr bedew e. // Platon (Efletûn)
Tişta spehî hindî ya kêrhatî bikêr e, belkî pirrtir jî. // Victor Hugo
Spehîtî xwe li ser bingehên pêdivîtiyê digire. // Ralph Waldo Emerson
Tiştek spehî ye ji ber ko ew baş e; ger ew spehî be, ji ber hindê ew baş e. // Khrysippos
Ax çend nêzî başiyê ye ew tişt ya ko spehî ye! // Ben Jonson
Bawer dikim ko başî tenê ew e ko spehîtî di jiyanê de tê bikaranîn. // Jean-Jacques Rousseau
Axiftin ji hev dike, bêdengî li hev tîne. // Henry David Thoreau
Bo ko yekî bêdeng bikî, pêşî bi xwe bêdeng be. // Mariano José de Larra
Bêdengî şert e daku bikarî xwe bigihînî bilindtirîn hişmendiyê. // Ebdullah ibn Muqeffe
Her tiştê gir û gewre di bêdengiyê de diafire. // Erik Gustaf Geijer
Mîna hingmêşan, yên ko tenê dema tarî dixebitin, pêdiviya ramanan jî bi bêdengiya derdoran heye. // Thomas Carlyle
Bo yê bêdeng deriyên herî hindirrîn vedibin. // Keigemni (n. // 2500 bz)
Rewatiya hebûna spehîtiyê di wê bi xwe de ye. // Ralph Waldo Emerson
Spehîtî tek tişt e ko dem nikare ziyanê bigihîniyê. // Felsefe diherrifin mîna xîz, dîn xwe vedidin yek li pey yê din wek pelên payizê diçilmisin, lê spehîtî her xwe radigire li ber hemû demsalan û bi ebedî. // Oscar Wilde
Dîtinek şaş e bêt xeyalkirin ko spehîtî têt wateya başiyê. // Leo Tolstoy
Mirov zû bi berhemek hunerî yê li gor rêbaz û rêçikan ve dikerrixe; kes nikare tehemila mirovên bêkêmasî û bêşaşî bike. // August Stringberg
Perwerde
Ne bo dibistanê lê bo jiyanê. // Lucius Annæus Seneca
Baştirîn perwerde wî wergirtiye yê ko fêr bûye xwe hem li ber xeman û hem jî li xweşiyan ragire. // Jean-Jacques Rouseau
Perwerdekirina zarrokan hilgirtina jiyanê ye di çira û pêtalekê de ko em ji nifşê xwe raberî yê bêt dikin. // Efleton (Platon)
Hemberî dêbavên xwe wisan be wek ko dixwazî zaroyên te hemberî te bin. // Isokrates
Mezintirîn pirsgirêka pedagojîk: çawan zarro bên fêrkirin daku ne zêde bişibin dêbavên xwe. // Otto Weiss
Mirov tek pişka siriştê ye ko hewceyî perwerdeyê ye. // Immanuel Kant
Baştirîn awayê borandina jiyanê ew e ko mirov dema xwe gorî tiştek wisan bike ko piştî mirovî jî li jiyanê bimîne. // William Jones
Ne xem e ger nenas bimînim lê dikoşim wisan bijîm ko tiştek hejî bibîranînê ji nifşên pey xwe re bihêlim. // Konfuçe
Ger mirov bikare di mirina xwe de coşdariyê diyariyî zarroyên xwe, mirov mîrasek bêtixûb binirx ji wan re hêlaye. // Thomas A. // Edison
Reftar neynikek e ko her kes tê re wêneyê xwe nîşan dide. // Johann Wolfgang Goethe
Armanca perwerdeyê dirûvandina karakterê ye. // Herbert Spencer
Ger dêbav zêde ji zarroyên xwe re bikin, zarro ti ji xwe re nakin. // Elbert Hubbard
Herî zêde wî bandor û hîkarî wî edetî li min kiriye ko li vir li Emerîkayê dêbav rêzê li zarroyên xwe digirin. // Dukê Windsorê
Dema zarrok tê perwerdekirin, divê li pîriya wî bêt ramîn. // Joseph Joubert
Perwerdeya mirovî ta mirinê didome. // Robert E. // Lee
Ger dilê te bixwaze bersiva agirî bi agirî bidî, ji bîr neke ko agirkuj bi pirranî avê bi kar tînin. // S. // Hayakawa
Bihêlin zarrok bilîzin, û perwerdeyê têkilî yariyan bikin. // Fénelon
Bi hêceta lîstikan mirov dikare her tiştî bi zarrokan bide kirin. // Otto von Bismarck
Ma ne ecêb e ko kesê zarro nînin dikarin wan baş perwerde bikin? // Konfuçe
Li gor têgihiştina min, ger mijar bi kûrî bêt vekolîn, mirov nikare zêde qenciyê li zarrokî bike ger ji dilê xwe bidiyê. // Lee Salk
Dosto, min pirrî car bîstiye ko mezintirîn mêr ew e yê ji xwe dipirse ka divê çi bike, û yê dûvre mezin ew e yê guh dide şîretên baş. // Titus Livius
Ji bilî hêbitînê ti destpêk bo fêrbûnê nîne. // Efleton (Platon)
Xwe perwerde bike çiku dema şens tavilê ji dest te biçe, dê bimîne zanîn ya ko mirovî nahêle. // Cato
Bila perwerdeya formal ti car rê li ber perwerdebûna te negire. // Mark Twain
Ger nehatibî perwerdekirin, divê mejiyê xwe bi kar bînî. // Nenas
Perwerde ne dagirtina setlekê lê hilkirina agirekî ye. // William Butler Yeats
Hindî bijiyî, fêrî jiyanê bibe. // Lucius Annæus Seneca
Mirov fêr dibin dema xelkê fêr dikin. // Seneca
Mirov herî baş bi nimûneyan fêr dibin. // Plinius
Şagirdê di ber mamosteyê xwe re neke kêrî ti tiştî nayê. // Leonardo da Vinci
Mamoste deriyan vedikin lê divê mirov bi xwe biçe têve. // pendek çînî
Tenê şagird dikarin bibin hoste. // pendek Rojhilatî
Bi kirinê em fêrî kirinê dibin. // Arîstoteles
Encam hosteyê bêhişan e. // Livius
Dîrok mamosteya jiyanê ye. // Cicero
Malê mirovê xwenda herdem pê re ye. // Plædrus
Zikê têr ne dilxwaz e fêr bibe. // Plinius
Yê xwenda ne di her tiştî de xwenda ye, yê jîr di her tiştî de jîr e, di nezaniyê de jî. // Michel de Montaigne
Ta min dest bi wanedanê nekir, fêrî ti tiştî nebûbûm. // Anatole France
