Nefel

[ ŞEMÎ, 2024-04-20 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NIVÎSAR

Dijminên me dê nekarin plana serxwebûnê têkbibin


	» Evdirehmanê Gundikî

HEWLÊR, 17/8 2014 — Evenî bi serdema pêvejoya ji esrekê û hirve ye ko pêta finda şimadanka azadîya Kurdistanê li çîyayên Barzan di bin fermanberîya malbata Barzanî de pê ketî.

Ev berdewamîya pêta rehnahîya şimadanga hemî şoreş û serhildanên Kurdistanê ya di çîyayên Barzan de, car bi carnan bi gurya pêta agirê şoreşê û car bi carnan jî rûgirtina gurya pêta agirê şoreşê ya ber bi vemirandinê ve jî nekarîye evê îradeyê bişkêne. Ev îrade ye ko hertim bi geşî birqa wê di seranserê herçar parçên Kurdistanê de şewq dide. Pêketina evê rehnahîya şimadanga ji çîyayên Barzan bilind dibe, bi yekgirtin û hemahengiya hemû hêz û partiyên Kurdistanê ve, di bin desthilatdariya hikûmet û parlemana Kurdista de, îro ber bi xewna Mesûd Barzanî ya ji bo serxwebûna Kurdistana azad ve diçe.

Berdewamî û xwe ragirîya berxwedanên miletê kurd yên mêjûyî û bedelên miletê kurd, yên ji esrekê û hir ve, bi ked û xwîna barzanîyan, bi ked û xwîna hemû miletê kurd ve honandiye, hêdî- hêdî meyweyên xwe dide û ber bi serxwebûna Kurdistanê ve diçe.

Helbete dê xeletî, şaşitî, kêmayî hebin . Helbete dê pêşniyarî, rexne û gazindên me hebin û ji bo pêşdeçûnê, ji bo ko miletê me zêde zerarê nebîne, divê rexneyên me jî hebin. Ev rexne û pêşniyariyên me jî dive ji bo pêşdebirinê, ji bo çêkirinê bin, ne ko ji bo xerakirin û lawaz kirinê bin. Belê, divê em miletê kurd bizanîn ko rakirina serokên netewî ne karekî hêsanî ye û hita em miletê kurd gihiştîne evê pileya ko me karî serokekî di asta Mesûd Barzanî de rakîn, me gelek bedelên giranbiha dayîn e.

Ji bo wê jî ez hîvîdar im ko şona em bixwazin destên Mesûd Barzanî lawaz bikin û ji xewnên wî re astengan çêkin, nexêr divê em berbivajî ji xewnên wî û miletê kurd yên ji bo serxwebûna Kurdistanê re bibin pişt û pal. Ji bo ko em bikarin mifayî ji evê serdema zêrîn bistînin û meyweyên bedelên miletê kurd di mêjûya berxwedanên xwe yên dijî dagirkeran de dayîn bistînîn, pêwîstîya me bi yek rêzîya netewî û serokekî yê îrade baleyî heye.

Ez di ewê bawerîyê de me ko ew îradeya di mêjûya sedsalekê de karî di miqabilê hinde ketin û rabûnan de neşikê dê di evê esra pêşketina teknolojîya evê cîhana nû de de jî qet neşikê. Evê rêbazê careka dî jî rûyê xwe da nîşan dan ko ew DAIŞ-a hov ya bêprensîp jî nikare xwe li ber bedena pêşmergên qehreman bigire.

Bila hemî xêrnexwazên Kurdistanê bizanin ko ew dê nekarin bi rêya terora DAIŞ-ê û bi karanînên cidatiyên olî miletê kurd ji hevdu parçe bikin. Miletê kurd xwidan hîmeteka hinde bilind e ko ew bizane yêkîtîya netewî ye bikare hemî miqedasatên miletê kurd biparêze. Ev miqedesatên Kurdistanê ne ko dikare hemî reng û dengên kurdistanî li hev ragire û bi şêrane bedena hemî dijminan bigire. Divê bê zanîn ko çi kurdên êzidî, yên yahûdî, yên îsayî û yên misilman û hemî kêmnetewêm Kurdistanî jî xwidanên Kurdistanê ne û ti hêz dê nekare evê hîmeta miletê kurd bişkêne.

Evê carê jî rêbaza Barzanîyê nemir ya dijî DAIŞ-a terorîst û hemî xêrnexwazên Kurdistanê xwe dan îsbat kirin ko ti quwet û zordarî dê nekare xebata evê rêbaza pîroz û hevalbendên wê ji desthilanînê bêxe û gor dilên xwe zilma xwe li ser miletê kurd biçewsînin. Ez di ewê bawerîyê de me ko ew medreseya ko pêşmergeyekî wekî Mesûd Barzanî rakirî dê bikare gelek pêşmergên qehreman rake û qet û qet rênedin xêrnexwazên Kurdistanê bi gor xwe li ser qedera miletê kurd bilehîzin.

Miletê kurd di wê têgihiştinê de ye ko bizane ka giranbihayîya yekdestîya netewî çendî hêjayî ye. Ev keysa roja îro ketî destên me de keyseka dîrokî ye û bayê serxwebûna Kurdistanê ya li ber derîyê me baweşîn dike. Ez hîvîdar im ko miletê kurd evê keysê ji destên xwe nede revandin. Divêt hemî hêzên me yên Kurdistanî digel parastina pênasên xwe yên sîyasî bi yekdengîyeka netewî û Kurdistanî xwe li dora rêberîya hikûmeta û parlemena Kurdistana federal bikin yek hita ko bigihîn xewnên xwe yên serxwebûna rastîya jîyana azadîyê.

Rastîya me ya li ber çavan e û ji hemî milan ve hêrişên dijminan tên ser Kurdistanê. Ji aliyekî ve şerê psîkolojîk û ji aliyekî ve şerê ji bo şikênandina miletê kurd ya bi hikmê çekê û ji aliyekê dî ve jî bi rêya çêkirina bêtifaqîyê dagirkerên Kurdistanê lêdixebitin ko miletê kurd ji bawerîya mafê netewî sist bikin.

Ez di wê bawerîyê de me ko hita em miletê kurd nekarin li ser astê xwe yê netewî pêşkêşîyeka xwidan ezmunaka bilind ji xwe re bikin rêber û xeta Kurdistanîbûnê xwirt nekin, em dê nekarin bigihîn armancên xwe yên çareserîya pirsa Kurdistanê jî.

Hêvîya min ew e ko hemî rêxistinên me yên Kurdistanî digel parastina pênasa xwe ya sîyasî di bin çavdêrîya hikmeta Kurdistana federal de bi yekdengî li destketîyên xwe yên netewî xwidantîyê bikin û ji bo bi yekîtiyeke ji hemî hêzên neteweyî pêkhatî, rewşa rojavayê kurdistanê jî normalîze bibe, bi yekdengî dengên xwe bilind bikin û rêzdarîyeka hevalbendîyê di nêv hêzên herçar parçên Kurdistanê de bête ava kirin, dê bibe dermanê derdê xewn û xîyalên xelkê Kurdistanê.

-----------------------------------

Nivîskar: EVDIREHMANÊ GUNDIKÎ abeyri@gmail.com
Weşandin: 2014-08-17
Xwendin: 5586