Nefel

[ ÇARŞEM, 2024-11-27 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

NIVÎSAR

Pêşmergeyên Kurdistanê "derbeyeka eskerî" kir – Kurdistan yekgirtî dimîne


	» Rêbwar Kerîm Welî

HEWLÊR, 14/9 2015 — Ev kirîz û aloziya siyasî ya ko niha li Kurdistanê heye, ji bilî serêşî û dilgiraniyên wê, aliyên wê yên pozîtîf jî hene ko mirov dikare wek xalên werçerxanê di dîroka siyasî ya Kurdistanê de bibîne.

Roja heftê tebaxa îsal, fermandeyên pêşmerge (ji bilî wezîrê wêşmerge), piştî bilindbûna tansiyona siyasî û tirsa derketina şerê navxwe û sîstema du-îdareyî, ji serokatiya herêma Kurdistanê, serokatiya hikûmetê û serokatiya Parlamentoya Kurdistanê re nameyek şand. Di nameyê de hişyariyek nerm hatibû dayîn lê bi bandor bû.

Ev yekemîn car e ko di dîroka siyasî ya Kurdistanê de hêzên pêşmerge, bi rexmê wê yekê ko hîn pêşmerge bi tememî nebûne yek jî, di nakokiyên siyasî de bê alî dimînin û xwe didin aliyê gel. Wan, ji hêzên siyasî xwest ko li dora maseya diyalogê kom bibin. Wê hişyariyê ko mîna “derbeyeka spî” bû, siyasetmedarên Kurdistanê neçar kir dest bi hevdîtinan bikin û vê yekê jî jibîr bikin ko eger rêkeftin û lihevkirin çênebe mîna salên 90î, li dijî hev çeper bigirin!

Pêşmergeeyan bi rexmî nebûna meaşan (helbet ji bo kadroyên partiyan mûçe heye!) û xirabiya jiyana wan, ji bilî wê mêrxasiya ko di şerê bixoftirîn rêxistina terorîstî ya cîhanê de nîşan didin, xwe dan aliyê gel û siyasiyên ko şer dixwazin bê hêvî kirin.

Fermandeyên leşkerî û yên ko ezmûna tal ya şerê navxwe dîtine, nîşan dan ko her çiqas îro çekên pêşketî yên rojavayî ketine destê wan lê ew wan çekan ji bo parastina axa Kurdistanê bikar tînin ne ji bo kuştina zarokên kurd. Wan bi vê yekê, tevahiya wan tezên ko digotin “nabe çekên pêşketî bikeve destê pêşmerge” pûç kirin. Her wiha wan nîşan da ko tenê girêdayî fermana fermandeyê giştî yê hêzên çekdar ên Kurdistanê Mesûd Barzanî ne.

Du-îdareyî tê wateya sê-îdaretiyê!

Wisa xuya ye ko partiyên ko alîgirên sîstema parlemenî ne (Komel, Yekgirtû, YNK, Gorran) li ser helwesta xwe rijd in û yên din jî (PDK û partiyên ko kursiyek wan di parlamentoyê de heye) amade nînin helwesta xwe biguherînin. Derketin ji vê kirîzê, bi hilbijartinên pêşwext ve girêdayî ye ko heta niha piraniya partiyan razî bûne hilbijartin bê kirin.

Lê berî ko hilbijartin were kirin, hinek tiştên din çêbûn: bûyerên 19 û 23-yê tebaxê. Her çiqas partiyên alîgirên sîstema parlemenî li hember PDK û hevalbendên wê serkeftin bi dest xistin jî lê PDK-ê jî bi anîna nûnerên civaka navdewletî û welatên cîran, xewna xweseriya Kerkûk û Silêmaniyê pûç kir! Herwiha wisa kir ko pêşmerge di vê lîstokê de bê alî bimîne.

Alîgirên sîstema parlemenî wisa hizir dikirin ko eger wan û PDK-ê li hev nekirin û nekarîn desthilata Barzanî sînordar bikin, dê ji xwe re “herêmek din” bi piştevaniya Îranê ava bikin lê hizra wan xelet derket. Ji ber ko Îran piştî rêkeftina atomî bi Emerîkayê re, pêwîstî bi bêhnvedanekê hebû. Yek ji xelekên lawaz ên siyaseta Îranê jî mijara “Herêma Silêmanî û Kerkûkê” bû.

Emerîka û rojava ti carî razî nabin ko Kerkûk û çavkaniyên din ên enerjiyê bikevin destê Îranê herwiha li nav YNKê de jî “baskê reformîst” (qesta wî Berhem Salih û hevalên wî ne) peyamek da koordînatorê giştî yê Gorranê ko eger hûn bixwazin Herêma Kurdistanê bikin du herêm, wê çaxê emê jî herêmeka dî ji xwe re ava bikin! Her çiqas “baskê reformîst” di standina biryaran de zêde bihêz nebe lê bandora wî baskî li ser beşek mezin ji alîgir û endamên YNK-ê heye û dikarin ji xwe re herêmekê li ser bîrên petrolê yên Germiyanê, Kerkûk û Koyê ava bikin!

Ji ber vê yekê, alîgirên sîstema parlemenî pir pîs bêdeng bûne û bi hilbijartinên pêşwext razî bûne. Hilbijartinên pêşwext tê wê wateyê ko Barzanî dê her serok bimîne û Kurdistan jî dê yekgirtî bimîne. [rûdaw]

-----------------------------------

Nivîskar: RÊBWAR KERÎM WELÎ
Weşandin: 2015-09-14
Xwendin: 19056