Ti car pêrgî ti kesî nehatime ko mirov nikare ti tiştî jê fêr bibe. // Alfred de Vigny
Jiyan mirovên mezin fêr dike û rê dide yên biçûk bi rêya xwe biçin. // Marie von Ebner-Eschenbach
Ji ber xişkirinê (nerîna bêdestûr) ji dibistanê hatim avêtin. Min li waneya metafizîkê awirek li giyanê yê bi rex xwe ve gerrand. // Woody Allen
Em li wê paradoksê asê bûne ko perwerde bûye yek ji kembaxtirîn astengên dijî azadiya hişî û ramanî. // George Bernard Shaw
Baş e mirov bijî daku bielime. // Miguel de Cervantes
Fêrbûna edetên nû giring e çiku wisan mirov dikare xwe bigihîne navoka jiyanê. // Henri Frédéric Amiel
Dema şagird amade be, hoste xwiya dibe. // pendek budayî
Di fêrbûnê de mereqdariya azad ji kotekiyê bibandortir e. // Augustinus
Ya giring ne xwendina pirr e lê ya bikêr e. // Aristippos
Divê pirr bê xwendin lê ne gelek pirtûk. // Gaius Plinius Cæsar Secundus
Pirrcûniya pirtûkan me bêşiyan dike. // Voltaire
Ger ji ji fêrbûnê hez bikî, hema te xwe gihandiye zanînê. // Tse-tzu
Mirov tenê ji wî fêrî kirinê dibe yê bi xwe dike. // Lucius Annæus Seneca
Ji pirtûkan pirrtir dikarî ji mirovan fêr bibî. // Sir Thomas Overbury
Pirr ji mamosteyên xwe fêr bûn, hê pirrtir ji hevkarên xwe lê herî zêde ji şagirdên xwe. // Judah HaNasi
Pirr fêr bûm ji mamosteyên xwe, pirrtir ji pirtûkên xwe lê herî zêde ji belayan. // Isaac Kaminer
Bi zaneyî em fêr dibin ji wan yên em jê hez nakin, lê bê zaneyî ji wan yên em jê hez nakin. // Joseph Klausner
Bi kurterêya şahan ve kes nikare xwe bigihîne jeometriyê. // Eukleides
Şerm nakim diyar bikim nezaniya xwe li ser mijarên ji min re nenas. // Marcus Tullius Cicero
Yê bo fêrbûnê xwe wisan nizm bike ko nezaniya xwe diyar bike, dê taliyê bêt bilindkirin. // Telmûd
Pêşî divê mirov îtîraf bi nezaniya xwe bike ta ko cihê wê dagire. // Michel de Montaigne
Armancek mezin ya fêrbûnê gerrîna li têgihiştinek windakirî ye. // Meng-zu
Em ne bo jiyanê fêr dibin lê bo ko li wanexaneyê bi ser bikevin. // Seneca
Peyv tenê pif (hewa) e, û perwerde jî li ser peyvan hatiye damezrandin. Lewre perwerdebûnî tenê hilmek ba ye. // Jonathan Swift
Pergala perwerdeya me pergala bêhêvîtiyê ye. Em fêrberên peyvan in. // Ralph Waldo Emerson
Rast e ko pirr ji pirtûkan fêr bûyî, lê ji bîr neke ko jiyan jî dikare fêr bike. // Marcus Porcius Cato
Pirtûk pirr kêm tiştên dinyayî fêrî me dikin. // Oliver Goldsmith
Pirtûkên jiyannasiyê pêve nekî ji te re bêkêr in. // Samuel Johnson
Pirtûk piçûk û panik in. Tenê jiyan gir û gewre ye. // Thomas Carlyle
Dikarî hişmend bî tevî ko te ti pirtûk jî nexwendibin; lê ger ji her tiştê hatî nivîsîn bawer bikî – ne hişmend î. // Leo Tolstoy
Min dibistana dijwar ya bivê-nevêtiyan xwendiye. // Sofokles
Ger min hindî xelkê xwendiba, min dê ji wan zêdetir nezanîba. // Thomas Hobbes
Carina hes pê dikim ko xwezî pirtûka berdilî min tenê ji pirtûkên lêgerrînê pêkhatî ba. // Donald J. Adams
Ji pirtûkan kes fêrî mirovan nabe. // Benjamin Disraeli
Bi kûrî fêrî pirtûkan bûyî lê pirr sivik fêr xwe. // John Milton
Herûher bo jiyanê bixwîne, ne bo ko dê sibê bimirî. // pendek ewropî
Bo ko bikarî karên mezin bi cih bînî, divê wisan bijî mîna ko qet nemirî. // Luc de Clapiers de Vauvenargues
Xwendatî gencîne ye. // Caius Petronius Arbiter
Bikoşe ko ji her tiştî tiştekî fêr bibî û ji tiştekî jî hemiyê. // Thomas Henry Huxley
Perwerde tê wateya xwedisiplînê bo xortan, xemrevînê bo pîran, zengîniyê bo hejaran û şengiyê bo zengînan. // Diogenes
Bila xwendekariya te mîna stiranekê be! // pendek babîlonî
Hemî fêreya xwe spêdeyê da'ûre lê êvarê bi heval û hogirên xwe re vehelîne. // Lord Chesterfield
Ya herî giring ew e ka dê çawan xwe biparêzî ji neçarbûna ramalîna tiştê fêrbûyî ji xwe. // Antisthenes
Em bê vehewîn dixebitin daku bîra serê xwe dagirin lê têgihiştina xwe vala dihêlin. // Michel de Montaigne
Em hêdîka fêr dibin ji bîr bikin ya em fêr bûne. // Lucius Annæus Seneca
Zarroyê siriştê, fêr bibe azad bike mejiyê xwe ji ya tu fêr bûyî. // Benjamin Disraeli
Hişmendî herdem kêrî mirovî tê lê perwerde carina xezeb e. // John A. // Shedd
Bêyî tecrûbeyan ti kes fêr nabe. // Efleton
Yê dike hû dibe. // George Herbert
Ew e perwerdebûyî yê dizane karên wisan jî bike yên ko ti car nekirine. // George Herbert Palmer
Bi vekolîna yên kevn em fêrî yên nû dibin. // Konfuçe
Mamosteyek ne bes e. Li nik yek din jî bixwîne. // Telmûd
Ger ne niha be, pa kengî? // Lakydes
Temen hişmendbûnê asteng nake. // Aiskhylos
Hindî hê tiştek nizanî hebe, xwe fêr bike. Ger bawerî bi pendê hebe: jîn hemî fêrbûn e. // Lucius Annæus Seneca
Ti car em ne hind pîr in ko fêr nabin. // Oliver Goldsmith
Ger duh miribam, min dê ew nizanîba. // pendek fînlendî
Bi zêdebûna jiyê xwe re roj bi roj hin tiştên nû hîn dibim. // Solon
