Nefel

[ ŞEMÎ, 2024-11-23 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NIVÎSAR

Dirawsêy baş yan paşkoy baş

» Zikrî Mûsa behsa siyaseta Barzanî û serxwebûnê dike

HEWLÊR, 17/12 2016 — Cîhan larî lewe nîye Kurdistan bibête dewllet, kêşey serekî dabeşbûnî siyasî nawxo ye lemerr em pirse çarenûssaze. Gutarî serbexoyîxwazî le hizrî serok Barzanî berceste debêt. Le mawey çend sallî rabirdû da be aşkira le mîdyakan û le kobûnewey legell şande biyanîyekan û siyasîyekanî Bexda serok ewey neşarduwetewe ke amancî stratîjî kurd serbexoyî ye.

Binemay serekî hizrî serbexoyîxwazî le riwangey Barzanî babetî maf û qurbanîdan e. Serbexoyî mafêkî reha ye û bew qurbanîyey gelî Kurdistan bexşîwiyetî rewa nîye her wek paşkoy xellkî tir bimênêtewe. Barzanî way bo deçê tenya le rêgey wedesthênanî serwerî tewawe ke Kurdistan detwanê xoy le herreşekan biparêzêt û paşan bikewête ser rêrrewey pêşkewtin.

Pêdagirîyekanî Barzanî bo serbexoyî le hokarêkî dîkeyşewe serçawe degirê, ezmûn û bêmitmaneyî. Kurd ezmûnêkî sedsalley jiyanêkî şkistxwardûy legell Êraq da heye. Tenanet çirkesatêkîş wek şerîk seyrî kurd nekirawe û Bexda herdem kurdî wek paşko bînîwe, herkat hikûmetî nawend behêz bûbêt ewe peymanşikênî kirduwe û mafekanî gelî Kurdistanî pêşêl kirduwe.

Êsta kêşekan qûlltir in, tayîfiyet û destêwerdanî herêmî le Êraq le lûtke da ye. Lew milmilanêye da ye ya debê şîe bî yan sûnne. Barzanî nayewê willatekey lew şerre bêpayane werbidat, gelî Kurdistan û dozî reway xoy heye û beşêk nîye le şerrî sûnne û şîe.

Le beranber da beşêkî tirî siyasîyekanî kurd rêk pêçewane bîrdekenewe. Hokarekey herçîyek bêt, hizrî bêt yan milmilanêy siyasî legell Barzanî, ewan way bo deçin kurd legell Êraq parêzrawtir e. Eger mafe dîmukratîyekan biçespêt îtir pêwîst be serwerî nakat. Cige leweyiş be hoy ciyopolîtîkewe Kurdistan naçar e yan paşkoy Turkiya bêt yan Êran yan Êraq, ke wate baştir wa ye her legell Êraq da bîn. Legell ewey birrwayan be mafî çarenûs heye, bellam lew birrwaye da nîn kurd bitwanê be piştbestin bew kereste siyasî û abûrî û ciyografiyaney heyetî le ser pêy xoy biwestêt û serbexo bêt. Hendêkiyan rahatûn le ser sûkserincdanî serebexoyî û galltey pêdeken û beşêkîşiyan be xewnêkî gillawî dezanin bo ewey dîktatorîyet le Kurdistan da serbikewêt.

Le cîhanbînî Barzanî da bo serbexoyî bêmitmaneyî beranber derewe heye, bellam le riwangey neyaranî serbexoyî bêmitmaneyî beranber nawxo heye. Barzanî pêy wa ye dekirê kurd legell willatanî dewruber dirawisêy baş bê. Ewanî dîke way bo deçin dekirê qewarey siyasî serkewtû bê le naw dewlletî Êraq. Le stratîjî Barzanî legell Êraq da ciyogirafiya û mêjû û ezmûn qisey yekem dekat, bellam layenî beranber legell Êraq da yarî û milmilanêy siyasî û hawpeymanêtî û karî parlemanî be ewlewîyet dezanêt.

Êsta çî deguzerêt?

Barzanî kar le ser dûrkewtinewe le Bexda û xokokirdinewey kurd dekat, layenî beranber kar bo têkbestinewe be hêzekanî Êraqî û pertewazeyî kurd le Bexda dekat û pêşî wa ye ke ew yarîyey le Bexda deykat debête hoy behêztirbûnî le milmilanê nawxoyiyekanî Kurdistan.

Êsta Barzanî û hêllî serbexoyî legell sê berey cîhanî derewe û dewlletî Êraq û neyare nawxoyiyekanî serbexoyî le milmilanêyekî sext dan. Lew beyne da erkî neyare nawxoyiyekanî Barzanî asantir e, ewan tenya legell Barzanî da le milmilanê dan û berdewam luxmî siyasî bo dadenên, laşiyan asayî ye lew milmilanêye da pirrojey serbexoyîş le bar biben û Kurdistan bikene paşkoyekî lawazî Bexda.

Eger berey êraqçî Kurdistan lew milmilanêye da serbikewin aya bextewerî û parêzrawî rû le Kurdistan dekat? Dewlletî Êraq rêz bo şeraketî kurd dadenêt? Ezmûn û mêjû wellamî nexêrman dedatewe. Cige leweyiş erebî şîe be tokmeyiyekî bêwêne le Parlemanî Êraq kar dekat. Parlemantarekaniyan lebleban û şovênî û haqid in beranber kurd. Le beranber da kurd pertewaze ye, parlemantare êraqçîyekanî kurdîş genc û bêezmûn in, erebîzanîş nîn û be asanî fêlliyan lê dekirê û birrge û feqereyan be ser da desepêndirê.

Yasay budcey 2017-î Êraq pêman dellê ke le karî parlemanî da tay terazû çende le berjewendî layene êraqîyekan e. Şîe tiwanî be asanî hemû mafêk bo çekdarekanî Heşd biçespênê ke çî parlemantare kurdekan yasayekîyan qibûll kird ke tewaw le dijî berjewendî pêşmerge û Kurdistan e. Çunke şîekanîş zorînen îdî ta hetaye hemû yasayek debê le berjewendî ewan biçespêt û kurd le birrge û yasa û wişekanîş da debête paşko.

Êsta katî yeklayîbûnewe ye, Kurdistan bibête dirawisêyekî baş yan paşkoyekî baş? Yan herdûk? Ebê çawerrêy gorrankarîyekan bîn.

***

Têbînî: Di zaravayê soranî de bêjeya »paşko« têt menaya »dûvelang«. Vêca mesele ew e ka Kurdistan dê bibe cîraneka baş ya Iraqê yan dûvelanga Iraqê. Zikrî Mûsa sekreterê medyayê yê serokê Kurdistanê Mesûd Barzanî ye.

-----------------------------------

Nivîskar: ZIKRÎ MÛSA
Weşandin: 2016-12-17
Xwendin: 14565