Bi fêrbûnê yê pîr jî geştirîn dema xortaniya xwe dijî. // Aiskhylos
Hê jî fêr dibim! // Michelangelo Buonarrotti
Li ber min kembaxtirîn tişt dibistanek e ya ko bi azîneyên tirsê, kotekiyê û desthilatiyek çêkirok tê meşandin. Reftarên wisan hestên saxlem, jidilî û bixwebaweriya şagirdan dimirîne û tepeseran peyda dike. // Albert Einstein
Tecrûbe dibistanek baş e lê bihayê wê giran e. // Heinrich Heine
Dibistana fermî dê jiyarê bide te. Xwe-perwerdekirin dê felekê bike di dest te de. // Jim Rohn
Em her roj tiştekî fêr dibin, û pirrî car wê fêr dibin ko ya roja berî wê em fêr bûyî şaş bû. // Bill Vaughn
Perwerde tiştek heyranî ye, lê divê car-car bêt bîra mirovî ko ti tiştek kêrî zanînê nikare bêt fêrkirin. // Oscar Wilde
Perwerdeya rast divê me fêr bike em ji xwe derkevin û bigihin tiştek pirr hejîtir, bigihin ne-ezîtiyekê ya ko me û hemî mirovatiyê bi hev re girê dide. // Nancy Astor
Perwerde gihandina giyanên mirovan e ber bi tiştên herî baş û peydakirina tiştên herî baş e ji wê. // John Ruskin
Perwerde asan dike ko mirov bên birêvebirin lê dijwar dike ko bên ajotin; asan dike ko bên meşandin lê negengaz dike ko bên kolekirin. // Henry Peter Brougham
Ti şaxek matematîkê – ya çend abstrakt be jî – nîne ko rojek neyê ko kêrî hin diyardeyên cîhana rastîn bêt. // Nikolay Îvanovîç Lobaçevksî
Perwerde ew e ko bikarî guh bidî hema her tiştî bêyî ko bênteng bibî. // Robert Frost
Tenê yên perwerdebûyî azad in. // Epiktetus
"Em nikarin bêyî jan perwerde bibin." // Arîstotees
Lê ger tu bipirsî ka çi sûde ji perwerdeyê heye, bersiv pirr asan e: perwerde mirovan qenc dike, û mirovên qenc camêriyê dikin. // Efleton (Platon)
Perwerde vedîtinek pêşkevî ya nezanîna me bi xwe ye. // Will Durant
Hemî hinêra fêrkirinê tenê şiyarkirina mereqdariya siriştî ya mejiyên nûgihiştî ye. // Anatole France
Fêrbûn hesîna bi wê ye ya ko tu êdî jixwe dizanî. // Richard Bach
Ez bêdengiyê ji dengdaran, bênfirehiyê ji bêntengan, qenciyê ji neqencan fêr bûme, lê - ecêb e – dîsan jî ne spasdarî wan mamosteyan im. // Xelîl Cibran
Herî baş ew kes alîkariyê dike yê xelkê fêr dike ko bikarin alîkariya xwe bikin. // A. P. Gouthey
Pratîk baştirîn fêrker e. // Publilius Syrus
Dibêzim û ji bîr dikim. Dibînim û tê bîra min. Dikim û tê digihim. // Konfuçe
Sê awayên bingehîn yên peydakirina zanyariyê hene... çavdêriya li siriştê, raman û cerribandin. // Çavdêrî agayan peyda dike; raman wan digihîne hev; cerribandin encama wê hevgihandinê dirastîne. // Denis Diderot
Nexwendayê pêşerojê dê ne kesek wisan be ko nizane bixwîne lê dê yek wisan be ko nizane fêr bibe. // Alvin Toffler
Şînî û şadî
Ne baş e bextreş bî lê baş e bextreş bûbî. // Georges Brossin de Méré
Kêf jiyanê dirêj dike; xem derd û kulan dide. // pendek çînî
Rondik qedera mirovan in. // Vergilius Maro
Ti tişt wek rondikan zû ziwa nabin. // Marcus Tullius Cicero
Di girî de cûnek zewqê heye. // Ovidius
Kêf avis dikin, xem diafirînin. // William Blake
Lezetek hind mezin bû ew kurkkirina xeman di dilî de ko wî nedihêla ti xweşiya dinyawî yan kêfek dî wê rawestîne. // Mark Twain
Kêfxweşî bo bedenê baş e lê xem hêzên giyanî pêş dixe. // Marcel Proust
Xem me hemiyan dîsan dike zarrok. // Ralph Waldo Emerson
Bi xemên zarrokan nekene. Hemî êş û azar wek hev in. // Charles van Lerberghe
Ciwanî rondikan dinase bêyî xeman, pîrî xeman bêyî rondikan. // Joseph Roux
Nîne roj bê xem. // Lucius Annaeus Seneca
Xem mirovan bi cidî dide pûnijandin, têgihiştinê tûj dike û dilî dinermîne. // John Adams
Her dilî xemên xwe yên nehînî hene ko xelk nanase lew em pirrî caran dibêjin filankes sar dema ew bi rastî xemgîn e. // Henry Longfellow
Gelek kes bawer dikin ko xem beşek ji xweşiyên jiyanê ye. // Soren Kierkegaard
Nîne mezintir êş û azar ji hindê ko mirov di hejariya xwe de rojên xwe yên xweş bi bîr bîne. // Dante Alighieri
Xema borî zewq e. // Thomas Fuller
Şirîn e zewqa piştî xemê. // John Dryden
Li Xemistanê em hemî bi tenê ne. // May Sarton
Kesê pirr êş kişandiye, pirr fêr bûye. // stiranek Roland
Xem hişmendî ye. // John Keats
Xem bo me hişmendî ye. // Alfred Tennyson
Xem rastiyan nîşa me dide wek çawan şev jî stêran. // Philip James Bailey
Ma dê çi ji xewnên têrxem bo te bimîne ger jê hişmendiyê fêr nebî. // Maria Jotuni
Dilê min hind bi xemê hatibû dagirtin ko min dikarî hemî bajar pê bixeniqînim. // Harriet Beecher Stowe
Xemgîniya bêdeng ji hemiyan xeternaktir e. // Jean Racine
Xema ragirtî dilî dipeqîne. // pendek inglîzî
Dilê xwe nerm bike bi vegotina belaya bûye qedera te çiku veşartina kul û kovanan di avika xwe de dikele û difetise. // Publius Ovidius Naso
Tenê ew kes, yên ko fêrî nasîna xemê bûne, dikarin wê li gel xelkê parve bikin. // Sofokles
Dê siviktir bibe li te barê xeman ger te heval yan hevrêyek guhdar hebe. // Kallimakhos
Derman e parvekirina xeman bi heval û hevrêyan re lê xemên di dilî de veşartî ducarî xeman peyda dikin. // Edmund Spenser
Giriyê xwe nefetisîne! // Thomas Moore
Xeternak e xwe biavêjî ser text û kursiya xeman. // Henri Amiel
Xema min keleha min e. // Soren Kierkegaard
Xema me resen e ger kes ne şahid be. // Martialis
Bo xemikên sivik peyv pirr in lê peyvek jî peyda nabe bo kul û kovanan. // Samuel Daniel
Belayê em ji miriyan veqetandin û li gel yên sax kirin yek. // Juhan Viiding
Sarî û terkexemî bi asanî peyvan dibînin lê dostiya resen bi zimanê xeman û bêdengiyê dipeyive. // Jean-Jacques Rousseau
Ya herî giran xemgîniya bi tenê ye. // pendek frensî
Mirov dê neçar bibe jiyanek bêkêf bijî ger bikare bêxem bijî. // Publius Syrus
Xem her saetekê dikin deh. // William Shakespeare
Derd bi xwe derman e. // William Cowper
Dibînim ko xemên mezin derdên biçûk derman dikin. // William Shakespeare
Ji felsefeyê li dermanê derdan digerrim. // Marcus Tullius Cicero
Bo belayan felsefe vexwirakek derman e. // William Shakespeare
Nîne derd yê dem venemirîne. // Servius Sulpicius
Nikarî nehêlî firrindeyên xeman di ser serê te re biborin lê dikarî nehêlî ko ew hêlîna xwe di nav serê te re çêkin. // pendek çînî
Okyanos ne bêqirax e - xem jî ne. // Thomas Cambell
Nîne ti tişt yê nikare bibe sedema hem xeman û hem jî xweşiyan. // Lucius Annaeus Seneca
Xem tenê siya kêfê ye; kêf tenê rûpoşê xemê ye. // Laotse
Kêf û xweşiyên xwe çend xerc bikî, hind zêdetir bo te dimînin. // Ralph Waldo Emerson
Gelek mirov hind kêrxweş in hindî ko ew biryar didin ko kêfxweş bin. // Abraham Lincoln
Bawer bike kêfa resen tiştek cidî ye. // Lucius Annaeus Seneca
Divê bi cidî li tiştekî binerî ger bixwazî hin kêfê peyda bikî. // Oscar Wilde
Dibe salê carekê mirov heyto-hotê jî bike. // Aurelius Augustinus
Tenê kêf malê resen e, tiştên dî sexte ne. // Edme Boursault
Bêsûdtirîn roj ew e ya em nekenîbin. // Charles Field
Kenê zelal tenê ji kesên ji reh û rîş ve qenc tê. // Nîkolay Gogol
Ger li vê dinyayê xweşiyek hebe, bi wî kesî ye yê dilpak. // nenas
Jidestdana kêfê jidestdana hemiyê ye. // Stevenson
Ax ca çend watedar e ken! Ew kilîlê nivîsên nehînî ye, bi wî em her tiştê mirovî dinasin. // Thomas Carlyle
Baştir e ne li ser girî lê li ser kenî bêt nivîsîn ji ber ko ken taybetmendiya mirovan e. // François Rabelais
Enerjî kêfxweşiya herherî ye. // William Blake
Mirrûtokî ne ti dîn û ayîn e. Reftara xweş û bişir û girnij Te nêztirî Yezdan dikin, pirrtir ji dua û lava bikarin. // Swami Vivekananda
Bidestxistina kêfxweşiyê bi berxwedanê baştir e ji hindê ko radestî xeman bibî. // André Gide
Gul û firrinde mamosteyên şadiyê ne. // Soren Kirkegaard
Şampanya, muzîk û jina yê cîran. // Lord Byron
Xelkê kêfxweş bike û dê bibînî ko bi xwe jî kêfxweş dibî. // Friedrich Vischer
Hin kes kêfê parve dikin, hin jî wê diafirînin. // nenas
Rexek dinyayê nikare di kêfa rexê din bigihe. // Jane Austen
Li ber mirovan du rêç hene. Piştî pûnijînê yê hişmend rêça kêfxweşiyê dibijêre, yê bêhiş rêça zewqê. // Katha-upanishad
Ax ca çend baştir e ji kêfxweşiyê bikenî, ne ji girînê kêfxweş bibî. // William Shakespeare
Giriyê mirovan baştirîn mafê wan e. // Jacques Delille
Xemên sivik dengbilind in, yên giran lal in. // Lucius Annaeus Seneca
Wêrekî û tirsokî
Dûjeh ji kevirên dilê wan kesan hatiye avakirin yên ko dibêjin: "Ti ji min nayê!" // Heywood Broun
Li wî cihî, yê serdestiyê nade bend û girêk û sinoran; li wî cihî, yê bindestî û bêzarî nayê pejirandin, li wê derê bawerî bi xebatê heye. // Mehmûd el-Mes'edî
Min carekê bihîst zarokek dihat şîretkirin: Wî tiştî bike yê ko jê ditirsî. // Ralph Waldo Emerson
Di jiyanê de herî zêde pêdiviya me bi kesek wa heye yê bistehiyê (cesaretê) bide me daku em wî tiştî bikin yê ko em dizanin. // Ralph Waldo Emerson
Yezdan alîgirê wêrekan e. // Ovidius
Yê bihêz ew e yê ko hem amadeyî şerr e û hem jî dikare şerrî paşve bixe. // Lucanus
Wêrekî qet tine ye; hemî pileyên tirsê ne. // John Wainwright
Mirin direve ji her kesî yê ko ti qîmetê nadiyê. // Daryos
Baştir e şêr bî rojekê, ne mih bî hemî jiyanê. // Elizabeth Kenny
Bistehiya xwe berhev bike û dest ji tirsa têrxem berde. // Vergilius Maro
Her afirandin wêrekî ye. // Christian Morgenstern
Çepikên tenê kesekî jî xwedî bandorên mezin in. // Samuel Johnson
Nizanim ti tiştî bistehtir ji hêz û hinêra mirovî ya bi gavên jixwebawer dikare jiyana xwe xweştir bike. // Henry David Thoreau
Pîvana nirxê rast û resen: ka can dikare xwe li ber çiqas rastiyê bigire, ka wî bistehiya çiqas rastiyê heye. // Friedrich Nietzsche
Wêrekî belkî êşek dijwar be. // Graham Greene
Bi rastî wêrek bûye yê yekem kes bû ko oyster xwariye. // Jonathan Swift
Wêrekî ew e ko ji du xirabiyan ya kêmtir bibijêrî. // Stendhal
Rîskan bigire! Hemî jiyan rîsk e. Herî zêde ew pêş dikeve yê diwêre û dixebite. // Dale Carnegie
Ger ti newêre, ti wernagire jî. // John Heywood
Nefret dikim her tiştî yê zanîna min zêde dike lê daxwaza xebatkirina min geş nake. // Johann Wolfgang von Goethe
Bes e suhbeta li ser qenciyê. Bi xwe qenc be! // Marcus Aurelius
Mirovên qenc stêrên dema xwe ne, ronahiyê didin serdemên bên. // Ben Jonson
Pirraniya me razî ne ger tenê bikarin mal û namûsa xwe destlênekirî biparêzin. // Niccoló Machiavelli
Felsefe rêya kirinê nîşan dide, ne ya gotinê. // Lucius Annaeus Seneca
Yê li janên xwe binale, dibe bendiyê wan; ti kes nagihe heqê xwe ger xwe ranekêşiyê. // Kaarlo Kramsu
Hêvî dikim bizanim ko ji goriyan im, ne ji celadan. // Adam Michnik
Li derazînka dilwasiyê ji xwe bipirse ka diwêrî îro çiqas bistehiyê bikarneînayî bihêlî. // Tommy Tabermann
Bistehî ji hêzên mirovî ya bihêztirîn e. Dema fêrî wê bibî, ti tişt nikare te bişkîne. // Ti tişt. // Norman Vincent Peale
Bihêz û bisteh bin… çiku ezdan, Xwedayê we, li gel we dimeşe. Ew we bi tenê nahêle û berê xwe ji we nagire. // Peymana Kevn
Wêrek berdiliyên Felekê ne. // Vergilius Maro
Yê vîn û îradeyek xurt hebe, dinyayê wek xwe lê dike. // Johann Wolfgang von Goethe
Ya giring ne jiyan e lê ew bistehî ye ya ko mirov diîne jiyanê. // Hugh Walpole
Ji yên tirsonek re bibêjin: Dilêr bin, netirsin. // Peymana Kevn
Ma dê jiyan çi ba ger me bistehiya cerribandinê neba. // Vincent von Gogh
Xwe ji bîr bike! Mereqa xwe bide ser bistehiyê. // Norman Vincent Peale
Dinya wek gezgezînkê ye. Ger tila xwe bikiyê, dê bi te vede. Lê bi destê xwe bişidînî, ti li te nake. // Edward G. L. Bulwer-Lytton
Kêm in li vê dinyayê ew asteng yên mirov bi hêz û hinêrên kêm jî nikariyê. // Henry David Thoreau
Divê em biwêrin, hê jî biwêrin û paşî wêrekiya xwe bidomînin. // George Jacques Danton
Mirovên qenc herdem wêrek in lê yên wêrek ne herdem qenc in. // Kungfuçe
Divê bistehiyê hem çav û hem jî dest hebin. // H. G. Bohn
Bo yê têr bisteh her welat warê wî ye. // Demokrîtos
Mirovê bisteh dikare li biyanistanê jî her wek li warê xwe bijî. Ne sirişta lêmangehê lê helwesta mirovî bi xwe çawaniya jiyanê diyar dike. // John Lyly
Cidî me; li berdêlan nagerrim; lêborînê daxwaz nakim; gavekê jî paş ve na-avêjim û têm guhdarîkirin. // William Lloyd Garrison
Mêrek wêrek bo peydakirina helwesta pirraniyê bes e. // Andrew Jackson
Hemî bo yekî û yek bo hemiyan. // Alexandre Dumas
Her ramana nû pêşî raya kêmaniyekê ye ko tenê ji kesekî pêk tê. // Thomas Carlyle
Bistehî (cesaret) vegir e. Dema mirovek wêrek helwesta xwe diyar bike, yên dî jî ji xwe piştxurt dibin. // Billy Graham
Wêrekî ji qenciyan ya herî sadetirîn û girrtirîn e. // Herman Merville
Wêrekî li bazarê tiştê yekem giring, duyem giring û sêyem giring e. // Thomas Fuller
Yezdan ne canê newêrekiyê lê canê xurtiyê û jihevhezkirinê û pakiyê daye me. // Mizgîn (Incîl)
Qehremanî bilindiyek e ko ne yên qels û ne jî yên kêmbawer dikarin bigihinê. // Henry Amiel
Bo yê dilêr ti tişt nîne çênebe. // Jacques Coeur
Hişyar bin, di baweriya xwe de qayim bin, gernas bin, xurt bin. // Mizgîn
Yê heq qet naheje. // Mizgîn
Nîne ti gef û talûke ya ko mirovê bawer nikare serî jê bistîne. Rêya pîroziyê ji deriyê sebr û wêrekiyê dest pê dike. Yê wêrek bi aramî û hêminî pêrgî asteng û dijwariyan tê û wan radimale. // Axel Fredenhom
Bisteh be daku hêzên mezin alîkarî te bin. // Basil King
Biwêre ew be yê ko baş dizanî ko dikarî bibî; biwêre bibe ew mirovê mezin yê ko ti car nebûyî. // Norman Vincent Peale
Kes hene ji taqeta xwe pitir dikin, hin jî ji bistehiya xwe pitir dikin. // Marthurin Régnier
Şans diyarî mirovên wêrek hatiye kirin. // Ennius
Şerrvanê çeleng hêrs nabe. // Laotse
Jiyan berxwedan e lê ne ceng e. // John Burroughs
Ta pêşî ne newêrek bî, nikarî bibî egîd û qehreman. // George Bernard Shaw
Egîd ne ew mirov e yê qet natirse; mirovê wisan tenê ehmeq e. // Egon Friedell
Tirs û hêvî dikarin ji hev bên veqetandin, û nîne tirs bêyî hêvî, wek ko nîne hêvî jî bêyî tirsê. // François de La Rochefoucauld
Tirs yekem tişt bû ko xweda afirandin. // Cæcilius Statius
Tam wek ko kelemçe yê girtî û yê çavdêrê wî bi hev ve girê dide, wisan hêvî û tirs jî bi hev re dimeşin; tirs dide pey hêviyê. // Seneca
Leşê birîndar ji destlêdanek nerm jî direve; siya vala mirovên xembar bi tirsa xwe dadigire. // Ovidius
Ne bela û mirin tirsnak in lê tirsa bela û mirinê. // Epiktetos
Tirs zimanî lal dike. // Terentius
Her kes ji xwe ditirse û her kes tirsên kesûkarên xwe pêkenok dihesibîne. // J. A. Spender
Tirsê pirr çav hene. // Miguel de Cervantes
Tirs bi asanî wa dike ko mirov bawer bike ko ya herî kembax dê biqewime. // Quintus Curtius Rufus
Nizanim ka divê ji çi bitirsim lê dîsan jî ji her tiştî ditirsim. // Ovidius
Tirsê wêrekî dayê. // Ovidius
Tirsa mezin bi wêrekiyê tê niximandin. // Lucanus
Pirrî car tirsa mirovî digihe wê pileyê ko mirovî dike zêde-wêrek. // Otto Weiss
Neçar dimîne ji gelekan bitirse ew mirov yê ko gelek jê ditirsin. // Laberius
Wek çawan wêrekî jiyanê dixe talûkeyan, tirs jî wisan wê diparêze. // Leonardo da Vinci
Hemî tişt kêmtir tirsnak in ji ko dixwiyin. // William Wordsworth
Tirsa ji talûketiyê deh hezar car tirsnaktir e ji talûkeyê bi xwe. // Daniel Defoe
Ne hewceyî şûrî ye ew yê ko ne bendiyê tirsê be. // Mahatma Gandhi
Di jiyanê de divê ji ti tiştî neyê tirsîn. Divê tenê bo têgihiştinê bêt têkoşîn. // Marie Curie
Gelek kes wa pirr ji mirinê ditirsin ko qet dest bi jiyanê nakin. // Henry van Dyke
Tirs hişî dide yê bêhiş jî. // pendek frensî
Ti hest hindî tirsê mirovî bêpar nakin ji hemî hêz, hinêr û hişê wî. // Edmund Burke
Dersa jiyanê fêr nebûye ew yê her roj ji azmûna tirsê derneçe. // Ralph Waldo Emerson
Tirsîn cuda ye ji hindê ko bihêlî tirs kuriya te bigire û te li dor xwe bizivirîne. // Katherine Paterson
Tek awa ko bikarî pê ji stresê bifilitî ew e ko rû bi rûyî tirs û gumanê bibî û lê binerî ka ew bi rastî çi ne. // Joan Borysenko
Divê em tevî tirsê jî bixebitin – ne ji ber wê. // nenas
Tirsa ji jiyanê êşa xweşdivî ya sedsala bîstê ye. // William Lyon Phelps
Tirsa ji pêşerojê rastiya vê gavê xwehr dike. // J. S. Dorian
Li kuncika tarî ya nezaniyê herdem tirs şên dibe. // Maksîm Gorkî
Wê bike ya jê ditirsî, dê tirsa te vemire. // Ralph Waldo Emerson
Tirsa ji evînê tirsa ji jiyanê ye, û kesên ji jiyanê ditirsin êdî sê-ji-çar pişk ji xwe mirî ne. // Bertrand Russell
Kembaxtirîn tirsonekî ew e ko bizanî ka çi ye qenc û wê nekî. // Kungfuçe
Tirsê li derî da. Bistehiyê derî vekir. Û li pişt derî ti kes nebû. // nenas
Bila bi dilşadî li bîra me be ko ji belayan yên herî dijwar û kembax ew in yên ko qet nayên. // James Rusell Lowell
Tirs kembax dike. // pendek fînlendî
Ew ji xeyalên xwe ditirsin. // Marcus Annaeus Lucanus
Sawêr xwe nîşanî tenê wan kesan didin yên ko lê digerrin. // pendek elmanî
Tirsê xweda û bêşermiyê paşa afirandin. // Prosper Joylot de Crébillon
Ji ti tiştê te bihîstî netirse ta ko bi xwe nebînî. // Aysopos
Zanîn jehra dijî tirsê ye. // Ralph Waldo Emerson
Hindî pitir li xwe hişyar bî, dê pitir bikevî belayan. // Jean de La Fontaine
Talûketî tirsê diafirînin, û tirs talûketiyên nû. // Richard Baxter
Bêguman bo yên ditirsin ev dinya tijî talûketiyan e. // George Bernard Shaw
Wey Yezdan, min jî bistîne, / bibe nav Gulistana Mergê / çiku bizdok û behecok im / li herderê erjengiyan dibînim / di mirovan de ji her tiştî pitir. // Eino Leino
Pitir ji di rastiyê de, em di xeyalên xwe de êş û azaran dikêşin. // Lucius Annæus Seneca
Kêm tirsonekî hay ji hemî tirsên xwe heye. // François de La Rochefoucauld
Gelek bû kul û kovan di jiyana min de lê ji wan yên herî kembax ti car negihan miradê. // James Abram Garfield
Bêtirsî piran li pey xwe, tirs wan li pêş xwe dişewitîne. // nenas
Şkence ye ji wan tiştan bêt tirsîn yên ko ti çare bo nîne. // Anakharkis
Tirsê wêrekiya wî zêde kir. // Publius Ovidius Naso
Hin tişt hene nikarî jê birevî lê dikarî bişkînî. // Lucius Annæus Seneca
Xinêkar e yê hest bi tirsa pîroz dike, kembax e yê dilê xwe req dike. // Peymana Kevn
Mirin jî tenê bûyerek ji jiyanê ye. // William De Morgan
Ma ti kes dibe kole ger ji mirinê netirse! // Euripides
Gelo mirov çawan dikare azad bijî? Bi bêqîmethesibandina mirinê. // Agis
Ta em ne amadeyî mirinê bin, em dest bi jiyanê nakin. // William Cornwallis
Yên bawer dikin ko dê ebedî bijîn, rezîl dijîn. // Publius Syrys Sententiae
Ma yê ji mirinê netirse dê çawan bi mirinê bêt gefkirin? // Laotse
Bêhişî ye bitirsî ji tişta dê her biqewime. // Publius Syrus
Tirsokî bêhişî ye. // John Florio
Ew dijî yê wêrekiya xwe radigire. // Johann Wolfgang von Goethe
Mirin tenê meşîna di dinyayê re ye wek dostan yên li deryayê diseyirin. // William Penn
Mirin tenê rêkek e ko divê pê ve biçî daku bigî bal Yezdan. // Thomas Parnell
Xeyal dikim ko mirin rêvingiyek xweş e ya ko diçimê piştî ko min hemî erkên xwe bi cih anîne. // Ella Wheeler Wilcox
Mirin xewek kûr ya ebedî ye. // Quintus Horatius Flaccus
Mirin tenê xewnek ebedî ye. // John Florio
Di mirinê de dinivî bêyî ko xewnan bibînî. // Napoleon Bonaparte
Bêriya welatê neyî dikim çiku bi her tiştê heyî kerrixîme. // Edith Södergran
Mirin tenê çûna nav jiyanek dî ye. // George Pettie
Mirin destpêka jiyanek dî ye. // Michel de Montaigne
Encax di mirina xwe de mirov bi temamî diwelide. // Benjamin Franklin
Ger roja xwe ya hesabê bizanî, dê herdem di mirinê de bijî. // Publius Syrus
Tirs herdem bend û zincîr e. // nenas
Jana herî dijwar ne ya ji şkenceyê ye lê ya xweamadekirina bo wê ye. // Îvan Gonçarov
Ti tişt mirovî nabizdîne ji bilî tirsê bi xwe. // Francis Bacon
Cihê tirs lê hebe şerm jî lê heye. // pendek ewropî ji sedsala 16ê
Cihê şerm lê hebe tirs jî lê heye. // John Milton
Birecife tu yê ko tawan kirine yên ko bê ceza mane. // William Shakespeare
Yê xelk jê ditirse, divê ji gelekan bitirse. // Decimus Laberius
Ger tirsê bixî dilê gelek kesan, divê tu bi xwe hê ji wan pitir bitirsî. // Periandros
Tirskar bi xwe ji xelkê pitir ditirse. // Claudius Claudianus
Tirs vedije li wan bi xwe yên ko tirsê belav dikin. // Ger tirsê bixî dilê xelkê, divê tavilê bi xwe ji tirsê bibehecî. // Lucius Annaeus Seneca
Divê ji wî bitirsî yê ko ditirsînî tevî ko ew mêş be û tu gamêş bî jî. // Se'diyê Şîrazî
Yê tirsê belav dike bi xwe herî zêde ditirse. // Sir Thomas Overbury
Jiyan asan e bo wî yê şerm nake. // Dhammapada
Taybetmendiyek mixabinî hevpar e bo hemî welatiyên hêzdar: tirsonekî. // Voltaire
Bêwec e ji yê tirsonek dilovaniyê bipêyî. // [[Sir Thomas Malory
Tirsonekî maka stemê ye. // George I
Stemkar tirsonek in. // Thomas Draxe
Wek hemî tirsonekan, wî jî xwe dispart zilmê. // Charlotte Brontë
Tirsonek bû dijî yên bihêz û stemkar bû dijî yên hejar. // Percy Bysshe Shelley
Hem bêhêvîtî û hem jî pêbawerî çavên xwe ji tirsê digirin. // Sir William Alexander Stirling
Tirsonekî ye bixî stuyê xelkê wê berpirsiyariyê ya ko bi xwe jê direvî. // Julio Cortázar
Hewceyî wêrekiyê yî daku biwêrî bitirsî. // Michel de Montaigne
Zarok û dêbab
Perwerdekirina zarrokan hilgirtina jiyanê ye di çira û pêtalekê de ko em ji nifşê xwe raberî yê bêt dikin. // Efletûn (Platon)
Baştirîn awayê borandina jiyanê ew e ko wê gorî tiştekî bikî ya ko piştî te jî bimîne. // William James
Ta ji zarrokê hez nekim, dengê min nikare wê aşt bike. // Yaşar Kemal
Nîv ji zarrokên cîhanê gorî dîtin û nerînên cîranan tên kirin. // A. S. Neill
Her zarroyek bi awayê xwe ji nû dest bi dinyayê dike. // Henry David Thoreau
Kes nikare bizane ka jiyan çi ye, ka dinya çi ye ta ko zarrokek nebe ko jê hez bike. // Lafcadio Hearn
Zarrok pira berev biheştê ne. // pendek farisî
Sava - ax çi destpêkek xweş e bo jiyana mirovî. // Don Herold
Sava - firişteyek e ko çengên wî bi dirêjbûna lingên wî re kurt dibin. // pendek frensî
Ti civat nikare razemeniyek ji hindê şîrdana ji zarrokan re baştir bike. // Winston Churchill
Zarrotî çare ye. // Jean-Paul Satre
Di hezkirinê de ew başî heye ko dizanî ka zarro li kû ye. // Yvonne Lombard
Zarroyên miskîn ti naxwazin: zarroyên miskîn tiyê wernagirin. // Otto von Bismarck
Ev e me savayek: ji serek hût û du cegeran pêk hatiye. // Eugene Field
Jixwe zarrok jî vê fam dikin. Zû zarrokekê bînin. // Marx Groucho
Diya min ji zarrokan hez dikir – ew amade bû hema destê xwe yê rastê bide daku ez jî zarrok bim. // Marx Groucho
Feneke ecêbiyan - tu ecêbî yî. // Henry Miller
Zarrok wê dibêjin ka çi dikin, pîremêr wê ka çi kirine, qeşmêr wê ka dê çi bikira. // Johan Oxenstierna
Zarrok zewqê ji vê gavê dibînin ji ber ko wan ne paşeroj û ne jî pêşeroj hene. // Jean de La Bruyére
Divê rê ji zarrokan re bêt dan ko li her gav û qûnaxê rastiya jiyanê bijîn. // Ellen Key
Xweşiya zarrokiyê ew e ko spehîtî, berzî û bextiyarî tiştên xwarinê ne. // Simone de Beauvoir
Berevajî mezinan, zarrok ne hewcedar in bêbextiyê li xwe bikin. // Johann Wolfgang von Goethe
Ji lomeyan pitir pêdiviya zarrokan bi nimûneyan heye. // Joseph Joubert
Taybetmendiya lîstik û yariyan ew e ko mirov bê sûc û sebeb dilîze, û bila lîstikan ti sedem nebe jî. Lîstik bi xwe sedem e. // Lin Jutang
Ji zarrokan em dibînin spehîtî û şadiyê, û herwa evînê ya ko dilê me wa mezin dike ko êdî cihê wî di sînga me de nîne. // Ralph Waldo Emerson
Dîmenên zarrokiyê bihagirantirîn mirasê jiyana me ne. Hindî pitir dijîm, zêdetir li wan vedigerrim û ew kaniyên neçik yên îlhamê ne. // Jean Sibelius
Dikarî bibêjî: jina min ya berê, mêrê min yê berê, karê min yê berê; lê nikarî bibêjî: zarrokên min yên berê. // Suzanne Somers'son Bruce
Ger ji dilê xwe bidî, ne gengaz e ko zêde bidî zarrokan. // Lee Salk
Baştirîn diyariya dêbav bidin zarrokên xwe ew e ko her roj çend kêlîkan bi wan re bin. // O. A. Battista
Yê qenc be dê zarrokên wî qenc bin. // Pendnameya Peymana Kevn
Di her zarrokî de, ca rewş yan dêbav çi bin jî, derfet û delîvên nijada mirovî ji nû ve diwelidin. // James Agee
Nijada mirovan dê biruxiya eger destpêka mirovan ne zarrok biya. // Jean-Jacques Rousseau
Her mirov mirovatî ye, dîroka dinyayê ye. // Jules Michelet
Karê te ne pêşbînîkirina pêşerojê ye, karê te gengazkirina wê ye. // Antoine de Saint-Exupéry
Raman mîna zarrokên biçûk in. Her kes herî zêde ji yên xwe hez dike. // Moa Martinson
Berz û bilind e ew mirov yê dilê xwe yê zarrokane hinda nake. // Mencius
Mezintirîn şaşîtiya dêbav li rasta zarrokên xwe bikin ew e ko zarrokiya xwe bi xwe ji bîr bikin. // Aksel Sandemose
Zarrok bo bidestxistina hêzê, pare û payeyan naxebitin. Ew dilîzin ji ber ko lîstin li ber wan xweş e lew xebata wan lîstik tê hesibandin. // Hans Selye
Belê, bihêlin zarrok ji xwe re bilîze û perwerdeyê têkilî lîstikê bikin. // Féneleon
Armanca perwerdeyê divê fêrkirina kesan be daku bi xwe bixebitin û bipûnijin lê berztirîn mebesta jiyana wan xizmetkirina ji civakê be. // Albert Einstein
Bawerî û bistehî (wêrekî) pêşîn û baştirîn tişt in ko divê dêbav fêrî zarrokên xwe bikin. // Smiley Blanton
Ger mirov di mirina xwe de ji zarrokên xwe re coşdariya xwe bihêle, wî mîrasek bêqam binirx ji wan re hêlaye. // Thomas A. // Edison
Bîstûçar saetên bên bi zanetî bi xweşbînî basa her tiştî bike: basa karê xwe, destkeftinên zarrokên xwe, saxlemiya xwe û pêşeroja xwe. // Norman Vincent Peale
Baştirîn tişta bav bikare ji zarrokên xwe re bike ew e ko ji diya wan hez bike. // Theodore Hesburgh
Divê di her malbatê de ji yekî zêdetir zarrok hebin daku ger yek ji wan zekî be, yên din wî xwedî bikin. // Theodor Gottlieb von Hippel
Mirovên zekî û dahî ji mirbaran yên herî bextewar çiku karê divê ew bikin ew e yê ko ew herî zêde dixwazin bikin. // W. H. Auden
Canîkên herî neqet (şûm) dibin çaktirîn hesp. // Plutarkhos
Neqettirîn zarrok jî bi gotin her mîna bi lêdanê dê bêt vehewandin. // John Lyly
Baştirîn tişta ti kes bikare bike ew e ko bi ser bikeve di bikaranîna hêz û hinêra xwe de bo fêrkirina mirovan daku mirov taliyê fêr bibin bi xwe li gor hişê xwe bijîn. // Baruch Spinoza
Şîreta mamosteyek hişmend bo zarrokekî: her cara destê xwe bilind dikî, TU biryar didî ka dê mista xwe lê bidî yan destê xwe bi serî de bînî. // Veikko Niskanen
Baştirîn perwerdeya jiyanê wî wergirtiye yê ko herî baş dizane hem xweşî û hem jî xemên jiyanê hilgire. // Jean-Jacques Rousseau
Diogenesî li bavî dida dema kurrî dijûn digotin. // Robert Burton
Zarrok li kolanan wê dubare dike ya dêbav li malê dibêjin. // Telmûd
Ger bixwazî kurrî binasî, fêrî nasîna bavî bibe; ger keçê, fêrî dayê bibe. // pendek çînî
Gotin bêwec e - nimûne sedqat baştir e. // Henri Frédéric Amiel
Afirandina mînakên baş jî mîna meşîna li pey wan binirx e. // Francis Bacon
Şitil kûve bêt tewandin, dar wirve diçeme. // Vergilius
Xistina sed daran ji çandina yekê asantir e. // Henri Frédéric Amiel
Nizanim bapîrê min kî ye - mereqa min pirr zêdetir li ser hindê ye ka neviyê wî dê bibe çi. // Abraham Lincoln
Wek em dibêjin bike, ne wek em dikin. // Giovanni Boccaccio
Tek eslizayîtî esilzayîtiya giyanî ye. Mirov dikare wê ji xwe re peyda bike lê ne ji dêbavên xwe wek mîras wergire. Ma çi mifayê digihîne yê kor ko diya wî xweş didît yan yê seqet ko bavê wî xwedî kewnek baş yê bedenî bû. // Axel Fredenholm
Dema mirov ûcaxa xwe didomîne, xeyal dike ko bi hindê xwe razî dike. Ew şaşîtî ye: di rastiyê de jiyan xwe didomîne. // Arthur Schopenhauer
Berî bizewicim, min şeş teorî hebûn ka çawan zarrok tên xwedî kirin. Niha min şeş zarrok hene û ti teorî nînin. // Rochester
Di dilê xwe de bifikire çawan Yezdan şîretan li te dike, û çawan tu şîreta pêdivî ji xwe re dibînî. Eger îro pêwîstiya te bi wê şîretê hebe, tu dikarî wê bibînî. Eger hefteya bêt tu hewcedarî wê bî, hingê ew dê li ber te be. Herdem ne gerek e bi gotinan lava û duayan bikî. Bîskekê li Yezdan bipûnije. Bifikire ko Ew çend qenc e, çend dilovan e, û ko Ew li gel te dimeşe û rêberiya te dike û te diselihîne. // Norman Vincent Peale
Zarrok herdem zêdetir e ji encama dê û bavê xwe. // Wilhelm Reich
Bixwazî zarrokên te çawan bin, hemberî dêbavên xwe wisan be. // Isokrates
Kurrê bavê çirûk felîte ye. // pendek frensî
Bihêlin zarrok bi awayê xwe bextiyar bin. Ma wan dê çi awayek baştir hebe? // Samuel Johnson
Bo min ne xem e eger ez nenas bimînim. Lê ez ê bikoşim wisan bijîm daku bikarim tiştek binirx ji xwe bo cîhana pey xwe bihêlim. // Konfuçe
Bav be lê ti car ji bîr neke ko mirov î û bavê mirovekî yî. // Plinius
Zarokên we ne zarokên we ne. Ew kur û keçên bêrîkirina Jiyanê ne. Ew di we re lê ne ji we tên. Û tevî ko ew li cem we ne jî, ew ne malê ne. // Xelîl Cibran
Hezkirina xwe bidin wan lê ramanên xwe nedinê çimkî wan ramanên xwe bi xwe hene. Hûn dikarin matî ji û çavneriyê li bedenên wan bikin lê ne li canên wan çimkî giyanên wan di jîngeha roja sibê ve dijîn ko hûn di xewnên xwe de jî nikarin biçinê. Hûn dikarin tê bikoşin ko bişibin wan lê nedin xwe ko wan bişibînin xwe çimkî jiyan ber bi paş de naçerixe û di roja borî de jî nasekine. // Xelîl Cibran
|
